Балаларға арнаймын жүрегімді атты әлеуметтік сценарий

Қорғаншы күніне арналған мерекелік шара

«Балаларға арнаймын жүрегімді»

Мақсаты : жетім балалар мен ата-анасының қамқорлығынсыз қалған балаларды тәрбиелеу міндеті жүктелген қамқоршыларға қоғамның алғысын, ризашылығын білдіру; оларға мерекелік көңіл- күй сыйлай отырып, қолдау көрсету.

Қатысушылар: оқушылар, ұстаздар, қамқоршылар, қорғаншылар

1-жүргізуші: Қайырлы күн құрметті ата-аналар, қонақтар, ұстаздар және мектеп оқушылары. Бүгінгі «Жылы ұя» қайырымдылық акциясына қош келдіңіздер.Дүниеге келген әрбір жанның тағдыры әр түрлі.Бірінің дені сау болса, енді біреуінің – денсаулығы нашар, мүгедек.Ал басқа біреулер аялы алақанды көрмегендер.Өмірде бұндай балалар қоғамнан және адамдардан көмек, қолдау күтеді.Осындай балаларға жақсылық жасап, ашық алақанмен көмек көрсеткілерініз келсе, бүгінгі акцияға белсене қатысуларыңызды сұраймыз.

2-жүргізуші: Отбасы махаббатын сезінген баланың ғана еліне деген махаббаты оянары сөзсіз. Себебі мемлекет отбасынан басталады. Отбасы қадірін білген, сезінген, соның ыстық-суығына төзген жасөспірім ғана ертең елінің қадірін білетін, сезінетін, ыстық-суығына төзе алатын азамат бола алады. Бойында еліне деген сүйіспеншілігі бар азамат қана еліміздің жарқын болашағына жарқын жол бастап, білімді де білікті азамат болып өседі. Қалалық, республикалық «Жас толқын», «Балдаурен» байқауларының жеңімпазы - 8 «А» класс оқушысы Әбілқайырова Нұржайнардың орындауында «Жаса Қазақстан» әні

1-жүргізуші: Нұрланып ізгі жандар тілегімен, Күн күлер мейірімнің реңінен. Әлемдік сыйластықтың қызыл жібі Өтеді әр адамның жүрегінен Ендігі құттықтау сөз кезегін мектебіміздің басшысы Дәмелі Қойбаққызына береміз.

2-жүргізуші: Адамдар бар тосатын күнге бетін, Өзгені де жылытып үлгеретін Адамдар бар тым терең түсінігі, Үлкендігі болса да, кішілігі. Ісінің бірі ілгері жылжымайды, Кісінің кішірейсе кісілігі 1 «А» класс оқушысы Саймагамбетова Ақботаның орындауында «Ақ тілек» әні

1 –жүргізуші: Жақынды, досты аяла, Қанатың сонда талмайды Барыңды жұрттан аяма,

Жақсылық жерде қалмайды. Жайдары жүзбен жарқыра, Қатігез болсаң –сол қайғы. Қайырымды бол халқыңа, Жақсылық жерде қалмайды.

2-жүргізуші: Біз - бақытты баламыз еркелеген, Тыңдап өстік ән мен күй, ертегі, өлең Туған жердің аймалап самал лебі, Отан – ана біздерді мәпелеген. Өнеріне халқымның бас иемін, Тыңдап өскен бабалар өсиетін Мен қазақтың баласы өнер сүйген, Қадірлеген елінің қасиетін! Мектеп бишілерінің орындауында «Асатаяқ» биі.

1-жүргізуші: Жүзімізге қараңыз Бал күлкілі баламыз Балдырғанбыз арай жүз, Бал-бұл жанып қараймыз. Күннің нұрын сүйеміз, Қырдың гүлін сүйеміз. Бізді ойнатып тәтелер, Күлдіргенін сүйеміз

Қамқорлықтағы оқушылар 1 «Ә» класс оқушысы Есмурзаев Тимур, 3 «А» класс оқушысы Сыздықова Камила, 4 «А» класс оқушысы Нугуманова Айгерім туралы қысқаша мәлімет жасау, оқу-тәрбие саласындағы жетістіктерін баяндау (слайдтан көрсету)

Нугуманова Айгерімнің орындауында М.Мақатаевтың «Үш бақытым» өлеңі

2-жүргізуші: Көк аспанда күн күлсін, Бірге күлсін бүлдіршін. Көк аспанда күн күлсін, Жерге ұдайы нұр құйсын. Көк аспанда күн күлсін, Ұл қолында ту жүрсін Қыз қолында гүл жүрсін Көк аспанда күн күлсін, Бірге жүрсін бүлдіршін. Мектебіміздің «Мектеп дауысы» байқауының І орын иегері 4 «А» класс оқушысы Сергеев Мәуленнің орындауында «Бақытты балалық» әні.

1-жүргізуші: Біреуге біреу жақсылық Тілесе әр кез жаны ашып, Осы бір шырын – тәттілік,