Бастауыш сыныпта инновациялық технологияларды қолдану

Талдықорған қаласы,

К. Ушинский атындағы

№7 орта мектептің

бастауыш сынып мұғалімі

Ахмешова Анар Қанатқызы

Баяндама тақырыбы: Бастауыш сыныпта инновациялық технологияларды тиімді қолдану.

«Шеберліктің белгісі - әртүрлі әдісті біліп, сабақта орынды қолдана білу». А. Байтұрсынұлы

Негізгі мақсаты:

Бастауыш сыныпта инновациялық технологияларды тиімді қолдану барысында дәстүрлі сабақ беру жүйесін өзгертуге бағыттап, білім беру мазмұнын толықтырып, жаңа көзқарас пен жаңа технология бағытында жұмыс жүргізу.

Міндеттері:

Білім беру үрдісінде инновациялық технологиялардың тиімді жақтарын мүмкіндігінше қолдану;

Пәннің түсіндірілуі мен ақпараттың жеткізілуінің жоғары сапасын қамтамасыз ету;

Қазіргі таңда әр мұғалім өзіне мынадай толғанарлық сұрақ қояды және оған жауап іздейді: «ХХІ ғасырдың мектебі мен мұғалімі қандай болу керек?» деген ой туады. Яғни, білім берудегі жаңартылған білім мазмұнына сәйкес қазіргі мектепке ойшыл, зертеуші, тәжірибелік қызметі мол, педагогикалық үйлестіруді шебер меңгерген іскер мұғалім қажет. Бүгінгі біздің алдымызда тұрған басты міндет – үздіксіз білім бере отырып, инновациялық технологиялардың тиімдісін алып, оқушыны қызықтыра алатындай білімді игерту. «Инновация» - бұл «жаңалық енгізу», «реформа жүргізу», «өзгеріс» деген ұғымдармен қатар, кең мағынада жүйедегі кез келген өзгерістерді білдіреді. Технология – бұл қандай да бір жұмысты, өнерді, шеберлікті іске асыру жинтығы

Ахмет Байтұрсынұлы айтқандай: «Елді түзетуді бала оқыту ісін түзетуден бастау керек» деген болатын. Сондықтан да қазіргі таңда білім берудің жаңа жүйесі жасалып, әлемдік білім беру денгейіне жетуге ат салысудамыз. Ертеңгі болашағымыздың сапалы білім, саналы тәрбие алуы – қазіргі қоғамдағы ұстаздарға байланысты.

Қазіргі таңдағы білім беру сапасын арттыруда әсер ететін факторлар :

- Оқушылармен тиімді кері байланысты қамтамасыз ету;

- Оқушылардың өзіндік оқуға белсенді қатысуы;

- Оқушылардың қызығушылығын арттыру;

- Оқушыларды сыни тұрғыдан ойлауға үйрету;

«Баланы оқытуға қалай үйрету керек?», «Ойлауға қалай үйрету керек?», «Өтілген тақырыпты өмірмен қалай байланыстыруға болады?» деген сұрақтардың жауабы ретінде мұғалім оқушылардың жас ерекшеліктеріне сай, педагогикалық мақсат - мүддесіне, өзінің шеберлігіне бағыттай отырып таңдап алады. Ол үшін мұғалім белсенді, шығармашыл ізденімпаз болуы қажет. Жалпы алғанда, инновациялық технологиялардың 40 –тан астам түрлері бар. Тұлғаның дамуына, қабілетінің артуына осы технологиялардың ықпалы мол . Сондықтан да, қазіргі таңда ұстаздар қауымы инновациялық технологияларды қолдана отырып, әр технологияның элементтерін тиімді қолдану арқылы өз іс –тәжірибесінде жоғарғы көрсеткіштер көрсетуде.

Оқу тәрбиесі үрдісінде педагогикалық технологияларды енгізу 4 кезеңнен тұрады:

1. Жаңа идеяны іздеу;

2. Жаңалықтарды ұйымдастыру;

3. Жаңалықтарды енгізу;

4. Жаңалықтарды бекіту.

Бүгінгі таңда барлық пәндері бойынша оқу үрдісінде инновациялық білім беруде технологаялардың мынадай түрлері кеңінен қолданылатыны анықталады: Ф.Оразбаеваның коммуникативтік технологиясы, В.В. Давыдов, Д.Б. Эльконинның дамыта оқытуы, В.Ф. Шаталовтың оқу материалдарын тірек және сызба үлгілері арқылы табысты оқытуы, Ю.А. Марковтың жеке оқытуы, интеграциялық ойын, тестілік, компьютерлік, проблемалық технологиялары, М.Жанпейісованың модульдік технологиясы, Н.Оразахынованың сатылай кешенді талдау технологиясы, Ж.Қараевтың деңгейлеп-саралап оқыту технологиясы, Сын тұрғысынан оқыту технологиясы жаңаша өзгерген мақсатпен оқушылардың өздігінен танып, ізденуіне, іс-әрекеттердің меңгеруін талап етеді.

Мақсат, міндеттерді жүзеге асыру жолында күнделікті сабақ жоспарымда мынандай озық технологияларды сабақта қолдануды жөн көрдім:

Сын тұрғысынан ойлау технологиясы;

Деңгейлеп -саралап оқыту;

Интерактивті қолдану технологиясы;

Сатылай кешенді талдау технологиясы;

Дамыта оқыту технологиясы;

Ойын технологиясы.

Дамыта оқыту технологиясы- бастауыш сынып оқушыларының тілін дамытуға, өзіндік жұмыс жасауға, білік дағдыларын қалыптастыруға, өз ойларын еркін жеткізуге баулиды.

Элькони , Давыдов технологияларындағы дамыта оқыту ең алдымен оның мазмұны, теориялық білімге негіздене отыра құрылған

Д.Б. Элькони , В.В. Давыдов жасаған жүйесінің негізгі компоненттері

Оқу мақсаттарының қойылуы

Оны шешудің жолын бірлесе қарастыру

Шешімнің дұрыстығын дәлелдеу

Оқушы мақсатты шешу, іштей талқылау, сосын жинақтау арқылы жүзеге асырады. Әр оқушыға өз ойын, пікірін айтуға мүмкіндік беріледі, жауаптары тыңдалады, жасаған еңбегінің нәтижесімен бөліседі, дәлелдеуге талпыныс жасайды, жеке тәжірибесін қорытындылауға үйренеді.Сын тұрғысынан ойлауды дамыту технологиясы -мұғалімнің бағыттауымен оқушының өз бетінше білімді игерудегі мақсаты сынауға емес, шыңдалған ойлауға үйрету.

Мақсаты:

Оқушының ойлау қабілетін арттыру, сыни тұрғыдан талдауға бейімдеу, іскерлік дағдысын қалыптастыру.

Оқушыларды шығармашылыққа баулу, оқуға қызығушылығын арттыру, шешім қабылдай білуге бейімдеу

Бұл жоба атақты ғалым зерттеушілер Ж.Пиаже мен Л.С.Выготскийдің даму теорияларын басшылыққа алады. Бұл технология үш сатыдан тұрады:

а) Қызығушылықты ояту

ә) Мағынаны тану

б) Ой толғаныс

Бұл технолгияның 100-ден астам стратегиялары бар. Бастауыш сыныптарда тиімді қолданылатын стратегиялар бұл «Түртіп оқу», «Джигсо», «Семантикалық карта», «Эссе жазу», «Топтастыру», «Венн диаграммасы», «Екі түрлі түсініктеме күнделігі», «Еркін жазу», «Кубизм», «Бес жолды өлең», «БББ», «Серпімді сауал», және т.б стратегиялар.

Ойын технологиясы – бұл түрлі ойындар арқылы оқушының ынтасын, көңілін көтеру, сабақты жандандыру, оқушылардың сабаққа деген қызушылығын арттырудың жолы. Ойын арқылы оқушылардың білім – білік дағдылары қалыптасады, жаңа білімді меңгереді. Танымы, оқуға белсенділігі ,сөздік қоры,көңіл –күйі артады.Теориялық білімдерін практикада қолдануға үйренеді. Сөзжұмбақтар, ребустар, жұмбақтар шешу кезінде оқушылар өзара жарысқа түседі. Рөлдік ойындар арқылы, сахналау арқылы оқушылардың тілдері жаттығып, сөздерді еске сақтап қалу мүмкіндігіне ие болады.

Интерактивті технологиясы арқылы- оқу үрдістері қызықты да көрнекті болады, білімді тереңдете түсуге үлкен мүмкіндік. Интерактивті технологиялар білім беру жүйесінде мұғалімнің жұмысын жеңілдетіп, терең де сапалы білім беруге жол ашып отыр. Интерактивті тақтамен және проектормен жұмыс кезінде бейне слайдтар және компьютерлік анимациялар жасауға көп мүмкіндік аламыз. Интерактивті тақталарының негізгі артықшылықтары: презентациялар, тақтаға жазу, тест нәтижесін экранға шығару, оқу материалы тез…