Берекелі алтын күз бастауыш сыныптарға арналған сценарий

«Берекелі алтын күз» 1-2 сынып

Музыка

Жүргізуші: Сары жібек көйлегің желбіретіп,

Жапырағын ағаштың селдіретіп

Тойға бөлеп елімді күзім келді

Нұр тамшысын аспанның мөлдіретіп

Құрметті қонақтар, ұстаздар, оқушылар! Баршаңызды күзгі мейрамдарыңызбен құттықтаймыз! Біздің бүгінгі «Берекелі алтын күз» атты ертеңгілігімізге қош келдіңіздер.

Мерекесі халықтың

Алтын күзді бастайық

Алтын күзге арналған

Ертеңгілігімізді бастайық

Бірінші құттықтау сөзі мектеп директоры: Жансұлтанов Серік Ғабдоллаұлына беріледі.

Жүргізуші: Ой, балалар! Естіп тұрсыңдар ма?

Жаңбыр жауайын деп тұр. (жаңбырдың дауысымен залға бұлт кіреді)

«Бұлттар мен күн» (би біткенде бұлттар күнді қоршап тұрады)

Бұлттар:

Біз бұлттармыз, бұлттармыз

Көк аспанды торлаймыз,

Күнді жасырып қоршаймыз.

Жүргізуші: Көрінші бізге қымбатты күнім

Қуантшы бізді нұр шашып бүгін

Күн: Қуантар ем бұлттар мені қоршап алды,

Көк аспанды қара бұлттар торлап алды

Шуағымды шаша алмаймын мен жерге

Желді шақыршы көмектессін сендерге.

Жүргізуші: Күзгі жел, тез келші мұнда қалыспа

Бұлттарды ұшырып, қушы өте алысқа

(Музыкамен жел келеді)

Бұлттар:

Біз бұлттармыз, үлкее береміз, (шеңберді үлкен жасайды)

Ашуымызға тисеңдер,

Жаңбыр болып нөсерлетіп төгеміз.

Жел:

Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді. (Бәрі үрлейді)

Музыка-желдің (Жел бұлттарды қуып кетеді, күн қалады)

Жүргізуші:Мінеки балалар, күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды. Жарқын күн! Мерекеміз одан сайын жандана түссін, бізге шуақты сәулелеріңді шашып, нұрыңды төкші.

Би «Күн сәулесі» - 1 «А» сынып оқушылары

Әдемі сазды әуен ойналып , залға Алтын күз балалармен бірге кіреді

Күз: Сәлем менің достарым

Өмірге көп қосқаным

Күз сыйлығың алыңдар

Сыйлығана қаныңдар

Молшылыққа кенеліп

Шаттық әнге салыңдар! Бүгін мен өзіммен бірге үш айымды ертіп келдім.

Қыркүйек: Мен кыркүйек айымын

Жылы күн райымын

Аспанды құс шарлай бастады

Алғашкы қоңырау қуантты жастарды

Қазан:Қазанда халкымыз

Тойшыл ол салтымыз

Береке байлығын

Беріп тұр алтын куз

Қыркүйекке еремін

Молшылық беремін

Қараша:Күз мезгілі тамаша

Менің атым қараша

Қараша айында

Қыс қамын дайында!

Жүргізуші: Қош келдің, Күз ханшайымы! Өзіңмен бірге береке, байлық, молшылық, тоқшылық ала келдіңіз. Оған біз өте қуаныштымыз. ! Келіңіздер, төрге шығып қонақ болып, балалардың өнерін тамашалаңыздар!

Өнер десе жайнаймыз,

Сандуғаштай сайраймыз.

Алтын күзге арнаған

Әнімізді шырқаймыз.

Өлең -2 «Ә» сынып оқушылары

Жүргізуші: Бүгінгі кеш өтіп жатыр өз мәнімен,

Әр сұлу әсем болар өз жанымен

Өз қолынан шығарған киім үлгісін

Сіздерге көрсетеді өз сәнімен,

«Күз әшекейі» Музыкамен

Жүргізуші: Қазір біз «Ұйқасын тап» ойынын ойнайық.

1. Пісетін кезі дәл күздеМезгілсіз оны үзбе.Аузыңнан кетпес дәмі Оның аты ... . 2. Кіп – кішкене болса даАғаштың басын иеді.Жемістерін айырыпТанисың ба ... . 3. Жапырақты тасалапӨсетін жері бақша – бақ.Күрең қызыл шіркін – ай Оның аты ... .

Сұрақ-жауап:

1. Қай көкөністе көздері бар? (картоп)

2. Ертегідегі қай көкөніс ханшайымға ұйқы берген жоқ? (бұршақ)

3.Ешкімді ренжітпеймін,бірақ жылатамын (пияз)

4.Сарымын,күнге ұқсаймын (шемішке)

5. Күздің сыйы не? (егін,жеміс-жидек,көкөністер)6.Қандай көкөніс тәтті де,ащы да? (бұрыш)7.Күзде аспаннан қандай сыйлық төгіледі?(жаңбыр)8.Аққаланың мұрны (сәбіз)9.Ертегідегі жемістен жасалған атарба (асқабақ)

(Музыка ойналып, қалың киінген сырқат бала кіреді)

Сырқат бала: Ой, мына күз мезгілі қандай суық еді, жаурап барамын. Осы мезгілді ұнатпаймын.Туууу,басым ауырып тұр.

Жүргізуші:Иә, ол біздің балалар. Біз алтын күз мерекесін тойлап отырмыз.

Сырқат бала: Сендерге қарап кызығып тұрмын. Ал менің ауырғаным басылар емес, тұмау болып калған секілдімін.

Жүргізуші:Біздің не үшін көңілді екенімізді білгің келсе, айтайын. Біз денемізді шынықтырамыз, дұрыс тамақтанамыз, жемістер мен көкөністерді көп жейміз, дәруменге толы шырындар ішеміз. Осының бәрін жайдарлы жаз бен жомарт күз тарту етті, сондықтан біз көңілдіміз.

Ал біздің, балалар, саған осы жемістер жайлы айтып берсін .

Тақпақтар:«Жемістер мен көкөністер» - 1-2 сынып оқушылары

Жүргізуші:Басыңның ауырғаны қойды ма?

Сырқат бала: Жоқ , әлі де мазам болмай тұр.