Әлемді тербететін мейірім сыныптан тыс жұмысы

Өткізген: Жамантаева Жанар Үпіқызы

Тақырыбы : Әлемді тербететін мейірім

Мақсаты : оқушылардың бойында адамгершілік құндылықтарды, адамға , бір- біріне деген құрмет сезімін қалыптастыру,танымдық , шығармашылық қабілеттерін дамыту, ойы- орамды, тілі бай, мәдени өрісі кең, адамгершілігі жоғары, ұлтын, Отанын сүйетін қазақы азамат етіп тәрбиелеу.

Қатысушылар : ата-аналар(20 адам ), мұғалімдер , 7- 11 сынып оқушылары (30 оқушы)

Түрі : ток шоу

Әдісі : топтық жұмыс, талдау , пікірлесу, сахналау , жағдаяттардан шығу, сын тұрғысынан талдау, ойтолғау

Көрнекілігі : қанатты сөздер :

«Мейірімділік махаббат ,қайырымдылық, адалдық секілді ақ жүректен шығады »

Шәкәрім

«Кір тигізбей ұста ойыңның өресін, мейірім етсең – мейірімділік көресің»

Ж. Баласағұн ,

Түрлі – түсті стикерлер, шаңырақ , түрлі түсті мата ,оқушылар қолымен жасалған сувенирлер, отбасы сұлбасы .

Барысы : Ұйымдастырылуы. Сахнаны безендіру. Қонақтарды қарсы алып, орналастыру.

1 апта бұрын 7-11 сынып оқушыларына топтық тапсырма беріледі (тақырыпқа сай шағын 2-3 минуттық кино түсіру).

Әр(7-11 сыныптардан) сыныптан сауалнама алынады Мақсаты – мейірімді сыныпты анықтау. Қорытындысы шараға дейін анықталып, сарапталады. Диаграммасы жасалады. «Алтын жүрек» сыйы беріледі.

Шарада қарастырылатын тақырыпқа байланысты сұрақтар 2-3 күн бұрын ілініп таныстырылады, ойтолғауға, пікірлесуге дайындалып келу ескертіледі .

Ата-аналарға шақыру билеті беріледі.

Мейірімділік – адамның өзге біреуге жылылығын, ізгі ниеті мен лебізін білдіру көрінісі . Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Мейірімділік адамның жоғары адамгершілік белгісі ретінде оның бүкіл тыныс- тіршілігін, жан дүниесін жадырататын , шат -шадымен тіршілігі үшін қажетті аса маңызды қасиеттің бірі болып саналады. «Мейірімділік махаббат , қайырымдылық, адалдық секілді ақ жүректен шығады » деген екен ойшыл ақын Шәкәрім. Қазақтың дәстүрлі әдеп жүйесінде мейірімділік адамдар арасындағы адамгершілік, ізгілік пен ізеттілік, имандылық пен инабаттылық секілді асыл қасиеттермен үндестік тапқан. Жүсіп Баласағұн «Кір тигізбей ұста ойыңның өресін, мейірім етсең – мейірімділік көресің» деп, мейірімділікке зор мән берген.

Ендеше «Әлемді тербеткен мейірім» тақырыбындағы ток шоуымызды бастаймыз.

-Жалпы мейірім отбасында кімнің бойында көп деп ойлайсыздар ?

Адамдар арасындағы сыйластық қаншалықты көрініс беруде?

Әлемдегі бар жақсылық махаббат арқылы келеді . Осыған қосыласыз ба?

Мейірімділікті анадан үйрену керек пе?

Сіз мейірімділікті жиі жасайсыз ба ?

Өзіңіз мейірімді жансыз ба ?

Біреудің қайғысына ортақ болу мейірімділікке жата ма ?

Сіз біреуге жақсылықты соңғы рет қашан жасадыңыз ?

Сіз үшін өмірде ең мейірімді жан кім ?

Сіздің айналаңызда мейірімді жандар көп пе ?

Қатыгездікке мейірімділікпен жауап беру мүмкін бе немесе сіздің қолыңыздан келе ме?

Көріністер 1. .«Жетім қыздың монологы» жауапты 11 сынып

2 «Әкенің еркелігі» жауапты 8 сынып.

3. «Ана мейірімі » жауапты- 10 сынып . Әр көріністен соң пікірлесу, талдау жүргізіледі.

Жағдаяттар. Жағдаяттар ( көрермендерге тасталады) өз пікірлерін айтады.

Жалғызбасты ана бес баласын ешкімнен кем етпей өсірген. Бәрі қалада тұрады. Әр баласы өмірден өз орнын тапқан. Алайда аналары қара шаңырақта жалғыз тұрады. Балалары туған үйге сирек келеді. Көбіне телефон арқылы аналарының жағдайын сұрап біледі. Ақша жібереді. Бірақ анаға керек басқа нәрсе. Баалаларының жүрегіндегі мейірімді ояту үшін не істеу керек?

Қыстың бір күні мектеп оқушысы сыртқы кіре беріс есікте сүрініп құлады. Сабаққа қоңырау соғылғандықтан оқушылар кимелеп кіріп жатыр, бірақ бірде – бір оқушы құлаған оқушыны демеп орнынан тұруға көмектеспеді. Сонда бұл оқушылардың бойында бір-біріне деген құрмет , мейірімділік, қайырымдылық жоқ деуге бола ма?

7. Сауалнама қорытындысы .Әр(7-11 сыныптардан) сыныптан мейірімді сыныпты анықтау мақсатында сауалнама алынған. Қорытындысы шараға дейін анықталып, сарапталады. Диаграммасы жасалады, көпшілікке таныстырылады. «Алтын жүрек» сыйы беріледі.

8.«Біздің айтқымыз келгені ...». 7-11 сынып оқушылары түсірген кинолар көрсетіледі Әр сыныптан 1оқушы өздері түсірген туындыларында не айтқысы келгенін айтады.

Ең үздік фильм көрерменнің қол шапалақтауы арқылы анықталып (ескерту: қай сыныпқа шапалқ қатты соғылады, сол сынып үздік), марапатталады. Оқушылар қолымен жасалған сувенир сыйға беріледі.