Балалардың күн тәртібі туралы балабақша материалы

ТӘРБИЕЛЕУ-БІЛІМ БЕРУ ПРОЦЕСІНІҢ ЦИКЛОГРАММАСЫ

Білім беру ұйымы (балабақша/ шағын орталық, мектепалды сыныбы)

Топ/сынып

Ортаңғы топ

Тобы, топтың реттік саны, атауы

Балалардың жасы

3 жасар балалар

Педагогтің аты-жөні

Жоспардың құрылу кезеңі (апта күндерін, айды, жылды көрсету)

05.12-09.12.2022ж.

Апта күндері

Дүйсенбі

Сейсенбі

Сәрсенбі

Бейсенбі

Жұма

Күн тәртібі

Балаларды қабылдау

Таңғы сүзгі: балалардың терісін, дене қызуын, сыртқы келбетін тексеру. Балаларды жақсы көңіл күймен қарсы алу және оларға қолайлы жағдай жасау. Баланың көңіл күйін, оның жеке пікірін, қызығушылығын анықтау. (сөйлеуді дамыту)

Ата-аналармен әңгімелесу, кеңес беру

Ата-аналар арналған кеңес: "Баланы дұрыс сөйлеуге қалай үйретуге болады".

Балалардың дербес әрекеті (баяу қимылды ойындар, үстел үсті ойындары, бейнелеу әрекеті, кітаптар қарау және тағы басқа әрекеттер)

Үстелдердің жанына орындықтарды қою.

Мақсат-міндеттері. Орындықтарды үстелдің алдына белгілі тәртіпте қою амалын игерту; балаларды еңбекке баулу, ересектерге көмектесуді үйрету.

(еңбек дағдылары)

Құрылыс материалдарын контейнерлерге жинап салу.

Мақсат-міндеттері. Балаларды ұқыптылыққа үйрету, жауапкершілікке тәрбиелеу, басталған жұмысты соңына дейін жеткізу дағдысын қалыптастыру.

(еңбек дағдылары)

Бөлме өсімдіктерін суару.

Мақсат-міндеттері. Балаларға өсімдіктерге күтім жасау тәсілдерін үйретуді жалғастыру (күнге жақын өсімдіктерге суды көбірек құйып, көлеңкеде өсетіндерге аздап құю, қажетіне қарай суару), бөлме өсімдіктеріне ұқыпты қарады үйрету.

(еңбек дағдылары)

Ойыншықтарды сөрелерге қою.

Мақсат-міндеттері. Балаларға ойыншықтарды сөрелерге белгілі тәртіпте қою амалын игерту; тәртіптілікке деген ұмтылысты қолдау; ойыншықтарға ұқыпты қарауға тәрбиелеу.

(еңбек дағдылары)

Кітап бұрышын тазалау.

Мақсат-міндеттері. Құлап жатқан кітаптарды тігінен тізбекке қойып, ретпен орналастыруға машықтандыру; балаларды кітаптарға ұқыпты, таза қарауға үйрету.

(еңбек дағдылары)

Саусақ жаттығуы.

Мақсат-міндеттер: балаларды қимылдарды жаттығу мәтінінің ырғағына сай орындауға дағдыландыру; ұсақ қол моторикасын, жағымды эмоцияларды дамыту.

Бас бармақ – атам,

Балан үйрек - әжем,

Ортан терек - әкем,

Шылдыр шүмек – анам,

Кішкентай бөбек – мен,

Міне, менің барлық отбасым.

Құралдары: саусақтарға кигізілетін маскалар.

Көркем сөз.

Достарды жинайық,

Мұнараны құрайық.

Үлкені үстіне орташасын,

Оның үстіне кішкентай данасын,

Қоямыз да Дананы қуантамыз.

(сөйлеуді дамыту, көркем әдебиет)

Пирамидаларды құру жаттығулары.

Пирамиданы құрайтын сақиналардың саны 8-10 дана.

Мақсат-міндеттер: қолдың ұсақ моторикасын, көлемін, түсін ажырату қабілеттерін дамыту.

(танымдық дағдылар)

"Топ-топ басайық" ойыны.

Мақсат-міндеттер: балаларды мәтінде айтылған сөздерге сәйкес қимылдарды орындауға үйрету .

Топ, топ, топ, топ басайық (шеңберге тұру)

Жалаудан күн жасайық (қоладарын көтеру)

Жаса, жаса, алтын күн (бір орында аяқты нық басып жүру)

Жаса, жаса, алтын күн

Біраз уақыттан кейін тәрбиеші: "Тоқта!». Балалар баяулап, тоқтайды. Ойын қайталанады.

(дене шынықтыру, сөйлеуді дамыту)

"Орманшы" дидактикалық ойыны.

Мақсат-міндеттер: балалардың кейбір ағаштар мен бұталардың (діңі, жапырақтары, жемістері мен тұқымдары) пайда болуы туралы білімдерін бекіту.

Барысы: педагог бір баланы "орманшы" етіп таңдайды, қалған балалар орманшының көмекшілері болады.

(қоршаған ортамен танысу, сөйлеуді дамыту)

Саусақ жаттығуы.

Мақсат-міндеттер: көркем сөзді мәнерлеп айтуға бейімдеу; ұсақ қол моторикасын дамыту.

Күн денесін құрайық, (Алақандарды жоғары көтеріп, оңға-солға бұраңдау)

Қолды жайып бұрайық,

Саусақтармен жыбырлап, (Саусақтарды алақанға жинап, қайтадан жазып, ашу)

Сәулелерді шашайық.

Саусақтармен жыбырлап, (Саусақтарды алақанға жинап, қайтадан жазып, ашу)

Сәулелерді шашайық.

Шапалақты қағайық, (Шапалақ қағу)

Көңілді болайық.

Д. Ахметова.

(сөйлеуді дамыту)

Үстел үсті ойыны: "Жұп суреттер".

Мақсат-міндеттер: балаларды суретте бейнеленген заттарды салыстыру, ұқсастықтарды табу және бірдей суреттерді таңдау әрекетін қалыптастыру, назар аудару, зейін қою, сөйлеуді дамыту, ойын ережелерін дұрыс орындауға үйрету.

Тәрбиеші балаларға суреттер таратады. Балалар бірдей суреттерді тауып, атауларын атайды. Қай бала дұрыс айтады, сол балаға арнайы фишкалар беріледі.

(қоршаған ортамен танысу, сөйлеуді дамыту)

"Үйшікте кім тұрады?" үстел ойыны. ("Үйшік" ертегісі желісімен")

Мақсат-міндеттер: балалардың сөздік қорын байыту, есте сақтау қабілетін дамыту.

Барысы. Педагог үйшік терезесінен ертегі кейіпкерлерінің суреттері бар суреттерді көрсетеді, балалар оларды атайды.

(көркем әдебиет, қазақ тілі, қоршаған ортамен танысу)

"Пойыз келе жатыр" саусақ жаттығуы.

Мақсат-міндеттер: балаларды қимылдарды жаттығу мәтінінің ырғағына сай орындауға дағдыландыру; ұсақ қол моторикасын, жағымды эмоцияларды дамыту.

Пойыз келе жатыр:

Тоқ-тақ-тоқ,

Тоқ-тақ-тоқ. (Саусақтарды үстел бетінде ырғақтарға сай кезегімен, күйсандықтың пернесін басқандай тықылдату)

Жылдам келе жатыр:

Тоқ-тақ-тоқ, тоқ-тоқ. (Саусақтарды үстел бетінде ырғақтарға сай кезегімен, күйсандықтың пернесін басқандай тықылдату)

Барлық бала күтіп қалды:

Алақан, алақан! (Алақандарды жайып, өзара уқалау)

Қуанышпен қарсы алады:

- Алақай! Алақай! (Алақандармен шапалақтау)

(сөйлеуді дамыту, дене шынықтыру)

"Матрешкаға қонаққа бару" ойыны.

Мақсат-міндеттер: заттарды мөлшері бойынша ажырата білу қабілетін бекіту. Қарапайым сюжетке біріктірілген әртүрлі ойыншықтармен әрекеттердің үлгісін беру.

(танымдық дағдылар)

"Зат неге ұқсайды?" дидактикалық ойыны

Мақсат-міндеттер: геометриялық денелер мен фигуралар туралы білімдерін бекіту; айналадағы заттардың геометриялық пішінін ажырата білу дағдыларын дамыту.

Тәрбиеші геометриялық пішінді немесе геометриялық денені балаларға көрсетеді, ал балалар оның қоршаған ортадағы қандай затқа ұқсайтындығын табады немесе естеріне түсіреді.

Тәрбиешінің үстелінің үстінде геометриялық пішіндерді немесе заттар мен суреттер жатыр. Бала суретті не затты таңдай отырып, оның қандай пішінге ұқсайтындығын айтады. Өзінің жауабын түсіндіреді.

(математика негіздері, сөйлеуді дамыту)

Таңертеңгі жаттығу

Жалпы дамыту жаттығулары (доппен).

1. Бастапқы қалып аяқ алшақ, дене тік, қол төменде.

1.1. Балалар доптарын жоғары көтеріп, екі қолды қайшылайды.

1.2. Бастапқы қалып (жаттығу 4-5 рет қайталанады).

2. Бастапқы қалып аяқ алшақ, дене тік, қол төменде.

2.1. Қолдарын иыққа көтеріп, доптарын қояды.

2.2. Бастапқы қалып (жаттығу 4 рет қайталанады).

3. Бастапқы қалып жерде отырады, аяқ алшақ, доп ұстаған қолдары екі жанында.

3.1. Аяқтарын жинап, доп ұстаған қолдарымен құшақтайды.

3.2. Бастапқы қалып (жаттығу 3 рет қайталанады).

4. Бастапқы қалып аяқ бірге, дене бос, қол төменде.

4.1. Доптарын көкірек тұсында ұстап, бір орында тұрып секіру.

4.2. Бастапқы қалып (жаттығу 3 рет қайталанады).

(мәдени-гигиеналық дағдылар, дербес әрекет, дене шынықтыру)

Таңғы ас

Гигиеналық дағдылар

Мақсат-міндеттер: үстелді жабдықтау, тамақ қабылдау және гигиеналық процедураларды жүргізу кезінде өзіне-өзі қызмет көрсету дағдыларын бекіту.

Көркем сөз

Жуын тамақ алдында,

Жуын тамақ соңында,

Жуын ұйықтар кезіңде,

Жуын тұрған мезгілде.

(мәдени-гигиеналық дағдылар, көркем сөз)

Ұйымдастырылған іс-әрекетке дайындық

"Қуырмаш"саусаққа арналған жаттығу.

Мақсат-міндеттер: балаларды қимылдарды жаттығу мәтінінің ырғағына сай орындауға дағдыландыру; қолдың ұсақ моторикасын, жағымды эмоцияларды дамыту.

Қуыр-қуыр қуырмаш,

Балаларға бидай шаш.

Бас бармақ,

Балан үйрек,

Ортан терек,

Шылдыр шүмек,

Кішкене бөбек.

Сен тұр – қошақанға бар!

Сен тұр – құлыншаққа бар!

Сен тұр – лаққа бар!

Сен тұр – бұзауқанға бар!

Сен тұр – ботаңа бар!

Ал сен алаңдамай,

Қазан түбін жалап, үйде жат!

(сөйлеуді дамыту, көркем әдебиет)

Музыкалық аспаптардың көмегімен ойналатын көңілді ойын.

Мақсат-міндеттер: көңілді күй орнату, аспаптардың түрі және дыбыстарын ажырата білуге үйрету.

"Шапалақты тыңда" топтық ойыны.

Мақсат-міндеттер: шеңбер бойымен жүруді үйрету, мәтіндегі сөздерге сәйкес қимылдарды жасау.

Балалар шеңбермен жүреді. Жүргізуші алақанын соққанда балалар бір аяқпен,

екі рет шапалақтағанда қолдарын екі жаққа созып, үш рет шапалақтағанда жүруін жалғастырады.

- Балалар, қанша дыбыс естідіңдер?

(музыка)

Шаттық шеңбері

Мақсат-міндеттер. Балаларға эмоционалды жағымды көңіл-күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Қол алысып, қәне, біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

(сөйлеуді дамыту)

"Қар үйіндісінің артында не жасырылған?" дидактикалық ойыны.

Мақсат-міндеттер: көрнекі зейінді дамыту; тақырып бойынша сөздікті белсендіру. Барысы: қатырма қағаздан (картон) қар үйіндісі кесіліп алынады. Педагог артына заттың сұлбасының бейнесін жасырады (шаналар, ұлпа қарлар, күн, ағаш, бас киім, қолғап, шаңғы, коньки), балаларға қардың артынан заттың бір бөлігін көрсетеді, олар қандай зат екенін болжайды.

(танымдық дағдылар, қоршаған ортамен танысу, сөйлеуді дамыту)

"Сөздер тізбегі" ойыны.

Мақсат-міндеттер: балаларды белгілі топтама немесе ортақ тақырыпқа байланысты сөздерді тізбекке салып, арасында қайталамай, айтып ойнауға машықтандыру; сөздік қорын байыту; ұйымшылдыққа тәрбиелеу.

Балалар шеңберге тұрады.

Педагог белгілі тақырыпты ұсынады, балалар бір-бірінен соң кезекпен осы тақырыпқа (топтамаға) жататын сөздерді айтып жатады.

(сөйлеуді дамыту, қазақ тілі)

Білім беру ұйымының кестесі

бойынша ұйымдастырылған іс-әрекет

Дене шынықтыру

"Тәуелсіз елім"

Мақсат-міндеттер. Балаларды сап түзеп бірінің артынан бірі арақашықтық сақтап, бағытты өзгертіп жүгіруге үйрету; сапқа өз еріктерімен тұру қабілетін жетілдіру; гимнастикалық орындықтың үстімен жүруге үйрету.

Дене шынықтыру

"Жайна елім менің!"

Мақсат-міндеттер. Балаларда сап түзеп бірінің артынан бірі арақашықтық сақтап, бағытты өзгертіп жүгіру жаттығуын орындау; жүгіру кезінде балалардың бір-біріне соғылып қалмауы үшін арақашықтық сақтап жүгіруге жаттықтыру және бір бағытта жүгіріп келе жатып, келесі бағытқа белгі бойынша тез ауысу дағдыларын жетілдіру.

Музыка

"Тәуелсіз елім"

Мақсат-міндеттер. Балалардың ән арқылы туған жерге деген елжандылық сезімін қалыптастыру; әнді тыңдау кезінде эмоционалды қабылдай білуге үйрету; ұжымда және дербес ән айту қабілетін жетілдіру; музыкадағы ырғақты сезіне білу қабілетін дамыту; ән айтуда дем алу және дем шығару дағдысына жаттықтыру; музыка әуенімен бірге би қимылдарын еркін орындауға үйрету; музыкалық ойындарда сезімталдығы пен зейінін дамыту.

Дене шынықтыру

"Мен - чемпион".

Мақсат-міндеттер. Балаларда бір-бірінен 1,5–2 метр арақашықтықта отырып, аяқты алшақ ұстаған қалпында допты домалату, қақпадан асыра лақтыру, допты екі қолымен көкірек тұсынан кері, екі қолмен жоғары, бастан асыра, жоғарыға, еденге (жерге) қарай төмен лақтыру, допты қағып алу машықтарын дамыту.

Қазақ тілі

«Үйдің көркі не?». Жиһаздар.

Мақсат-міндеттер. Қазақстан, оның астанасы - Астана қаласы жайында қазақ тіліндегі мәтінді тыңдауды үйрету, жиһаздардың атауларын атап, не үшін қажет екенін түсінуді үйрету, сұрақтарға дұрыс жауап беру немесе сөйлеудің дұрыс үлгілерін қайталау арқылы диалогқа түсу қабілеттерін дамыту.

2- таңғы ас

Балаларға тамақ ішер алдында қолды жуу, тамақтану кезінде дұрыс отыруларын қадағалау, ескерту жасау; орындыққа сүйенбей, шынтақты дұрыс қойып отыруларын қатаң қадағалау; тамақ ішер алдында балалардың бір-біріне астың дәмді болуын тілеп; тамақтан соң алғыс айту. (мәдени-гигиеналық дағдылар, дербес әрекет)

Серуенге дайындық

Балаларды серуенге ынталандыру; серуенге ойын жабдықтарын іріктеу; балалармен жеке әңгімелесулер; шалбарын, бас киімі мен бәтеңкесін реттілікпен киюін қадағалау. (мәдени-гигиеналық дағдылар, дербес әрекет)

Серуен

Шетенді бақылау. (қоршаған ортамен танысу, сөйлеуді дамыту)