Бастауыш оқушыларының логикалық қабілетін дамыту әдістері

Бастауыш сынып оқушыларының логикалық ойлау қабілетін дамытуда интербелсенді әдістердің тиімділігі

Мустафаева Толкын Сейсенбековна

«Қарабұйрат орта мектеп -бақша» КММ-нің III деңгей бойынша сертификатталған бастауыш сынып мұғалімі

ШҚО Үржар ауданы Қарабұйрат ауылы

Бүгінгі күні мұғалімнің білімді дайын күйінде бермей , оны оқушының өздігінен игеруіне бағыттауы нәтижесінде тұлғаны дамытатындығы, алған білімін ұзақ еске сақтайтыны және логикалық ойлау қабілетін жоғарылататыны дәлелденіп отыр. Сондықтан жаттанды репродуктивті оқытудан, түсіну талдау, ақпарат негізінде жаңа мазмұн құрастыру конструктивтік оқуға көшу қолға алынуда. Бұл мақсатқа интербелсенді әдістемені қолдану арқылы ғана бір табан жетуге болатынын байқадым. Өйткені , интербелсенді оқу –әрекет көмегімен және әрекет арқылы , өзара бірлесе іске асады. Ал бірлесіп оқуда білім алушылар терең ойланып, өз идеялары мен әрекеттерін талдап, алған ақпаратты ой елегінен өткізе алады. Тіпті жаңа түсінік пен білімді құрастыра алады. Рефлексия кезінде өз ісін ой елегінен өткізіп, қорытып білдіруге мүмкіндік алатынын байқадым. Мұғалім сабақ үстінде интербелсенді әдістерді пайдалану арқылы оқушылардың оқуға ынтасын арттырып, жоғары және тиісті деңгейлерге қол жеткізуге болатынын дәлелдеді.

Интербелсенді әдістер мен тәсілдер- бұл , ең алдымен оқушы мен мұғалімнің қарым-қатынасы тікелей жүзеге асатын диалогтік оқыту болып табылады.

Жобаның негізгі идеясы: Оқыту мен оқуда интербелсенді тәсілдерді енгізу арқылы оқушылардың оқуын жақсартып, білім сапасын көтеру .

Негізгі идеясы: Педагогикалық қуатты құралдар – 7 модульді пайдаланып, мектеп шеңберінде даму бағдарламасын іске асыру.

Мақсаты: Бастауыш сыныптарда белсенді әдіс-тәсілдерді пайдаланудың мүмкіндіктерін анықтау, белсенді әдіс-тәсілдерді педагогикалық қуатты құралдармен ықпалдастырудың тиімділігі ғылыми-педагогикалық тұрғыдан айқындау.

Күтілетін нәтиже: Оқушылардың жас және жеке ерекшеліктерін ескере отырып, белсенді әдістер мен тәсілдерді пайдалану арқылы оқушылардың функционалдық сауаттылығын артады. Бастауыш сыныптардағы оқыту мен оқу үдерісінде белсенді әдіс-тәсілдерді қолдану арқылы оқушылардың пәнге деген қызығушылығы, белсенділігі артады, функционалдық сауттылығы қалыптасады

Бүгінгі заман талабы болашақ ұрпақтың ой-өрісінің шыңдалуы, жеке тұлға ретінде құзыреттіліктерін қалыптасуы оқыту үдерісінің нәтижелі және сапалы, әрі тиімді шығармашылықпен жүзеге асырылуына байланысты.Ол –мұғалім мен оқушының бірігіп жұмыс атқаруы.Мен өз сабақтарымда 7 модульді ықпалдастырып , тізбектелген сабақ жоспарын жаңаша құруды үйрендім.Оқушылар бір-бірінен үйренетініне және олардың пәнге деген қызығұшылықтардың артуына жаңа тәсілдердің тигізер пайдасы мол. Жаңа тәсілдерді пайдалану барысында оқушылардың өз ойын ашық айтуға , еркін сөйлеуге, өз бетінше үйренуге ізденеді, болжайды, зерттеп, қорытынды жасауға, өнімдерін бағалауды үйренеді. Әр сабағымда сұрақ-жауап әдістерін де жиі пайдаланамын. Нәтижесінде оқушы сабақ барысында, өз ойын ашық жеткізеді, ауызша баяндау білігі дами.

Интербелсенді әдіс-тәсілдерді қолдану арқылы өсіп келе жатқан ұрпақтың функционалдық сауаттылықтарының артуы мен өмірге бейімделуін қамтамасыз етуге бағыттау. Сыни тұрғыда ойлауға, зерттеушілікке машықтандыру. Жан-жақты дамыта отырып, ұжымда өзара әрекеттесу арқылы білімді өз бетінше игеруіне мүмкіндік беру. Танымдық белсенділігімен өз бетінше ойлауын қамтамасыз етеді. Өзіндік ізденістерін дамытады.Интербелсенді әдістерді қолдану дегеніміз

Оқушының өнімді, шығармашылық, ізденіс таситын оқыту әдістері

2. Оқушының танымдық іс-әрекетті ынталандырушы және қандай да болсын мәселенің шешу жолдары жөнінде еркін пікір алмасуды көздейтін диалогке құрылған әдістер

Оқытудың белсенді әдісі білім алушылардың тиімді қарым-қатынасына негізделеді. Бұл оқу мен оқыту үрдісінде оқушылардың бірігіп , белгілі бір мәселені шешуге , белгілі бір әрекетке өз жауапкершілігін сезініп , белсенді болуға және осы кезде өз қиялын , ой-өрісін , шығармашылығын көрсетуге мүмкіндік береді. Бұл әдіс-тәсілдер төмендегідей талаптарға сай келуі керек. :

-әдіс-тәсілдер ақпараты терең игеруге сай келетін ұғымдарды ой елегінен өткізеді,

-оқушы өзін-өзі еркін сезінетін өрісті ықпалдастырады,