Баланың бас ұстазы ата-ана психологиялық тренингі

Ата –аналарға арналған психологиялық тренинг

Тақырыбы: «Баланың бас ұстазы ата -ана»

Мақсаты:

Ата –ананың бала тәрбиесіне деген көзқарасын өзгерту;

Ата –аналарды балаларына жауапкершілікпен қарауға шақыру;

Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.

Кіріспе сөз.

Сәлеметсіздер ме! Қымбатты ата –аналар! «Баланың бас ұстазы ата -ана» атты тренингке қош келдіңіздер.

-Тренингіміздің ерекшелігі сол, тәрбие процесіндегі кездесетін қиындықтарға тоқталып өту. Бала тәрбиесінің негізі отбасында қаланады. Бала - отбасының айнасы. Барлық ата-аналардың педагогикалық –психологиялық білімі бола бермейтіндігі түсінікті. Ал, бала тәрбиесіне байланысты сұрақтар, әрине, көп. Отбасында адамның жеке қасиеттері қалыптасады. Жақсы қасиеттерді, адами құндылықтарды бала бойына қалыптастыру сіздердің міндеттеріңіз болса, оны білім бере отырып, дамыту ұстаздардың қолында.

Бәрімізге белгілі, жасөспірімдердің өтпелі дағдарыс кезеңі балаға да, оның ата –анасына да қиын кезеңдердің бірі болып табылады.

Кейбір балаларда дағдарыс кезеңнің проблемалары ертерек, кейбірінде кейінірек басталады, бірақ бәрі осы кезеңнің сынағынан өтуге мәжбүр. Қазіргі заманда ата- аналар арасында көптеген жасөспірімдер «тыңдайтын нәрселерін ғана тыңдайды» немесе «жүре тыңдайды» деген түсінік қалыптасқан. Әрине , олар музыканы естиді, тіпті тыңдауға қиын әндердің мәтінін де естиді, бірақ менімен келісетін болсаңыздар, ата –аналарға келгенде мүлде басқаша. Сіздердің әрқайсыларыңыз өмірде бір рет болса да балаларыңыздың Сіздердің сөздеріңізге құлақ аспай, назар аудармауына куә болдыңыздар. Осындай жағдайда баланың назарын өзіңізге аударуға тырысып көрдіңіз бе? Ұрсып, қорқытқан да боларсыз... Таңқалатын ештеңе жоқ. Міне, осы мәселе бойынша ата –аналар арасында сауалнама жүргізген. Жүргізген әлеуметтік сауалнаманың мәліметтеріне сәйкес, жасөспірімдердің ата –аналарының көпшілігі «Менің балам мені естімейді немесе тыңдамайды» деген бөлімге дауыс берген. Сондықтан біз бұл мәселеде басқа әдістерге жүгінуге тырысуымыз керек.

Мен бүгін сіздерді сол әдістердің бірнеше түрімен таныстыра кетейін.

1-қадам.

Баланың назарын өзіңізге аударудың ең қарапайым жолы – бұл аз сөйлеу. Сонда ғана сіздің балаңыздың Сізді түсіну және есту мүмкіндігі болады. Ғалымдардың зерттеуі бойынша, балаларға естіген нәрселері туралы ойлануға көп уақыт қажет екенін анықтады. Сондықтан балаңызға сұрақ қойсаңыз немесе бір нәрсе…