Балалар мен ата аналар қақтығысының алдын алу материалы

Ақтөбе облысы,Алға ауданы

Нұрбұлақ ауылы

Нұрбұлақ орта мектебі

Мектеп психологы: Уткелбаева Надежда Конакбаевна

Балалар-ата-аналар қақтығыстары алдын-алу және позитивті реттей отырып жалпы адамзаттық құндылықтарды жарыққа шығару.

Мақсаты: Ата-аналарды психологиялық-педагогикалық ағарту және келіспеушілікті тиімді реттеу үрдісімен таныстыра отырып, рухани-адамгершілік құндылықтарды жаңғырту.

Міндеттері:

ата-аналардың балаларды тәрбиелеудегі мақсаттарды ұғына білуі;

ата-аналардың әрбір жеке тұлғаның дамуындағы бірегей ерекшеліктері мен заңдылықтарын түсіне білу;

ата-аналардың жас ерекшеліктері мен жеке қабілеттері мен мүмкіншіліктеріне сәйкес балалардан талап етуді қалыптастыру және дұрыс түсіндіре білу;

баланың тұлғасын дамытудың нақты педагогикалық жағдаятында ата-аналардың бара бар шешім қабылдай алуы;

ата-аналардың сәйкес жағдайларды, әдістер мен тәсілдерді дұрыс таңдай білуі мен оларды сауатты пайдалана алуы.

Көрнекіліктер: тақырып, қағаздар, фломастер, интерактивті доска, үнтаспа (жағымды, баяу әуенді диск).

Жоспар

I. Қуыршақ терапия

ІІ.Бала тәрбиесіндегі ата-ананың рөлі: Сумен тәжірибе жүргізу.

ІII. Ата-аналар мен балалар арасындағы қақтығыстар

1) балалар-ата-аналар қақтығыстарының пайда болу себептері

2) «Ақша сұраудың себебі»

3) «Жарық құмыра»

4) «Менің қолымда көбелек»

5) «Балалар өмір сүруді өмірден үйренеді»

V. Реллаксация

VI. Келіспеушілік жағдайлардан сабақ алуға көмектесетін ұсынымамалар

Жұмыс барысы

Құрметті ата-аналар! Бүгінгі семинарымызға хош келіпсіздер! Сіздермен бас қосып пікір алысудағы мақсатымыз отбасындағы бала тәрбиесін дұрыс жолға қою, білімге деген ынтасын арттыру. Сонымен қатар ата-аналардың бала тәрбиесіндегі шешуі табылмай жүрген мәселелер болса, ойымызды ортаға салайық деп отырмыз. Қай елде, қай кезде болмасын, бала тәрбиесін ерекше дамытушы да, ілгері апарушы да – балалар, яғни бүгінгі ұрпақ – ертеңгі елдің болашағы. Шығыс ғұламасы Әл-Фараби: «Адамға ең бірінші білім емес, тәрбие берілуі керек, тәрбиесіз берілген білім –адамзаттың хас жауы, ол келешекте оның барлық өміріне апат әкеледі» деген. Осыған байланысты «Ата-аналардың педагогикалық мәдениеті» атты тақырыбымызды бастайық.

«Тыныс алу жаттығуы»

Көздерімізді жәймен жұмыңыздар.Оң жақ иығымызға қарай басымызды бұрамыз да,ауаны терең жұтып,еркін тыныс аламыз,сол жақ иығымызға қарай басымызды бұрып , ауаны жібереміз. Терең дем алғанда өздеріңнің тыныс алуларыңды бақылай , бақытқа сүйіспеншілік пен тыныштыққа толы жақсы ойлармен , таза , шипалы ауаның тұла бойларыңа толғанын сезесіңдер .

1 2 3 4 - демді ішімізге дем алып , 5 6 7 8 дем шығару . Осы айтылған жақсы ойларымызды жүрегімізде сақтайық.

I. Қуыршақ терапия

Нұсқау: Барлығына ақ парақ қағаз таратылады. Сол ақ парақ қағаздан қуыршақ жасатылады. Жасап болған сон, әрқайсысы аты-жөнін және бойындағы жақсы қасиетін айтады.

Интерпретация: Қуыршақтын басы үлкен болса – ақылдылықты білдіреді. Қолы жоғары көтеріліп тұрса – өзіндік бағалау жоғары. Қолды екі жаққа – ашықтықты білдіреді.

II. Бала тәрбиесіндегі ата-ананың рөлі: Баланың шынайы табиғатын сезініп,табиғат берген ерекшеліктерін ескере отырып,қалай бар солай қабылдап түсіне білу,өз балаңды жақсы көр,мейлі ол талантты,не талантсыз болсын.Балаға өзіңіздің тәрбиелеп өсіріп отырғаныңызды міндеттемеңіз.Ата-аналарға бала тәрбиесіндегі ананың,әкенің рөлі туралы,бала тәрбиесіндегі маңыздылығы туралы түсінік беру.

Сумен тәжірибе жүргізу.

ІІІ.Ата-аналар мен балалар арасындағы қақтығыстар

Ата-аналар еңбегінде, кез-келген ңбектегідей, қателік пен күмән, жығылыстар мен сәтсіздіктер уақытша болып тұруы мүмкін. Әрине, жеңістер де болады! Бірақ бұл «Еңбек майданында» нені жеңіс, нені жеңіліс деп айтуға болады?

Ата-аналар өздерінің педагогикалық ұмтылыстарының дұрыс екендігіне күмәндануы баламен қарым-қатынасында көбінесе байқалады.

Қақтығыс деген не? ҚАҚТЫҒЫС/жанжалдасу – бұл көзқарастардың сәйкессіздігінің , мүдделерінің ортақ еместігіндерінің, дауласуды ашатын жағдай.

IV. Жағдаяттар

2) «Ақша сұраудың себебі»

Нұсқау: үнтаспадан жағымды, баяу әуенді қосып, төмендегі «ақша сұраудың себебі» атты әңгіме оқылады

Арман жұмыстан үйге шаршап келгенде, есік алдынан 9 жасар баласы Ерден: "Әке, сағатына қанша ақша табасыз?" - деп сұрайды. "Онда шаруаң болмасын!" – дейді әкесі. Ұлы: "Айтыңызшы, білгім келеді" - деп қайта сұрағанда, Арман ызаланып "Екі мың теңге! Ал не істейін деп едің!?" - дейді. Сонда Ерден "Маған бір мың теңге қарыз ақша бере тұрасыз ба?" - деп сұрайды. "Менің мазамды алма, бөлмеңе бар". Бір сағат өтіп, ашуы басылғанда, Арман баланың ақшаны не үшін сұрағанын да білмейтінін ойлап, "Мүмкін шынында қажет болып тұрған шығар?" - деп ұлының бөлмесіне кіреді. Төсекте жатқан Ерденге жақындап: "Сұраған мың теңгеңді ала ғой. Саған ұрсып тастағаным үшін ренжіме", - дейді. Ерден төсегінен ұшып тұрып, "Әке, рахмет!" деп, әкесінің қолынан мың теңгені алып, жастықтың астынан мыжылған ақшаларды шығарады. Әкесіне жәутеңдеп қарап қойып, ақшаларды санай бастайды. Мұны көрген әкесі: "Ақшаң бола тұрып неге менен сұрадың?" - деп ұрысады.

Ата-аналарға сұрақ:

Қалай ойлайсыздар Ерден баласы ақшаны әкесінен не үшін сұрады?

Сіздер өз балларыңызды түсінесіздер ме?

Жауап: Сонда баласы: "Иә, айдың басынан жинаған ақшам болды, бірақ олар жеткіліксіз еді" дейді де, ақшаларды әкесіне созады: "Міне екі мың теңге... Менімен әңгімелесуге бір сағат уақытыңызды сатып алсам деп ем..."

Талдау: Қандай әсер алдыңыз? Бұл жағдаяттан не түсіндіңіз өзінізге?

Бала үшін жылу, мейірім, махаббат - ауадай қажет, ол аштыққа шыдайды, бірақ мейірімсіз, жылусыз, махаббатсыз өзін жетім сезінеді. Махаббат пен мейірімсіз өскен бала солып, бұзыла бастайды. Ал бұл махаббат пен мейірімді оған отбасы ғана бере алады.

П. Ф. Каптерев.

4) «Жарық құмыра»

Нұсқау: үнтаспадан жағымды, баяу әуенді қосып, төмендегі «Жарық құмыра» атты әңгіме оқылады.

Ертеде егде қытай елінде екі құмыра болды. Құмыралар әйелдің иығында иілген ағашқа ілініп тұрды.Олардың біреуі жарық, ал екіншісі мінсіз әрқашан іші суға лықа толы болды.Егде әйелдің жарық құмыраға толтырылған суы өзен мен үйіне дейін ұзақ жолда жартылай болып қалып жүрді. Екі жыл бойы бұл…