Балабақшамен қоштасу ертеңгілігі сценарийі мектепке дейінгі балалар

Қош бол, сүйікті балабақшам!

Бота : Қайырлы күн, құрметті ата-аналар, әріптестер, қонақтар!

Сіздерді бүгінгі мерекеде көруге қуаныштымыз!

Жанар: Бүгін бізде ерекше күн, өйткені бүгін біз бірнеше жыл мәпелеп, тәрбиелеген бүлдіршіндерімізді ұямыздан ұшырып, мектепке шығарып салғалы отырмыз!

Бота: Құрметті ата-аналар, әріптестер, қонақтар бүгінгі мерекеміз құтты болсын!

Жанар: Ендеше бүгінгі түлектерімізді ортаға шақырайық.

Балалар жұптарымен залға кіреді.

Тәрбиешілер кезектесіп, балалардың аты-жөндерін атап, ортаға шақырады.

Бота: Біздің балаларымыздың тақпақтарын қабыл алыңыздар!

Тақпақтар:

Ясмин:

Ақ тілекті ағытып, бір тастайық,

Қоштасатын кешімізді бастайық.

Жүздеріңнен көрем шаттық арайын,

Болсын солай әрбір күнің, әр айың.

Қызық күндер өткіздік,

Балабақша бағында.

Көп оқыдық, көп білдік,

Ел мен Отан жайында.

Нұрмұхаммед:

Балабақша есігін,

Үшке тола ашқанбыз.

Балапандай өсіріп,

Мәпелейді бақшамыз.

Бұл екінші үйіміз,

Бір туғанбыз бәріміз.

Біз сол үйдің гүліміз,

Біз сол үйдің сәніміз.

Салтанат:

Өтті талап – талғаммым,

Көп нәрсені ұғындым.

Сен үйреттің сөйлеуге,

Сенде ойым есейді.

Мектепке барам мен енді,

Балабақшам қош енді.

Данил:

Тәрбие берген ұямыз,

Тәртіпті бала боламыз.

Қоштасып балабақшамен,

Біз мектепке барамыз.

София:

Құшағыңда жарқылдап,

Өтті сәби күндерім.

Би биледім, ән тыңдап,

Алаңдауды білмедім.

Бүгін жақсы киініп,

Салтанатқа жиылып.

Бақшаменен қоштасар,

Әліппемен достасар.

Келіп жетті сәтті күн,

Дайын қағаз қаламым

Мектепке енді барамын.

Болат:

Талай қызық той өткіздік,

Бірақ орны бөлекше.

Бақшамызбен қоштасатын,

Бүгінгі той ерекше

Жанар: Ал енді балалардың орындауында

«Біз мектепке барамыз» әні

Балалар орындарында тұрып ән айтады.

Тақпақтар:

Дәрмен:

Қолыма гүл аламын,

Дайын дәптер қаламым.

Таңқалдырып достарды,

Мен мектепке барамын.

Мадина:

Қуанышым менің мол,

Мектебіме тарттым.

Ұмытпаймын өзіңді,

Балабақшам қош сау бол!

Бекзат:

Үлкендердей тап – таза,

Жазамын бормен тақтаға.

Үлгілі бала боламыз,

Оқып білім аламыз.

Амина:

Жақсы кітап – Әліппе,

Үйретеді әріпке.

Қуыршақпен қоштасам,

Әліппемен достасам.

Мансур:

Балабақша бесігім,

Тағы бір той жасайық.

Ашты мектеп есігін,

Өзіңмен қоштасайық.

Амира:

Сүйемін күннің шапағын,

Жанарымда мол шуақ.

Сондықтан да биіміз,

Тек сендерге арналмақ.

Би. Вальс

Балалар орындыққа отырады. Осы кезде Мыстан кемпірдің немересі кіреді.

Ежка: Балалар сендер қайда жиналып жатсыңдар?

Балалар: Мектепке жиналып жатырмыз

Ежка: Балалар қарандаршы менде де сөмке бар, менде сендермен бірге мектепке барайыншы.

Жүргізуші: Ал сенің сөмкенде не бар?

Ежка: Менің сөмкемде доп, қуыршақ, рогаткалар бар. Ал сендердің сөмкелерінде не бар?

Балалар: Кітап, дәптер, қылқалам.

Ежка: Ойййй оларды не істейсіңдер? Мен мектепке барғанда оқымаймын, жазбаймын. Мен онда ойнаймын. Ал ішім пысып кетсе, рогаткамды алып, терезелерді сындырамын. Құстарды атамын.

Жүргізуші: Балалар айтыңдаршы солай істеуге болады ма?

Балалар: Жоқ болмайды.

Ежка: Ал мен енді не істеймін? Мен сөмкеге қандай заттар керек екенін білмеймін.

Жүргізуші: Балалар біз Ежкаға сөмкеге керек заттарды жинауға көмектесейік.

Ойын: «Сөмкеге керек заттарды жина»

Мезгілсіз шырылдаған сағат. Ұйықтап қалған отбасы мектепке тез дайындалу керек.

1) Бала сөмкесін жинайды

2) Әкесі шар үрлейді

3) Анасы гүл жинайды

Тапсырманы орындағаннан кейін ғана қоңырау соғылады.

Жүргізуші: Кәне тексерейік мектепке кім қалай жиналғанын. Ежка мектепке керек заттарды сөмкеге қалай жинау керек екенін түсіңдің бе?

Ежка: Ия рахмет сендерге балалар, мен бәрін түсіндім. Мен мектепке кеттім.

Жүргізуші: Ежка тоқта сабақ әлі басталған жоқ, сен мектепке қашан бару керек екенін де білмейтін сияқтысын.

Ежка: Жоқ білмеймін, қашан бару керек?