Балабақшамен қоштасу ертеңгілігі мектепке дейінгі балаларға

Бақша біздің панамыз, Мектеп біздің анамыз. Ұлағатты ұстаздан, Оқып білім аламыз. Ойыншықты жинаймыз, Бөбектерге сыйлаймыз. Өнер білім үйреткен, Өздеріңізді қимаймыз.

Қош бол өскен бақшамыз, Айдын шалқар үйіміз. Аман болып тұрыңдар, Қамқор болған бақшамыз. Еркелейміз ойнаймыз, Күнде думан құрамыз. Күн шуағын төккендей, Қош бол балабақшамыз.

Бұл қуаныш себебін Бізге қарап ұғыңдар, Ер жетті деп бөбегім Туған Отан қуансын, Туған дала қуансын.

Қуанышымыз, сыйлаймыз Қуаныштың мың гүлін. Бақшамызбен қимай біз Қоштасатын күн бүгін, Ботақандай бөбек деп, Еркелеткен ұл- қызын Анамызды ерекше Қуантамыз біз бүгін.

Балабақша бесігім Тағы бір той жасайық! Ашып мектеп есігін Өзіңмен қоштасайық! Талай қызық той өткіздік, Бірақ орны бөлекше, Бақшамызбен қоштасатын. Бүгінгі той ерекше.

1.Тәрбие берген ұямыз, Тәртіпті бала боламыз. Қоштасып балабақшамен Біріншіге барамыз.

2.Алты жасқа толамыз, Әдепті бала боламыз. Қуантып ата- ананы Мектепке кетіп барамыз.

3.Балабақшам қош енді, Әркез аман бол деймін. Әкем менен шешемді, Ертіп енді келмеймін.

4.Мектепке ертең барамыз, Оқимыз сауық құрамыз. Қашық емес арамыз, Бақшаға келіп тұрамыз.

5.Оқимыз, білім аламыз, Болашақ жолын саламыз. Бақшамызбен қоштасып, Біз мектепке барамыз.