Бастаулардың бастауы 3-сыныпқа арналған сабақ жоспары

Өзiн-өзiтану сабағының жоспары

Мектеп: «Жетібай ауылының №4 орта мектебі» КММ

Мерзiм: 26.11.18

Тақырып: Бастаулардың бастауы....

Құндылық: Сүйіспеншілік

Қасиеттер: Жауапкершілік, адалдық, бауырмалдық

Мұғалiм: Қожықбай Ф.

Сынып:3 «а», «ә», «б», «в», «г», «ғ»

Сабақ мақсаты: оқушыларға адам өміріндегі туған үйдің алатын орны туралы түсіндіру арқылы сүйіспеншілік құндылығының мәнін ашу.

Міндеттері:

Білімділік: оқушыларға туған үй туралы білім бере отырып, жауапкершілік қасиеті туралы түсінік беру.

Дамытушылық: оқушыларды туған үйге шынайы қарым-қатынасқа үйрету арқылы адалдық қасиетіне баулу.

Тәрбиелік: жауапкершілікке, адалдыққа, бауырмалдыққа тәрбиелеу.

Ресурстар: (Құралдар, мәліметтер)

Оқулық, дәптер.

Сабақ барысы:

Ұйымдастыру кезеңі.

Сәлемдесу, оқушылардың көңіл-күйін сұрау, сабаққа қатысуды тексеру.

Тыныштық сәтi.

Әрқайсымыз оң қолымызбен жүрегімізді ұстап көрейік.Өз жүрегіміздің жылылығын сезініп, жүрек жылуымызды адамдарға, айналамызға жекізу үшін іштей оларға жақсы тілектер тілейік.

Үй тапсырмасы:

«Үйің» әнін жаттау берілген.

Сабақ барысын талқылау:

Жағымды күйге бөлену.

Өлеңді жатқа сұрау.

4.Дәйексөз.

«Отбасы – жылылық ұясы»

Нақыл сөз

Нақыл сөзді оқу және талдау.

5.Әңгiмелеу (сұхбат).

«Үйді сағындым»

Адам туған үйінің сағынып тұруының себебі неде?

Туған үйдің жылылығын қалай сезінесің?

Туған үйге сүйіспеншілігіңді қалайша білдіресің?

Өзің туған үйіңді не үшін жақсы көресің?

Мәтінді оқып, сұрақтарға жауап беру.

6.Шығармашылық жұмыс, топтық жұмыс.

1-тапсырма. Суреттерге қарап, әңгіме құрастыру.

2-тапсырма. Отбасы ережесін құрастыру.

3-тапсырма. Өз оьбасындағы жақындарыңның бойындағы жақсы қасиеттерді атап айтыңдар.

Дәптермен жұмыс

7.Топпен ән айту.

«Қошақаным қайда екен?!»

Өлеңін жазған: С. Асанов

Әнін жазған: Ә. Бейсеуов

1. Жазда апамның аулына

Барып едім қыдырып.

Бір қошақан алдымнан,

Ойнап шықты жүгіріп.

Қайырмасы:

Ақ маңдайлы ай ма екен?

Шекер ме екен, бал ма екен?

Кеттім оны сағынып,

Қошақаным қайда екен.

2. Демалыста өзіңді,

Тағы іздеп барамын.

Бір қошақан бәрі бір,

Сені тауып аламын.

Бірге ән шырқау.

8.Үй тапсырмасы.

«Біздер сәлем береміз» атты өлеңі жаттауға беріледі.

Е. Өтетілеуұлы

9.Қорытындылау, соңғы тыныштық сәтi.

Оқулықтағы қоржында берілген сөздерді пайдаланып, бүгінгі сабақты қорытындылау. Балалар сендер қайырымды, сыйлы болдыңдар отан қорғайтын азамат болатындарыңа сенемін.