Бақытты болашақ тақырыбындағы 1-сынып тәрбие сағаты

Тақырыбы: Бақытты болашақ.(тілашар,Ата заң)

Мақсаты: Оқушыларды алғашқы қадамдарымен құттықтай отырып ,білімге, оқуға деген ынтасын арттырып ,жаңа ортамен таныстыру.

Отанға, елге деген сүйіспеншілік тудырып , патриоттыққа тәрбиелеу.

Үлкенді сыйлап, кішіні құрметтеуге тәрбиелеп, болашаққа нық қадам басуға баулу.

Көрнекілігі: Қанатты сөздер, гүлдер, шарлар,білім кілті, білім кемесі,

Астана суреттері.

Сабақ барысы: Ұйымдастыру кезеңі.

Білім табалдырығын аттау рәсімі жасалады.

Құттықтау сөз: Құрметті ата-аналар! Құрметті менің шәкірттерім!

Сіздерді бүгінгі 1-ші қыркүйек білім мерекесімен және Ата заңымыздың 15 жылдық мерейтойымен шын жүректен құттықтаймын!

Өмірлеріңіз нұлы, көңілдеріңіз гүлді, бақытты да, баянды ғұмыр тілеймін.

Үлкен өмірге қадам басқан сүйікті ұл, сүйкімді қыздарыңыздың ,тәтті немерелеріңіздің қадамы құтты болсын!

Егемен еліміздің көк байрағы биікте желбіресін!

Елін, жерін өз Отанын сүйетін, кең байтақ Қазақстанның болашақ кірпіші болып қаланатын білімді де, білікті ұл-қыздарымыз көп болсын.Еліміздің түпкір-түпкірінде сыңғырлы қоңырау үнімен жас бөбектеріміздің сылдырлы күлкісі көк аспанымызды мәңгі шарласын дей келе:

Шәкірттеріме мына өлең жолдарын арнаймын:

Жеміске құты тола ма,

Бір – бірлеп теріп алмасаң.

Әп- сәтте шыға қоя ма,

Еккен дәнің ойласаң?

Білім де сондай қарағым

Біртіндеп сіңір санаңа,

Ұғып ал білім боларын,

Шам – шырағың жолыңда –дей отырып, жас бүлдіршіндерім сендердің білімге деген алғашқы қадамдарыңа гүл бітсін,болашақ білім жолдарыңнан сәтті сапар тілеймін!

Күзгі күн шуақ шашады,

Жаз бітіп, жетті қыркүйек.

Басталды білім сапары,

Мектепте думан дүркіреп –дей келе мектепке кім қандай дайындықпен келгендерің байқайық.

Айша :

Мектепке алғаш келгенде,

Мейірлі жанды көргенде,

Шарықтап биік қиялым,

Шаттаным шексіз сый алдым.

Анамдай ұстаз, мектебім,

Алғысым айтар көп менің.

Бекболат:

Ақыл – білім көп бердің

Анамдайсың мектебім.

Сенде өсіп көктедім,

Сенсің өмір мектебім

Ыстық мектеп партасы

Оқулығы картасы

Мұнша қызық болғаны

Мұғалімнің арқасы,

Алғыстарым көп менің,

Асыл анам – мектебім!

Сұрақ –жауап кезеңі.

-Сонымен балалар біз барлығымыз осы мектеп қабырғасына не үшін келеміз?

Олай болса мынау тақтада тұрған кілт білім кілті.Біз сабақты жақсы оқып, өнерлі білімді болсақ білім кілті бізге жол ашады,ал жалқау болсақ білім кілтін аша алмаймыз.

Жарқырап аппақ жүзі де.

Күлімдеп мөлдір көздері.

Сандығын ашып білімнің,

Ұстатар кілтін ұстазың.

-Білім кілтін аша аламыз ба?

Аша аламыз! (барлығымыз бірге)

Оның дәлелі ретінде бізге тағы да кім тақпақ оқып береді.

Елнара:

Балалық шақты бал еткен

Мектебім ғажап мекенім

Айтады үнің шар еткен

Өмірдің өтпелі екенін

Мерейге толы мектебім,

Айқара ашқан құшағын

Балапаның боп сенің,

Өзіңнен түлеп ұшамын.

Нұрдос:

Жазуларымыды қаттаған

Жақсымды көріп мақтаған

Ардақты ұстаз - жақсы адам,

Айтқанын ұғып жаттағам...

Жетелеп әрі сыныпқа

Жеткізер мені мұратқа

Ұлағатты ісін сүйемін,

Ұстазға басымды иемін.

-Біздің еліміз қалай аталады?

- Астансы қалай аталады?

-Елбасымыз кім?

-Туымыздың түсі қандай?

Тақтадағы суреттер бойынша әңгімелеп беру.