Балалық шаққа саяхат қазақ тіліндегі әдеби әңгіме

Бала шаққа саяхат

Мен кеше тым ұзақ ойланыппын,

Балалық бал күнімді ойға алыппын.

Дала кезіп, ойын қуып, қуанғанда,

Жерді айналып, жұлдыз іліп, айды алыппын.

Сол күндердің барлығы қызық маған,

Құмырсқаның илеуін қызықтаған.

Естелігін еске алып сол күндердің,

Балалық бал күніме жүзіп барам.

Есімде сүт тартқаны жан әжемнің,

Қаймағына тең келмейді тәттісіде, бар әлемнің.

Сол күндердің бір сәтін қайтара алсам,

Ойланбастан, қанатсыз-ақ самғар едім.

Ата-анамдай мендағы мал бағыппын,

Көк алмамен ,бір құртқа алданыппын.

Шанаменен су тасып сай-саладан,

Ағамменен қой кезекті қолға алыппын.

Ия,тентек болыппын мен ер баладай,

Балшық кештім жаз бойы көл жағалай.

Бір ауыл бір-біріне туыс еді,

Бұл күндері алыс болып қалғандары-ай.

Шіркін, қандай бақытты жан едім мен,

Балалық естеліктен бал жедім мен.

Мың шүкір Жаратқанға сол күн үшін,

Естелігі балалықтың бар дедім мен.

Авторы : Нурайым Алимкулова