Баланың бас ұстазы ата-ана коучинг жоспары

Коучинг " Баланың бас ұстазы ата - ана "

Коучинг тақырыбы:

Баланың бас ұстазы ата - ана

Мақсаты:

Ата-аналардың жауапкершілігін, өз міндетін білуін арттыру;

— Әр ата-ананың бала тәрбиесіндегі маңызды орнын көрсету;

— Бала тәрбиесін ата-аналармен бірлесе қарастыру.

Құзіретті тұлға қалыптастыруда оқытудың жаңаша тәсілдерін пайдалану арқылы мұғалім мен ата-ананың рөлін арттыру.Тұлғаның дамуына қолдау көрсету,ата-ананың мектеппен тығыз байланысын орнату ..

Міндеттері:

1.Оқушылардың оқуға деген саналы көзқарасын, жауапкершілігін арттыру.

2.Оқушыларды өмірлік жетістіктерге жетуге ата - ананың әсері арқылы ұмтылдыру.

3.Оқушылардың оқуға деген қызығушылығын арттыру

4. Оқу- тәрбие үрдісінде мектептің, ата-ананың тығыз байланысты үйлесімді жүргізу.

Күтілетін нәтиже:

Оқытудың жаңаша тәсілдерін ұғынады, тиімділігіне көз жеткізеді.Оқушының тұлғалық қасиеттерін қалыптастыруда ата-ананың міндетін, ұстаздық жауапкершілікті түсінеді.

Ата-аналардың бала тәрбиесіне деген көзқарасы өзгереді;

Әңгімелесу арқылы бала тәрбиесін жетілдіруге көзқарасы өзгереді;

Ата-аналар мен балалардың қарым-қатынасының қалыптасуы мен дамуына септігін тигізетін даму бағыттары бойынша сыни кері байланыс алынады

Сабақта туындаған негізгі идеялар:

Ата-аналар өз тәрбиесі туралы сыни ойланады

.Тұлғаны қалыптастырудағы нақты мәселелерді анықтау .

Тапсырмалар:«Танысу» тренинг

(5мин)

Ой шақыру.

(10 мин)

Сергіту сәті (5 мин)

Ой жалғау тренингі

Практикалық жұмыс

(20 мин)

Кері байланыс

(5 мин)

Түйінді ой

Мектеп , ата - ана , бала , ұстаз атты топқа бөлініп отырады

Абайдың «Он тоғызыншы қара сөзінде» :

«Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды, сондайдан білгені, көргені көп болған адам білімді болады. Естілердің айтқаныны ескеріп жүрген кісі өзі де есті болады.»деген ақын мұрасының өміршеңдігі замана озған сайын маңызы арта түседі.Бүгінгі күні жеке тұлғаны дамытуға бағдарланған ізгілікті, шынайы бүкіл адамзаттық құндылықтарды алға шығаратын білім беру жүйесін қалыптастыруда ірі-ірі қадам жасалынуда Қазақ халқының тұңғыш ғалымы Ш.Уәлиханов : «Халықтың кемеліне келіп өркендеуі үшін ең алдымен азаттық пен білім қажет» деген болатын.Білімі мен тәрбиесі ұштасқан құзіретті тұлға қалыптастыруда мұғалім мен ата-ана рөлі қандай болмақ?

Бейнеролик

Карандаштың 5 қасиеті.

Бірде бала әжесінің хат жазып отырғанын көріп:

-Әже, сіз мен туралы жазып отырсыз гой, иә? –деп сұрайды.

-Ия, сен дәл таптың ,мен сен туралы жазып отырмын.Мұнда менің не жазып отырғаным маңызды емес, менің немен жазып отырғаным маңызды.Мен сені өскенде мына карандаш сияқты болғаныңды қалаймын,- дейді. Бала карандашқа таңырқап қарайды, бірақ одан ешқандай ерекшелікті таппайды.

Ол: -Мен көріп жүрген карандаштардан өзгешелігі жоқ қой, -дейді

Әжесі: -Бәрі әр нәрсенің ішіне үңілуге байланысты. Бұл қарандашта 5 түрлі қасиет бар.Ол саған өміріңе қажет болады, -дейді.

Біріншіден, сен ақылды боларсың, бірақ сенің бағыттаушы қолың бар екенін ұмытпа дейді ...... астарлы ой: сен әрқашан өз алақаныңның еркіне сен,ол сенің жол сілтеушің,- дейді.

Екіншіден, жақсы жазу үшін, мен ол карандашты ұштауым керек. Бұл кезде ол карандашқа жанына ауыр тиеді,бірақ ұшталған карандаш өте жіңішке жазады. ........ астарлы ой: қандай да болмасын қиындыққа төз және ол саған өмірлік сабақ болады,- дейді.

Үшіншіден, Карандашпен жазғаныңның кейбірін қатеге есептеп өшіргішпен кетіресің. ...... астарлы ой: Есіңде болсын, өз қатеңді түзеу- барлық жағдайда жаман болмайды. Тура жолдан адаспауыңа көмектеседі,- дейді.

Төртіншіден, карандаштың сырты ағаштан жасалғаны, оның пішіні мәнді емес, оның ішіндегі графиті мәнді. ....... астарлы ой: Сондықтан әрқашан ішкі дүниеңде не болып жатқанын ойла,- дейді.

Бесіншіден, карандаш әрине, жазғанда артында із қалдырады........ астарлы ой : сен де карындаш сияқты өз іс-әрекетіңмен артыңда із қалдырасың. Қоғамға пайдалы іс істейсің. Әр қадамыңды ойлап бас,-дейді. Бұл сыни ойлауға арналған тапсырмадағы астарлы ойды топ мүшелері өздері ой түйіп айтады.Қызылмен көрсетілген сөздер көрсетілмейді.

Ән "Бақытыңды бағала"

Топтық тапсырма:

1- топ Ұлы жазушы М . Әуезовтың " Ел боламын десең бесігіңді түзе " деген сөзінен тәрбие тамырының терең екендігіне көз жеткіземіз . Осы сөз төңірегінде ой өрбіту .

2- топ. Тапсырма

Жағдаяттар беру

Жағдаят

Баланың бастан кешкен сезімі

Сіздің іс-әрекетіңіз?

Бір нәрсеге ашулы 11 жасар ұлы мектептен келе сала: «Құрысын мектеп! Мұғалімдердің бәрі әділетсіз! » деп күйіп піседі.

3- топ. " Ананың көңілі балада , баланың көңілі далада " осы даналық сөз төңірегінде ой өрбітсеңіз ?

4 - топ жағдаят:

Жағдаят

Баланың бастан кешкен сезімі

Сіздің іс-әрекетіңіз?

Бастауыш сыныпта оқитын қызы: «Математикадан болатын бақылау жұмысынан қорқамын» - дейді.

2 жұлдыз,тілек әдісі бойынша әр топ бірін-бірі бағалайды.

(3 мин)

Қорытынды

(10мин)

Балаға теріс әсер ететін жағдайлар:

Жанұядағы жанжал,

үлкендердің аузына келген сөздерді айтуы,

баланың көзінше басқа біреуді сөгуі,

біреудің сыртынан өсек айтуы

балалардың көзінше арақ ішу, темекі тарту т.б.

Бейнеролик корсету

Ата–ананың міндеті - мәдениеті адам тәрбиелеуге және өз баласын адал өмір сүруге бейімдеп, жүйелі білім алуына жағдай жасағаны дұрыс, ата–аналар жиналысына қатысып, мұғаліммен кездесіп, пікір алысып, баласының мектеп өмірімен толық араласуына және қоғамдық іс-шараларға қатысуға бейімдеу.

«Түсінісу теоремасы» Қазіргі кезеңнің ең басты қажеттілігі – адамдар арасындағы сыйластық, бірін-бірі қадірлеу, бірін-бірі құрметтей білу мен бағалай алуы, яғни адамдардың өзін-өзі, қоршаған ортаны, әлемді тани білуі.

-Бүгінгі коучингтен қандай ой түйдіңіз? -

- Жиналыста айтылған мәселелердің сізге пайдасы бар ма?

Бала – кең әлемдегі ең пәк, ең таза, асыл жан. Оның ойының тазалығы, арының тазалығы оны қоршаған ортаға байланысты болмақ. Бала осы ортаны қалай қабылдап, танып білсе, оның алдынан кең әлемнің есігі де солай ашылмақ.Сондықтан, қымбатты ата-аналар, баланың өзіндік «Менін» қалыптастыру, адамгершілік-рухани әлеуетін көтеру, қазіргі заман талабына сай өзіндік…