Бастауыш сыныпта жаңа технологияларды қолдану құралы

Т Ү Р К І С Т А Н О Б Л Ы С Ы

ҚАЗЫҒҰРТ АУДАНЫ

А. Оразбаева атындағы жалпы орта білім беретін

мектебі

«Оқытудың жаңа технологиясын

бастауыш сыныптарда қолданудың

ерекшеліктері мен

мүмкіндіктері»

(Әдістемелік құрал)

Бастауыш сынып мұғалімі

Лебекова Айгүл Төрегелдіқызы

2020 жыл

«Оқытудың жаңа технологиясын

бастауыш сыныптарда қолданудың

ерекшеліктері мен

мүмкіндіктері»

Қазығұрт аудадық білім бөлімі

Автор:

Бастауыш сынып мұғалімі

Лебекова Айгүл

Төрегелдіқызы

Аннотация: Бұл оқу-әдістемелік құрал бастауыш сынып

пәні мұғалімдеріне арналған. Оқушылардың сабаққа деген

қызығушылығын, белсенділігін, өздігінен ізденуіне және

топпен жұмыс жасауын арттыруда көмекші бірден-бір құрал

бола алады.

Пікір жазған:

Шерова Ақтолқын – АББ әдістемелік кабинеттің меңгерушісі.

Амирова Мақсат – АББ әдістемелік кабинеттің бастауыш

сыныптар бойынша әдіскері.

Кіріспе

Қазіргі таңда тәуелсіздік талабына сай білім беру жүйесін сапалық деңгейге көтеруге, оқу технологияларын жан- жақты меңгеруге үлкен мән беруде. Мектепте дәстүрлі білім берумен шектелмейді, оқушылардың сабаққа деген қызығушылығын арттыруда жаңа технология ( компьютер, интернет, диаграммалар, логикалық тірек сызбалар, ойындар т.б ) көптеп өз нәтижелерін беруде. Сабақта дәстүрден тыс жаңа технологиямен инновациялық әдістерін , элементтерін пайдалана отырып түрлендіре өту қажет. Себебі үнемі қалыптасқан формада өткізу, әсіресе бастауыш сыныптарда оқушы әрекетіне қозғау сала бермейді. Мұның өзі оқушының білім мен білігін, талабы мен талғамын ұштауда, өзіндік ізденісін қалыптастыруда , жаңа оқыту технологияларының алар орнын айқындай түседі. Қазіргі ақпараттандыру заманында баланы 40 минуттық сабаққа деген қызығушылығын арттыру ұстаз үшін бүгінгі таңда өте күрделі мәселе. Осы орайда жоғары сыныптар сабағын оқытуда М.М. Жанпейісованың «Модульдеп оқыту технологиясы» мұғалімдер үшін бірден-бір тиімді әрі пайдалы әдістеме.

Оқушы санасына сәуле себер түсінік пен ұлағатты ұғымды қалыптастырып, білімді жүйелі түрде меңгеруіне және оқушының қабілет деңгейлерін дамытуда «Сын тұрғысынан ойлау технологиясы» мен М.М.Жанпейісованың «Модульдік оқыту технологиясының» маңызы ерекше екендігін байқауға болады.

Технология - бұл қандай да болмасын істегі шеберлікті, өнерде амалдардың жиынтығы.

Технологияны енгізгендегі күтілетін нәтиже

- Білімді соңғы нәтижеге жетелеиді. - Нақты нәтижеге жеткізеді. - Топтастыру, жүйелі байланыстыру, қажетті материалдарды жинақтау. Толықтыру, жаңарту – тексерудің тиімді, ұтымды жолдарын ойластыруға мүмкіндік береді. - Іріктеу – ең негізгісін бөліп алуға, іздену, зерттеу, мақсат қоюға, уақытты үнемді пайдалануға мүмкіндік береді. Жаңа технология әдістері әрбір оқушының шығармашылықпен жұмыс істей білуіне, өз бетімен жұмыс істеп қорытынды жасай алуына, адамгершілік қасиеттерін қалыптастыруға, жүйелі білім алуға жетектейді. Яғни, оқытудың дамытушы және тәрбиелеуші ықпалының пәрменділігін арттыру көзделеді. Қандай да бір жаңа технологияны алсаңыз да, ондағы қолданылатын әдіс- тәсілдер бір-бірімен байланысты немесе ұқсас деуге де болады.

Мысалы: ұжымдық оқыту тәсілі сабақты ұйымдастыруда төрт түрлі тәсілді пайдалануды ұсынады.

1. Жекелей жұмыс – сыңары ауыспайтын жұп. 2. Жұптық жұмыс – сыңары ауысатын жұп. 3. Топтық жұмыс – тақырып алмасу. 4. Ұжымдық жұмыс – білімді есепке алу, тексеру, жазба

жұмысы. Ал модульдік оқыту технологиясында оқытуды ойын түрінде ұйымдастыру және әр түрлі белсенді формаларды (топтық, топтық – жеке және топтық, жұппен жұмыс, диспуттар, пікір таластар) қолдану – оқытудың шарты болып табылады.

Ж.А.Қаратаевтың саралап оқыту технологиясында оқушылардың қабілетіне қарай деңгейлеп тапсырмалар беру арқылы оқушыны дамыту көзделеді.

М.М.Жанпейісованың модульдік технологиясындағы сөйлесу бөлімінде де 3,4 сабақтардан бастап оқушыларға стандарт талаптарына сай сараланған тапсырмалар беріледі. Сонымен қатар кіріспе бөлімінде В.Ф.Шаталовтың белгі және сызба үлгілері негізінде қарқынды оқыту технологиясын да пайдалануға болады.

Оқыту мен дамыту өзара күрделі қатынастағы процестер. Егер сабақ оқушы танымдық қызметтің өзінен жағымды эмоциялар алатындай ұйымдастырылса жақсы нәтиже береді.