Бақылау жұмысын талдау үлгісі қазақ тілінен

Сабақтың тақырыбы

Бағдаршамның көзі неге үшеу?

Күні, айы: 10.01.19 ж.

Мұғалім: Н.Т.Отаршинова

6 «б» сынып

Сабаққа қатысқаны: 14 Қатыспағандар саны: 1

Білімділік:

Дамытушылық:

Тәрбиелік:

Бағдаршамға қатысты нақты айтылған шағын хабарламаларды қолдану арқылы тілдік коммуникация құру.

Жаңа тақырып аясында берілген мәтіндер бойынша жұмыс істеу арқылы ойлауға, ізденуге жетелеу.

Оқушылардың тілдік ортада сөйлеу дағдысын қалыптастыру.

Жетістік критерийлері :

ОТЖ: бағдаршам туралы айтады, оның түстерімен таныстырады.

ООЖ: жол ережесін қарапайым сөйлемдер арқылы сипаттай алады.

ОЖЖ: тақырып аясында сыныптастарымен жол жүру ережелері, бағдаршам жөнінде тілдесе алады, қарапайым тілдік бірліктер арқылы диалог құрады.

Негізгі түсініктер:

Бағдаршам, таңғалу, нені білдіреді? Жүру керек, жүруге болмайды

Сабақта қолданылатын материалдар:

Бағдаршамның суреті, плакат, А4 парағы, қима қағаздар, түрлі- түсті қағаздар, смайликтер

Дереккөздері:

Әдістемелік құрал, дидактикалық материалдар, сөздік

Сабақтың барысы:

Тапсырмалар

Мұғалімнің іс әрекеті

Оқушының іс әрекеті

Оқушыларға психологиялық ахуал туғызу

«Шаттық шеңберіне» тұрғызу, бір-біріне жақсы тілектер айтқызу

Оқушылар бір-біріне жақсы тілектер айтады.

Өткен сабақты тексеру

Өткен сабақтың тапсырмасын тексереді. Кемшіліктерді анықтайды, түзетеді,бағалайды.

Тапсырманы айтады, сөздіктерді қайталайды, сұрақтарға жауап береді.

І. Қызығушылықты ояту.

«Ой шақыру» әдісі.Жұмбақ жасыру.

Үш көзі батыр

Жол көрсетер батыл,

Үш көзі үш түрлі:

Қызыл,сары, жасыл

Оқушылар жұмбақтың шешуін табады, бағдаршам туралы түсініктерін айтады.

ІІ. Мағынаны тану.

1.Сөздікпен жұмыс.

Мұғалім плакатқа жазылған сөздермен таныстырады, оқиды, қайталайды.

Тыңдалым.Оқылым.Айтылым.

Оқушылар тыңдайды, қайталайды.Дұрыс айтылуы бойынша жаттығу жүргізеді, сөз тіркестерінен, сөйлемдер құрастырады.

2.Суретпен жұмыс.

Айтылым.Түсінгендерін жұптасып айтуға жетелейді.

Тыңдалым.Айтылым.

Оқушылар тиін мен анасының диалогынан түсінгендерін айтады, басқа оқушылар тыңдайды.

3. Оқулықтағы мәтінмен жұмыс.

Берілген мәтінді оқиды,тақырыпқа қатысты жаңа сөздерді түсіндіреді, қайталатады.

Оқылым.Айтылым.

Мәтінді іштей оқиды, рөлге бөліп оқиды, түсінгендерін мазмұндап айтады.

4.Сергіту сәті.

Қызыл «тұр» дейді,

Сарысы «шапалақ ұр» дейді,

Жасылы «жүр» дейді.

Оқушылар мұғаліммен бірге қимылмен орындайды.

5.Жазылым. Параққа жазылған сөз тіркестерін таратады.

Оқушылар мағынасына қарай сәйкестендіріп, сөз тіркестерін құрап жазады.

ІІІ. Ойтолғаныс.

Мұғалім оқушыларға «Пазл» әдісі бойынша тапсырмаларды дұрыс құрастырып айтуды тапсырады.