Балалардың балабақшаға бейімделуі: әдістері мен ұсыныстары

Баяндама

Тақырыбы: Балалардың балабақшаға бейімделуі: әдістері мен ұсыныстары

Кіріспе

Балабақшаға алғаш қадам басқан әрбір бала үшін бұл – жаңа әлеуметтік ортаға ену, жаңа тәртіпке үйрену, өзіне бейтаныс ересектер мен балалармен қарым-қатынас орнату кезеңі. Бұл үдеріс көбіне бала үшін де, ата-ана үшін де, тәрбиеші үшін де үлкен сынақ болып табылады. Себебі бала үйде ата-анасының қамқорлығында болса, енді ол бір уақытта өзіндік дербестікке үйреніп, ұжымдық ортаға бейімделуі тиіс.Баланың бейімделу кезеңінің дұрыс өтуі оның ары қарайғы дамуына, тәрбиесіне және психологиялық ахуалына тікелей әсер етеді. Сондықтан педагогтар мен ата-аналардың міндеті – бұл процесті жеңілдету және баланың балабақшаға қызығушылықпен баруына жағдай жасау.

Бейімделудің психологиялық ерекшеліктері

Баланың балабақшаға бейімделуі әртүрлі факторларға байланысты:- Жас ерекшелігі – 3–4 жастағы балалар үшін бұл кезең қиынырақ болса, 5–6 жастағылар әлеуметтік дағдыларға тезірек үйренеді;- Отбасындағы тәрбие – ата-анасынан бөлініп көрмеген, тым еркелетілген балаға бейімделу қиынға соғады;- Жеке мінез-құлық ерекшелігі – тұйық, ұялшақ балалар ұжымға баяу бейімделсе, белсенді балалар тезірек үйренеді;- Ата-ананың көңіл-күйі – егер ата-ана алаңдаса немесе баланың қорқынышын күшейтсе, бұл бейімделу процесін қиындатады.

Бейімделу кезеңдерінің түрлері

Ғалымдар бейімделудің үш деңгейін бөліп көрсетеді:1. Жеңіл бейімделу – бала алғашқы 1–2 аптада жаңа жағдайға үйреніп кетеді, көңіл-күйінде тұрақсыздық аз байқалады.2. Орташа бейімделу – бала 3–4 апта ішінде біресе жылап, біресе ойнауы мүмкін, бірақ уақыт өте келе тәртіпке дағдыланады.3. Қиын бейімделу – бала бірнеше айға дейін мазасызданып, жиі ауырып, ұжымға қосылудан қашқақтайды. Мұндай жағдайда психолог пен ата-ананың бірлескен қолдауы қажет.

Балабақшаға бейімдеудің әдістері

1. Алдын ала дайындық

- Баланы балабақшаға бармас бұрын сол мекемемен таныстыру, топ бөлмесін көрсету;- Тәрбиешімен алдын ала кездесіп, баланы таныстыру;- Баланы ұжымдық ойындарға біртіндеп үйрету;- Үйде күн тәртібін балабақшадағы режимге жақындату.

2. Психологиялық қолдау

- Балаға «сен жалғыз емессің, тәрбиеші мен достарың бар» екенін түсіндіру;- Қорқынышын азайту үшін балабақша туралы қызықты әңгімелер айту;- Баламен бірге рөлдік ойындар ойнау («балабақша ойыны»).

3. Ата-ананың белсенді қатысуы