Басқару психологиясының студенттерді оқытудағы маңызы

Сан түрлі білімге ие ҚазҰУ

Университет…Көп оқушының армандайтын да, қобалжитын да, аңсап жететін жері. Мен де дәл солай армандап, аңсап, кіп-кішкентай 18 жасар қыз ретінде Қарағандыдан келіп, 2020 жылы әл-Фараби атындағы Қазақ ұлттық университетіне (ҚазҰУ) оқуға түстім. Ата-анамның үмітін арқалап, алдағы төрт жылымды білімге, пайдалы дағдыға толтыра отырып, үлкен өмірге қадам бастым. Қазіргі таңда ҚазҰУ Механика-математика факультетінің магистрантымын.

Білімге деген сүйіспеншілігімнің және жақындарымның қолдауының арқасында бакалавриатты «Қызыл дипломмен» аяқтап, оқуымды жалғастырып, магистратураға түстім.

КазҰУ-ым.Сан мыңдаған студентті байланыстырып тұрған білім ордасы. Құшағың қандай кең еді... Алдыңа келген ММ-20-1А тобының 15 баласын төрт жыл бойы ұштастыра отырып, сарқылмас біліміңе тойдырдың. Иә, мен мехматтың ММ-20-1А тобында оқып, топ старостасы болдым. ҚазҰУ-дың оқытушылары өте парасатты, талапшыл адамдар. Басында «балмұздақ» болып келген біз, оқытушыларымыздың жетелеуімен қалай білімді, ұшқыр ойлы болып кеткенімізді өзіміз де байқамай қалдық.

Мехматта оқи жүріп, әр балдың, әр тапсырманың маңызды екенін түсіндім. 50 балл алып, қуанатын кездеріміз де болды. Жұмыстарды уақытылы орындап, бір тәулікте 24 емес, керек болса 25-26 сағат бар екенін де сезіндік. Осы оқудың арқасында «жасалмайтын ештеңе жоқ» дегенді терең түсіндім. Өмірге деген көзқарасым өзгерді. Бұрынғы нәзік қыздың қажет кезде қайсар, төзімді бола алатынын байқадым.

Білім нәрімен төрт жыл сусындаған соң, бұл жолды әрі қарай жалғастырғым келді. Ғылыммен айналысу, студенттермен жұмыс істеу өзіме ұнайды. Сол себепті білімімді жалғастырып, ұштастыра түсіп, магистратураға қадам бастым. Әртүрлі профессорлардан білім алып, олардың алдынан өттім. Әрқайсысынан бойыма тек жақсы қасиеттерін алуға тырыстым.Менің ойымша, жоғары білім алу тек білім алу емес, сонымен қатар адамның өзін, тұлғасын дамытуына мүмкіндік береді. Бұл — өмірде өз орныңды табуға, адамдармен тіл табысуға үйрететін кезең.

Мен, магистрант ретінде, болашақта математика пәнінен аға оқытушы болғым келеді. Математика — күрделілігімен ерекшеленетін ғылым. Сондықтан оқытушының тек пәнді жақсы білуі жеткіліксіз. Студенттің оқу барысындағы психологиялық ерекшеліктерін түсіну, оларды дұрыс бағытта тәрбиелеу — барлығы басқару психологиясының көмегімен жүзеге асады.

Басқару психологиясы пәнінің маңызы менің болашақ мамандығым үшін өте зор. Осы тұста өзімнің оқытушым — Нұржамал Сейдалиевнаға алғыс білдіргім келеді.Оқытушы ретінде менің міндетім…