Балаға мейірім сыйла сыныптан тыс жұмысы

№34 жалпы білім беретін мектебі

«Балаға мейірім сыйла» тақырыбымен өтілген акция туралы

Мәлімет

Мерзімі: 29.10.2018 ж.

Меркі ауданы әкімдігінің білім бөлімінің 2018 жылдық жоспары негізінде қазан айының 29-да «Балаға мейірім сыйла» атты республикалық акция шеңберінде №34 жалпы білім беретін мектебінде бастауыш сынып оқушылары аралығында «Ертігілер әлемі» көрмесі ұйымдастырылып, ертегілерден көрініс, бейнефильмдер көрсетіліп оқушыларға сыйлыққа кітаптар берілді.

Өтілген іс-шараның мақсаты ертегідегі кейіпкерлер арқылы бала бойына адамгершілік-рухани байлықты сіңдіру, ертегілер әлеміндегі кейіпкерлерді үлгі ету арқылы бала бойына мейірімділік, қамқоршылық, адамгершілік қасиеттерін дарытып, әрдайым айналасына жақсылық жасап, үлкенге құрмет, кішіге ізет сияқты игі істер жасауға баулу. Көрмеде «Шалқан», «Бақа ханшайым», «Шошақай шелпек», «Су перісі», «Алпамыс», «Ақымақ қасқыр», «Джек пен үрмебұршақ», «Қызыл телпек» т.б ертегі кітаптар, «Тышқан қалай жылбасы болды?», «Тұмарбас», «Алтын балық», «Сұмырай хан», «Сиқырлы тас», «Аламан мен Жоламан», «Керқұла атты Кендебай», «Жақсылық пен жамандық» т.б. аудио кітаптар бар. Аудио кітаптар арқылы ертегі көрсетіліп, талданды. Оқушылар ертегіде әрқашанда жақсылық жеңетінін, зұлымдықтың, жамандықтың жолы ұзаққа бармайтындығын таласа айтып отырды.

Сондай-ақ Алдар Көсе: қонаққа келіп балалардың естеріңде қандай ертегі кейіпкерлері қалған екендігін байқап көру мақсатында жұмбақ жасырылды. Балалар өте жақсы жауап берді.- Сәлеметсіз бе, балалар! Мен сіздерге қонаққа келдім, мені танисыңдар ма? Балалар: - Ия. Сен Алдар Көсе.

Қымбатты балалар! Сендер ертегілерден жақсылық, бақыт, азаттық, теңдік, халықтың мәңгілік арманы мен үміті болғанын, қайырымдылық жасау, тарыққан мен торыққанға қол ұшын беру, жасаған жақсылықты парызым деп есептеу адам баласының биік мұраты екенін түсінесіңдер. Сендердің ой-өрістерің дамып, тілдеріңнің байытылуы үшін ертегінің маңызы зор. Келесі кезекте балалардың дайындаған «Қызыл телпек» ертегісінің қойылымы қойылды. Акция соңында мектебіміздің кітапханашысы: Әкімбекова Г. Білім сүйсең, кел күн сайын осында,

Кітап сенің айналады досыңа.

Талаптансаң үйренуге ұмтылып,

Келгін, жас дос, ізденейік қосыла.. дей отырып ертегі кітаптарын балаларға сыйға тарту етті.

Өтілген іс-шара өз алдына қойған мақсатына жетті. Оқушылар ертегі кейіпкерлерін өздеріне үлгі тұтып, мен сондай батыр, шыншыл, қамқор боламын деп өз ойларын білдіріп өтті. Акция соңында бір-біоріне жылы тілектер тіленді.

№34 жалпы білім беретін мектебі

«Балаға мейірім сыйла» тақырыбымен өтілген акция барысынан көрініс

Тақырыбы: « Ертегілер әлемі»

Мерзімі: 29.10.2018ж

Қатысушылар: бастауыш сынып оқушылары.

Мақсаты:

Жүргізілу барысы: Ертегідегі кейіпкерлер арқылы бала бойына адамгершілік-рухани байлықты сіңдіру, ертегілер әлеміндегі кейіпкерлерді үлгі ету арқылы бала бойына мейірімділік, қамқоршылық, адамгершілік қасиеттерін дарытып, әрдайым айналасына жақсылық жасап, үлкенге құрмет, кішіге ізет сияқты игі істер жасауға баулу.

Кел, балалар келіңдер,

Жаңа кітап көріңдер.

Қане, оқып шығыңдар,