Бастауыш оқушыларын кәсіпке ерте жастан баулу материалы

Бастауыш сынып оқушыларын

кәсіпке ерте жастан баулу

Иманбетова Айымгүл Нуркасымовна

Жалпы білім беретін №5 орта мектеп бастауыш сынып мұғалімі, «Білім беру ісінің құрметті қызметкері» төс белгі иегері

Кәсіпке баулу – бұл әрбір жеке тұлғаның ерекшеліктерін және халық шаруашылығына, экономикалық аудандарға, жеке салаларға қажетті сұранысы бар мамандықтарды ескере отырып жастарды еркін және өзіндік мамандық таңдауға дайындаудың ғылыми негізделген жүйесі. Бұл жүйенің негізгі объектісі бастауыш сыныптан жоғарғы сыныпқа дейінгі оқушылардың тұлғасы болып табылады. Кәсіптік бағдар бұл – бір-бірімен тығыз әрекеттесетін қоғамдық және жеке тұлғалық жоспарда жүзеге асатын күрделі динамикалық жүйе.

Бастауыш саты – бұл оқушы тұлғасы мен санасының қарқынды дамитын құнды, қайталанбайтын кезеңі. Сондықтан, бастауыш мектеп – оқушыны тұлға етіп қалыптастырудың алғашқы баспалдағы. Президент жолдауында: «Ұлттың бәсекеге қабілеттілігі бірінші кезекте білім деңгейімен айқындалады» - деген байламы жеке адамның құндылығын арттыру, оны дайындайтын ұстаз жауапкершілігінің өсуі, тынымсыз еңбек, сапалы нәтиже деген ұғыммен егіз.

Білім мазмұны жаңарып жатқан мезгілде әр түрлі кәсіптер туралы мәліметтерді бастауыш мектеп бағдарламаларында қарастырған жөн.

Қазіргі кезде кәсіптік бағдар бойынша бастауыш мектептерде ұйымдастыру жұмысында жаңа өзгерістер енгізілуде. Мысалы:

– ата аналармен біріге отырып, балалардың дамуына әсер етуді бағдарлау;

– балалардың бастауыш мектептегі өмірін ойлы да қызықты ету;

– оқытудың ескірген технологиялары мен ұйымдастыру нысандарын оқыту барысында қолданбау;

– оқушылардың алған теоретикалық білімдерін іс жүзіне асыруға дайын болуына, өзіндік білім алуға, белсенділік көрсетуіне ұмтылуын қалыптастыру.

Бастауыш мектепте сабақтан тыс мерзімде әртүрлі қызмет, кәсіптермен танысу жұмыстары жүргізіледі. Мектебіміздегі бейінді оқытудың ресурсты орталығына экскурсиялар жүргізіп, әңгімелер, сынып сағаттарын өткізіп тұрамыз. Біздің мектебімізде осыдан 10 жыл бұрын бейінді оқыту ресурс орталығы ашылды. Бұл орталық әртүрлі бағытта жұмыс жасайды, сонымен қатар, «Ас әзірлеу технологиясы», «Экономика және өнеркәсіп», «Автомобиль құрылғысы», «Жолда жүру ережелері», «Жас Орда - Танымгер» секілді арнайы кабинеттермен жабдықталған. Осы арнайы кабинеттерде бастауыш сынып оқушыларымен, соның ішінде қыз балалармен «Ас әзірлеу технологиясы» бойынша көкөністер мен салқындатылған тағам түрлерін турау және безендіру, дастархан жасау әдебіне…