Балаларға арналған спорттық жаттығулар ашық сабағы

Жамбыл облысы әкімдігінің денсаулық сақтау басқармасы «Үміт» мамандандырылған бөбектер үйінің тірбиешісі Қайнарбаева Айгуль Турсынбаевна

Білім беру салалары: таным, коммуникация.

Бөлімі: сенсорика.

Тақырыбы: Үлкен және кішкентай

Мақсаты:.балалардың назарын әртүрлі көлемдегі заттарға аударуға үйрету. Міндеттері:үлкен және кішкентай сөздерінің мағынасын түсінулерін қалыптастыру; балаларды үлкен және кішкентай заттарды көрсете білуге, сөздерді дұрыс айтуға жаттықтыру,қолдыңұсақ моторикасынжетілдіру.Үй жануарларына қамқорлық көрсетуге тәрбиелеу.

Күтілетін нәтижелер:

жасайды: заттар атауын: бантик, тәрелке, сүйек, доп, ит, үйшік;

түсінеді: заттардың қажеттілігі туралы түсінікті;

қолданады: үлкен заттарды кішкентай заттардан ажыратуды.

Қолданылатын көрнекіліктер мен құрал-жабдықтар:үстел, көлемі бойынша айырмашылықтары бар 2 ойыншық күшік; 2 үй, 2 бантик, 2 доп, 2 тәрелке, күшіктердің көлемдеріне сәйкес 2 «сүйек», сабын көпіршіктері.

Сөздік жұмыс: сүйек.

ҰОҚ-нің барысы

1.Ұйымдастыру кезеңі.

Ойындық жағдаят.

– Балалар, қатты үріп жатқан не? Әп-әп. Иә, дұрыс, бұл – ит қой үріп жатқан, ол бізге қонаққа келіпті.

– Ал ақырын үріп жатқан не?

– Әп-әп. Иә, бұл да – ит, бірақ ол әлі кішкентай екен.

– Бұлар бізге қонақтап келіпті.

Негізгі кезең.

– Маған үлкен итті көрсетіңдерші. Енді маған кішкентай итті көрсетіңдер.

– Балалар, қараңдаршы, мына жерде үйшіктер тұр. Мұнда иттер тұрады.

– Бұл қандай үй?

– Ал мынау ше?

– Бұл қандай ит?

– Ол қай үйде тұрады? Көрсетіңдерші.

– Ал мына ит қандай?

– Ол қай үйде тұрады? Көрсетіңдерші.

– Қанеки, иттерімізге бантик сыйлайық. Міне, бізде үлкен және кішкентай, бантиктер бар.

– Мынау қандай бант?

Ал мынау қандай?

– Үлкен бантикті қай итке сыйлаймыз?

– Ал кішкентай бантикті ше?

– Қараңдаршы, біздің иттер қандай әдемі болды.

–Үлкен және кішкентай иттеріміз доптармен ойнап жүріп оларды жоғалтып алыпты, ал мен оларды тауып алдым, олар – мінеки.

(Үлкен және кішкентай доптарды көрсетеді).

– Бұлар – үлкен және кішкентай доптар. Маған үлкен допты көрсетіңдерші? Маған кішкентай допты көрсетіңдер?

– Үлкен допты қай итке береміз?

– Ал кішкентай допты қайсысына береміз?

Сергіту сәті.