Бастауыш сыныпта ұлттық ойындарды қолданудың тиімділігі

Бастауыш сыныптарда ұлттық ойын элементтерін қолданып оқытудың тиімділігі

Жусипбекова Умида Молдашқызы

ОҚО, Созақ ауданы, Созақ ауылы Әлішер Науайы атындағы жалпы орта мектебі

«Маған жақсы мұғалім бәрінен де

қымбат, өйткені мұғалім –мектептің жүрегі»

Ы.Алтынсарин

Ұлы даналарымыз айтқандай ұстаз қоғамның айнасы, саналы ұрпақ тәрбиелеп, сапалы білім беретін жан-жақты білікті әрі өнерлі тұлға. Бірнеше мамандықты бойына жинайтын ұстаз, мұғалім ұғымдарының қадір-қасиеті ешқашан жоғалмақ емес.

«Ұстаз» бұл ұлы есім, ұлы жұмыс,

Ұлтымыз ұлықтанар ұлысымыз.

Шәкірттің зердесіне зер саламыз,

Сауаптардың асылы бұл ісіміз.

Талай ақын айтса да мақтауды мың,

Сан мыңдаған санада сақтаулысың.

Бақытқа балаларды баулитұғын,

Ұстаздар жырда талай жаттаулысың.

Актер да, психолог, педагог та,

Абай, Ньютон, өзіңсің Герадот та.

Жетелейсің жеңіске жетектейсің,

Шәкірт үшін түсесің сірә отқа.

Еңбектерің атқаратын ел үшін,

Күйінетін сен үшін де, мен үшін.

Ұстаз деген ұлылықтың символы,

Көре берсін еңбегінің жемісін, - деп барлық ұстаздар қауымына шығармашылық табыстар тілеймін.

«Бастауыш сыныптарда ойын элементтерін оқытудың тиімділігі». Бұл тақырып кең ауқымды, қаншама тәжірибелі мамандар тарапынан зерттеліп келе жатқан тақырып. Мен жас маман ретінде осы тақырыпты зерттеп, ой түю мақсатында тәлімгер ұстаздардың сабақтарына, ашық тәрбие сағаттарына қатысып, газет журналдар мен интернетте жарияланған мақалалармен, ғылыми жұмыстармен таныстым. Және осы ойын технологиясы, ұлттық ойын элементтерін пайдалану арқылы сабақтарымда қолдану үстіндемін. Сабақ өтудің түрлі заманауи әдіс-тәсілдері, шет елдердің оқыту әдістері кіріктіріліп даму үстінде. Бірақ соның барлығын орынсыз, белгілі бір жүйесіз пайдалану сапалы білім беруге керісінше ықпалын тигізуі де мүмкін. Мысалы, тақырыптың ашылмай қалуы, теориялық білімнің аздығы, уақытпен үлгере алмаушылық тағы басқа кемістіктер болмауы үшін әр сабақта бір-екі тиімді ойын әдісін пайдаланған жөн деп ойлаймын. Мысалы «Асық ойыны», «Көкпар», «Бәйге», «Сүйек тастау», «Алтын қабақ», «Айгөлек-ау, айгөлек», «Теңге алу» атты тағы басқа көптеген ұлттық ойындарды білім беру саласындағы әдістермен ұштастыру өте тиімді деп ойлаймын. Өз ойымды толықтыратын болсам, мысалы бір асық ойыны арқылы бірнеше қызықты әдістер пайдалануға болад