Бақыт құсы тақырыбындағы мектепке дейінгі ашық сабақ

Білім саласы: «Коммуникация»

Бөлімі: Көркем әдебиет

Тақырыбы:Бақыт құсы

Мақсаты: Ертегі құсы туралы ұғым қалыптастыру Балалардың құстар туралы түсініктерін кеңейту, олардың ерекшеліктерін ұғындыру,құстардың атын атап атау арқылы тақпақтар айту.Балалардың тілін ой-өрісін дамыту. Көрнекіліктер: үй құстарының суреттері, дорбаға салынған ойыншықтар. Сөздік жұмыс: қаз, үйрек.

Балалар бүгін бізге көптеген қонақтар келді,кәнеки орнымыздан тұрып тілегімізді айтайық.

Шаттық шеңбер

Амансыңба көк аспан

Амансыңба алтын күн

Амансыңба достарым

Сендерді көрсем қуанам.

Балалар күзде ұшып келетін құстарды еске түсірейікші,ол үшін сендерге құстарға байланысты жұмбақ жасырайын.

Шарлап келіп даланы

Үйіме,үйін салады.

Су бетін сүзіп

Ақ құман жүр жүзіп

Түнде жортады,

Жарықтан қорқады.

Тоқылдатып мазаны ап

Ағаштарды тазалап

Ормандарды емдейді

Зиянкестен тазалап.

Олай болса біздің бүгінгі оқу қызметіміз «Бақыт құсы» ертегісін сендерге оқып беремін сендер мұқият тындандар.

«Бақыт құсы» ертегісі

Ертеде бір кедей бала қой бағып жүріп, жерде жатқан қанаты сынған балапанды көреді. Оны сол бойда алақанына салып, үйіне алып келеді. Әке-шешесіне, інісіне көрсетіп, шағын ұя жасап, бағады. Әкесінің көмегімен қанатын емдеп, жазады. Балапанға өздері сауып отырған жалғыз сиырының сүтін беріп асырайды. Бала қой бағуға кеткенде тентек інісі балапанды қызық көріп, ұядан шығарып алып, ұрып-соғып, қинайды екен. Соған шыдамаған балапан өскеннен кейін ренжіп, бір жаққа ұшып кетеді. Бала жылап, оны қанша іздесе де, еш жерден таба алмайды. Сол құс ұшып кеткелі інісі қатты ауырып, малдары өліп, үй іші көп қиындық көреді. Бір күні бала осы қиындыққа шыдай алмай, далада жылап отырса, қасына бір құс келіпқоныпты. Ол баланы жұбатқандай болып, айналшықтап, шықылықтай береді. Анықтап қараса, баяғы өзінің балапаны сияқты, тек аздап өсіп кеткен. Бала қатты қуанып: - Енді сені ешкімге жәбірлетпеймін, - деп, үйіне алып келеді. Содан бері бұл үйге үлкен қуаныш келіп, інісі ауруынан жазылып, малдары көбейіп, бақытты өмір сүріпті. Бұл – бақыт құсы еді...

Тақтаға құрт түскен алма ағашы ілінеді,балалар ағашты құтқарайық.Ол үшін бірнеше тапсырмаларды орындауымыз керек.

Құстар туралы тақпақты білесіңдерме?

Қандай үй құсын,дала құсын білесіңдер?