4 сынып, Бастауышпен қоштасу сценарий

Бастауышпен қоштасу мерекесі

«Қош бол, бастауыш» Мақсаты:А. Білімнің сара жолы бастауыштан басталатынын, бастауышта алған білімнің негіз болып қаланатынына көз жеткізу.Б.Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру,әр баланың ерекшелігін таныта отырып, сәт – сапар тілеу.В.Білім берер ордасы- мектепті, ұстаздарын құрметтеп, білімге деген құштарлығын арттыру. Көрнекілігі: «Шуағын төккен 4 жыл» фотомонтажы. Слайдтар.

1.НАЗЫМ:-Құрметті ұстаздар, аяулы достар, қадірменді ата - аналар! Бүгін бізде қуаныш, үлкен той. Бүгін 4 жыл бойы білім беріп, ой сананы дамытқан, адалдыққа тәрбиелеп, білімнің соқпағынан ғылымның арнасына кең жол ашқан бастауыш сыныппен қоштасқалы отыр. Олай болса, 4 «А» сыныбының «ҚОШ БОЛ, БАСТАУЫШ» атты бастауышпен қоштасу кешіне қош келдіңіздер!

Мұғалім сөзі: Осыдан төрт жыл бұрын, яғни 2015 жылдың 1 қыркүйегінде мектеп табалдырығын жүрексіне аттаған, кіп-кішкентай болған бүлдіршіндер қандай болды екен? Олай болса, құрметті ұстаздар, ақ пейілді ата-аналар және қонақтар сол бүлдіршіндердің тәтті де бал күндеріне көз жүгіртейік. Экранға назар аударыңыздар (слайд)

ІҢКАР:Білім бізді қызғалдақтай гүлдетті, Бастауышты тәмәмдайтын күн жетті. Қошеметпен шақырамыз ортаға, Қадам басқан шәкірттерін құрметті - дегендей, бастауыш сыныпты бітіруші түлектерімізді ортаға шақырайық! (ВАЛЬС биімен ортаға шығады)

ІҢКАР: Көз салып қараңызшы бойымызға, Ортақ боп бүгін өскен ойымызға. Қош келіпсіз ұстаздар, ата-аналар, Бастауышпен қоштасу тойымызға.

Мұғалім: Мен үшін бәрің бірдейсіңдер қарақтарым, Орындалсын арман тілек талаптарың. Ақ парақтай келдіңдер сәби болып, Ұғындым, әрбіріңді парақтадым. Өткіздік талай күнді, талай айды, Уақыт сырғып артқа қарамайды. 4 жыл бойы сендермен бірге болдым, Өткіздік талай қызық, талай жайды. Ірге тасын қаладым, білім бердім, Саналы ұл-қыздарым бүгін менің. Ортада тұрған осы шәкірттердің, Көрейік тамашалап өнерлерін!

ДИЛЬНАЗ: Армысыздар, әжелер мен аналар, Ұрпағыңыз күнде өзіңнен бата алар. Ел дәстүрін мәңгі сыйлап оқы деп, Үйреткен ғой Абай, Ыбырай бабалар. АЛЬХАМ: Армысыздар өр тұлғалы әкелер, Қыран құстай балапанын мәпелер. Бүгін міне бастауышпен қоштасады, Азамат боп, кешегі сәби-еркелер. ИМРАН: Армысың сен, алтын ұя мектебім, Саған айтар жыр алғысым көп менің. Жүректерге жаққан білім шырағым, Мектебіме арналады бұл әнім. АЗАМАТ: ӘЛІППЕмен аштым өмір есігін,Тербетемін білім бөбек бесігін.Өмір деген өрлі өзенге шомылып, Жаттап өстім ұстазымның есімін. ЖИБЕК: Есімде ерен ұстазым, Шашымнан сипап өткенің. Аянбай бізге қыс-жазы, Молынан мейір төккенің. АЙША:Арада өтсе дағы дүркіреп жыл, Әр күні балалықтай бір жүрек бұл. Өзіңе борыштармын өмір бойы, Есейген шәкірттердің серті деп біл. ҚАЙЫРЖАН:Мектебім – білім берер алтын ұям, Ер жетіп сенде сөзім, артты санам. Байлығын 4 жыл бойы ата –анамдай, Әрқашан қасиетті атың маған. АЛДИЯР: Ұстаз деген қасиетті адам бар,Біле білсең сенің екі анаң бар.Бірі сенің туған анаң болса егер,Екінші анаң ұстаз деген данаң бар. МҰСТАФА: Мектебім, алтын ұям, нұрың жарық, Жайнаттың үмітімнің гүлін жарып.Сүйкімді сенің күміс қоңырауың, Тұрады құлағымда сыңғыр қағып. МҰН

ХОР:Мектеп – кеме, білім – теңіз, Барар жолға тез жетеміз. Адаспаймыз ұлы жолда, Ұстаз берген білім қолда.

ӘН: «МЕКТЕБІМ»

НАЗЫМ:- Күндіз-түні ойладыңыз бала қамын. Тынымсыз атып жатыр әрбір таңын. Басқарып директор боп осы ұжымды Баршаны аялаған алақанын

Ажырамай мектеппен бір елі сіз, Жақсылыққа жаралған жүрегіңіз. Сөз берелік құрметпен өзіңізге, Түлектерге арналсын тілегіңіз, - дей келе білім ордамыздың басшысы Әбілғазинов Мохаммед Наскенұлынасөз беріледі.

ІҢКАР: Көңілін бар шәкірттің таба алатын, Кеуделерге намыс отын жаға алатын. Өзіңдей болса шіркін, барлық ұстаз, Жез таңдай, күміс көмей сөзі алтын, - дей келе келесі құттықтау сөз кезегі директордың оқу ісі жөніндегі меңгерушісі Тулеуова Алтын Байтенқызына беріледі.

МУЗЫКА (САХНАДАН ШЫҒУ керек)

НАЗЫМ: Мектебіміздің әнші қыздары Дильназ бен Мұнараның орындауында «ГҮЛ КӨБЕЛЕК» әнін қабыл алыңыздар.

НАЗЫМ:ҚАЗАҚ ТІЛІ пәнінен, Білім алды балалар.Сөйлемді, сөз таптарын,Етістіктің шақтарын,Жалғаулар мен жұрнақтар.Ережесін жаттадым 5-шіге барған соң, Мұғалімдер бағалар.

ІҢКАР: Ой жіберсең бәріне, ДҮНИЕТАНУ пәніне.Өмір сырын үйретер, Пәннің жақсы бірі де.Жер байлығы көп екен,Игеруді қалайды. Осының бәрін білдірген, ДҮНИЕТАНУ сабағы.

НАЗЫМ: Ортаға күйшілерді шақырамыз. «АРЫНҒАЗЫ» күйін тамашалаңыздар.

ІҢКАР: -Әр шәкіртің өз баласынан кем көрмей оқуға, жазуға үйреткен мұғалім еңбегі шексіз. «Мұғалім - мектептің жүрегі» - деп Ыбырай атамыз бекер айтпаған.

НАЗЫМ: -Иә, бұл туралы Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді» деген екен. Олай болса келесі жырымызды ұстаздарымызға арнаймыз!

(ШАР ұстап ортаға шығыды)