Бастауышпен қоштасу тәрбие сағатының жоспары 4 сынып

Тәрбие сағатының тақырыбы: Шуағын төккен төрт көктем

Мақсаты: Білімнің сара жолы бастауыштан басталатынын түсіндіріп,оқушылардың білім,білік,дағдыларын қорыту,бастауыш сыныппен қоштасу.Мерекелік көңіл-күй туғызып,ата-анаға,ұстаздарға алғыс айту. Оқушылардың шығармашылығын, ізденімпаздығын, білімге құштарлығын арттыру.Сыйластыққа,ұйымшылдыққа,Отанының адал ұлы мен қызы болуға тәрбиелеу.

Көрнекілігі: «Біздің сынып» фотомонтаж

Кештің өтілу барысы:

Мұғалімнің сөзі:

-Құрметті оқушылар, ата аналар,ұстаздар! «Шуағын төккен төрт көктем» атты бастауышпен қоштасу кешіне қош келдіңіздер демекпін.Осыдан төрт жыл бұрын мектеп табалдырығын жүрексіне аттаған кіп-кішкене бүлдіршіндер едіңдер,енді міне бастауышты аяқтап отырсыңдар! Сендердің ойларың мен бойларыңның өсуіне өзіндік үлесін қосқан, алтын ұя мектебіміз ,аяулы ұстаздарымыз, жан достарымыз, ардақты ата-аналарымыз туралы ойымызды ортаға салсақ деген ниетіміз бар.

Айханым:

Балалар тұр есіне ап,

Мектепке келген жылдарды.

Мініп алған бір-бірден,

Білім деген тұлпарды.

Алда қиын жол әлі,

Алда мақсат,тілектер.

Әр кеудеден соғады,

Қоңырау болып жүректер.

Бақытжан:

Мектеп деген білім кені,жыр кені,

Мектеп деген ғылымның ең үлкені.

Мектеп деген тәрбиеші адамға,

Мектеп деген даналардың мекені.

Мектеп деген менің жарқын көңілім,

Мектеп,мектеп шаттық толы өмірім.

Мектеп,мектеп әнім болып төгілдің,

Мектеп,мектеп анам боп та көріндің.

Аймарал:

Мектеп сенсің адамдықты үйреткен,

Мектеп сенсің жамандықты күйреткен.

Мектеп сенсің жақсылықты ұран ғып,

Мектеп сенсің мені жұртқа сыйлы еткен.

Мектебім алтын ұям,нұрың жарық,

Жайнаттың үмітімнің гүлін жарып.

Сүйкімді сенің күміс қоңырауың,

Тұрады құлағымда сыңғыр қағып.

Батыржанұлы Ерасыл:

Мектеп,мектеп төңіректеп,жүруші едім мен кеше,

Сұраушы едім,жылаушы едім,әпкем кітап бермесе.

Қалам алып,сурет салып,үйренгенмін бақшада,

Суретімді мақтап жүрді,жақсы апа мен жақсы аға.

Міне, мен де үлкен болдым жасым толды он бірге,

Кітаптағы ертектерді енді оқимын шетінен.

Таңнан тұрып,бетім жуып,кітабымды реттедім,

Сәлем саған,келем саған,көп аңсаған мектебім.

Ән: «Мектебім» Мыңбай Дания

«Біздің сынып» тақырыбындағы слайд шоуды тамашалаңыздар!

Жания:

Оның көңілі кеңдігіндей даланың,

Мен жансам да ұстазымша жанамын.

Үлкен дейді кейде мені басқалар,

Ұстазыма бәз-баяғы баламын.

Жерім болса қалжыраған, шаршаған,

Қайрат беріп, қағады ол арқадан.

Сәтсіздікке ұшырасам егер мен,

Жанына оның бұрын батар баршадан.

Жансерік:

-Иә, ұстазы жақсының ұстамы жақсы деген сөз тегіннен тегін айтылмаса керек.Ата- анадан кейінгі балаға білім беріп,тәрбие ұйрететін ол ,әрине, ұстаз.

Ұстаз болу-жүректің батырлығы,

Ұстаз болу-сезімнің ақындығы.

Ұстаз болу-мінездің күн шуағы,

Азбайтұғын адамның алтындығы-деп Ғафу Қайырбеков атамыз жырлағандай, сөзі- маржан, үні-ән ұстаздардың бар болғанын мақтаныш етемін.Ұстаз жүгі-ауыр жүк.Адамның жан-дүниесін түсініп, ренжітпей, қателігін сездіре білу бұл нағыз шеберлік!

Аяулым:

-Ұстаздар жайында халқымыздың батыр ұлы Бауыржан Момышұлы «Ұстазға-ұлы құрмет.Себебі,ұрпақты ұстаз тәрбиелейді.Болашақтың басшысын да,данасын да,егіншісін де,кеншісін де ұстаз өсіреді.Өмірге ұрпақ әкелген аналарды қалай ардақтасақ,сол ұрпақты тәрбиелейтін ұстаздарды да солай ардақтауға міндеттіміз»деген.

-Ендеше, өз ісіне берілген, жаңалықты жатсынбай қабылдайтын,шәкіртінің жанына нұр құйып,өмірде өзі бақытты болып, өзгелерді де бақытқа жеткізсем деп жүретін ұстаздардың жөні де, жолы да бөлек.

Хор: «Ұстазым менің ұстазым»

Димаш:

Байсалды мінезіңнен бірқалыпты,

Менің де көкейіме із қалыпты.

Ұстаттың қағаз, қалам қолыма өзің,

Ерінбей үйретіп ең әр әріпті.

Қоссаңдар бірді екіге үш болады,

Деуші едің білімменен күш толады.

Алғыр бол,әдепті бол,ұстамды бол,

Ақылмен іс істесең, іс болады.

Беруші ең бізге айтып өлең, тақпақ,

Таласып алушы едік біздер жаттап.

Өзіңіз баға қойған күнделікті,

Жоғалтпай әлі күнге келем сақтап.

Аянат:

Тұла бойың тұнған сабыр,кешірім,

Айқара аштың бізге білім есігін.

Өр тұлғаңды балап шыңға ұстазым,

Мен өзіңе тәнті болсам несі мін?

Бала елдің болашағы болғанда,

Зор пайданы тигізесің қоғамға.

Мамандығың кәсіптердің абзалы,

Адамдығың қымбат бізге одан да

Аблайхан:

Мынау менің сезгенім,ол кластың анасы,

Өзінің де, өзгенің баласы оның баласы.

Қай кезде де мұғалім,қайғырмайды өзі үшін,

Біздер үшін қуанып,қызарады біз үшін.

Күнде бестік алсаң сен,онда басқа жоқ арман,

Ал оқымай барсаң сен,бір тал шашы ағарған.

Жақсы болсаң шынында,қартаймас деп айта алам,

Жаңа оқу жылында, жасарады қайтадан.

Ерсұлтан:

Ашық болсын нұрға толы көгіміз,

Аман болсын еліміз бен жеріміз.

Аманаттап тапсырамыз тағдырды,