Баққожа Мұқай шығармашылығына 11 сыныпқа таныстырылым

Жазушы Баққожа Мұқайдың

шығармашылық зертханасы

Орындаған: Сәдуақасова С.

3-курс, қ.б. 4-топ студенті

Қабылдаған: Ибраева А.

ф.ғ.к., аға оқ.

Баққожа Мұқай

1948 жылы Алматы облысы , Райымбек ауданына қарасты Нарынқол аулында туған. Жазушы, драматург . “Өмірзая” романы үшін Қазақстан мемлекеттік сыйлығын алған (2000.)

Еңбек жолы

1971 жылы Әл-Фараби атындағы Ұлттық Университетінің журналистика факультетін бітірген.

1965 жылы Кеген аудандық “Коммунизм нұры” газетінде еңбек жолын бастаған.

1970-1980 жылдары “Білім және Еңбек”, “Жұлдыз” журналдарында, Қазақстан Жазушылар Одағында қызмет істеген.

1990-1995 жылдары Қ.Р. Мәдениет Министрлігінде репертуарлық-редакциялық коллегиясында бас редактор, бас басқарма бастығы болған.

1990 жылы облыстық “Қазақ тілі” қоғамын ұйымдастырып,басшылық жасады.

Еңбектері

“Жалғыз жаяу”

“Өмірзая”

“Өмір арнасы”

“Аққу сазы”

“Мазасыз маусым”

“Дүние кезек”

1.Алғашқы шығармаңызды қалай жаздыңыз?

Алғашқы шығармамды алтыншы сыныпта оқып жүргенде жаздым. Махаббат туралы төрт-бес шумақ өлең еді.Қуанғаным сонша – жүгіріп сыртқа шықтым. Алғаш кездескен Есіркесін деген досым. Соған оқып беріп, алғашқы марапат-мақтаудың “дәмін” таттым.

2.Жазушылық жолына түсуіңізге не себеп болды?

“Сіз жазушылық кәсіпті қашан таңдадыңыз?” деген сауалға Э.Хеменгуэй: “Мен өмір бойы жазушы болуды армандадым” деп жауап беріпті.Мен де ес білгелі жазушы болсам, адамдардың өмірі туралы кітаптар жазсам деп армандадым. Шамам келгенше жақсы кітаптарды оқуға тырыстым. Қанша кітап оқығанымды білмеймін. Оқыған кітаптарымның бәрінен үйренуге тырыстым.

3.Алғашқы шығармаларыңызды жариялауда қандай қиыншылықтар көрдіңіз?

Алғашқы көркем шығармаларым

17-18 жасымда аудандық, облыстық, республикалық газеттерде жарияланды. Ауылда жүргенде жазған дүниелерімді “Қазақстан пионері”, “Лениншіл жас”, “Жетісу” газеттеріне тоғытып жататынмын. Олардан бір-біріне ұқсас хаттар алатынмын.

4.Шығармаларыңыздың тақырыбын қалай таптыңыз?

Екі роман, оннан аса хикая,он бес шақты пьеса жазыппын. Оларды жазуға әр түрлі жағдайлар себепкер болған. “Жалғыз жаяу” атты роман сонау отызыншы жылдардағы дәуірді қамтиды. Халқын сүйген азаматтың тағдыры арқау болған бұл романды жазуыма бала кезден елден естіген әр түрлі әңгімелер себеп болды.

5.Шығармаңызға жоспар құрасыз ба және жазу машығыңыз?

Жоспар құрмаймын.Бәрі басымда пісіп,жетіледі.Көп шығармаларымды түнде балалар ұйықтаған соң жазып жүрдім.Қазір күндіз жұмыс істеймін.Столымның үстінде басы артық заттың болмағанын қалаймын.Таза қағаз,қалам…