Бастауыш білім берудегі жаңашыл бастамалар туралы баяндама

Бастауыш білім беру -болашақ маман иелерінің жаңашыл бастамалары

Джумадилова А.Қ.

«Бастауыш білім беру» бөлімінің меңгерушісі

Бастауыш мектеп мұғалімі – ерекше тұлға. Өйткені ол – балалар мен үлкендер әлемінің арасындағы сарапшы. Бастауыш мектеп мұғалімінің еңбегін өзге еңбекпен салыстыруға болмайды, себебі ол еңбектің жемісі – адам. Мұғалімге отбасы мен қоғам ең қымбаттысын, өз елінің азаматының болашағын, оның тағдырын табыс етеді. Бүгінгі мұғалім еңбегі қандай болса, ертеңгі болашағымыз да сондай болмақ. «Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе Қазақстан сол деңгейде болады. Сондықтан ұстазға жүктелер міндет ауыр»,-деп елбасымыз Н.Ә.Назарбаев айтқандай қазіргі заман мұғалімінен тек өз пәнінің білгірі ғана емес, тарихи-танымдық, педагогикалық-психологиялық сауаттылық, саяси-экономикалық білімділік, ақпараттық сауаттылық талап етілуде. Ол заман талабына сай білім беруде жаңалыққа жаны құмар, шығармашылықпен жұмыс істеп, оқу мен тәрбие ісіне еніп, оқытудың жаңа технологиясын шебер меңгерген мұғалім болуы тиіс.

Мұғалім әрқашанда өзін қоғам талабына сай үздіксіз тәрбиелеп отыратын, адамдармен, әсіресе, оқушылармен қарым-қатынасқа тез түсе білетін, ұйымдастырушылық қабілеті бар, өз пәнін жетіәк білген әрі уағыздаушы, таланты мен тәжірибесі тоғысқан, өзінің қоғамдағы саяси өмірге белсенді араласып, өз елі мен жеріне сүйіспеншілігі негізінде оқушыларға үлгі бола білуі керек. Білім беру мен тәрбиелеудің негізі – ұстаз. Қазіргі таңда шығармашылық ізденістегі педагогикалық жаңа әдістерді жете меңгерген, кәсібилікке қалыптасқан педагог қажет.

Осындай жан-жақты білім мен тәрбиемен қаруланған бастауыш сынып мұғалімін даярлау Абай атындағы Жамбыл гуманитарлық колледжінің еншісінде. Колледждің «Бастауыш білім беру» бөлімінің тарихы өткен ғасырдан бастау алады. Осы уақыт аралығында бастауыш сынып мұғалімі мамандығы бойынша мыңдаған ұстаздар дайындалды.

Мамандық түлектері бүгінгі таңда мамандандықтың әр түрлі бағыттарында жемісті жұмыс істеуде. Бәсекеге қабілетті мамандарды дайындауда инновациялық технологиялар негізінде білім бере алатын педагогтардің кәсіби біліктіліктерін арттыру оқу орнының негізгі мақсаттарының бірі болғандықтан студенттерге сапалы білім беру үшін колледж оқытушылары жыл сайын біліктіліктерін арттырып отырады. Соның нәтижесінде білімгерлердің кәсіби деңгейі көтеріліп, республикалық, облыстық жарыстарға, ғылыми-зерттеу жұмыстарына қатысу көрсеткіші артуда. Қазіргі кезеңде білім беруді реформалау…