Бастауышым балбұлағым тәрбие сағаты, 4-сыныпқа

Бастауышым – бал бұлағым!

Мақсаты : Білімнің сара жолы бастауыштан басталатынын, бастауышта алған білімнің негіз болып қаланатынына көз жеткізу. Мектепті , ұстаздарды құрметтеп, еңбектерін бағалай білуге тәрбиелеу. Өз Отанының адал ұлы мен қызы болуға тәриелеу.

Көрнекілігі : «Шуағын төккен 4 жыл» фотомонтажы , слайдтар , гүлдер мен шарлармен сахнаны безендіру

Мұғалім : Қайырлы күн , қадірлі де құрметті ұстаздар , ата-аналар ! Бұл мерекенің негізгі мақсаты – бастауыш сыныппен қоштасу екендігі барлығымызға аян. Бүгінгі үлкен қуаныш иегерлері 4 «Ә» сынып оқушылары. Жас жүректің өмірінің құштары гүл,Бағбан – ұстаз баулыған құстары бұл,Қоштасып бүгінгі күн бастауышпен ,Сол құстардың бір тобы ұшқалы тұр.

Толқимыз , толқып тұрмыз баршамыз да,Мұндай күй болмаған шығар қаншаңызда Қол соғып қошеметпен шақырайық 4-сынып оқушыларын ортамызға. Әсем әуенмен сахна ашылады.Мұғалім : Сіздердің алдарыңызда тұрған 4- сынып оқушылары осыдан 4 жыл бұрын 6 жасар бала болса, бүгін міне, ес біліп, етек жиған шәкірт және бастауыш сынып түлектері. Армандасаң да, қиялдасаң да балалық шағың көз алдыңа келеді. Өйткені , биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да ғаламат өзгерістер сыйлаған, білім нәрімен сусындатқан , өмірде өз жолдарын табуға жол сілтеген ұстаздарына , ата-аналарына да өнерлерін көрсетуге дайын. Олай болса, кезекті түлектерге берейік.

Рабиға: Саламатсыздар ма құрметті ата-аналар !Лиана: Армысыздар , аяулы ұстаздар , ақ жаулықты аналар, ардақты әкелер !Рабиға: Қош келіпсіздер , құрметті қонақтар !Лиана: Ия, бүгін бізде қуаныш , бүгін бізде үлкен той.Рабиға: Өйткені 4 жыл бойы білім беріп, ой санамызды дамытқан , адамгершілікке, адалдыққа баулыған , қолымызға алғаш қалам ұстауды үйреткен , әріптер мен сандардың сырын ұғындырған алғашқы ұстаздарымызбен қоштаспақпыз.Лина: Қолға қалам ұстатып, Білім құйған санағаХормен : «Ол алғашқы ұстаз ғой»Аяжан : Бала шаққа болашақты жырлатып, Шәкірттерге ой түзеткен сымбатты. Күн нұрындай сәуле құйған көңілге, Армысыздар , ұстаздарым қымбатты !Жансая : Армысыздар әжелер мен аналар Ұрпағыңыз күнде өзіңнен бата алар. Ел дәстүрін мәңгі сыйлап оқы деп, Үйреткен ғой Абай, Ыбырай бабалар Димаш : Армысың сен, алтын ұя мектебім Саған айтар жыр – алғысым көп менің Жүректерге жаққан білім шырағын, Мектебіме арналады бұл әнім !

Лиана: Дұрыс айтасың Димаш! Бұл мектептен қаншама адам тәлім алған десеңші . Менің атам да , әжем де, әкем де, анам да, енді мен де мектептен тәлім алудамын.Рабиға: Ия , мектебімізге қандай жыр арнасаң да жарасады. Ендеше сыныптарымыздың мектепке арнаған жырларын тыңдайық.Аслан: Әлі есімде мектепке алғаш келгеніміз Ұстаздарды ең алғаш көргеніміз Жасқаншақтап тосырқап тұрған шақта Өзің болдың ұстазым сенгенімізДинис: Мектебіміз осы ма ? -деп Жиырма жеті шәкірт келіпті. Жылы жүзді ұстазын Алғаш рет көріпті. Болашағы нұрлы деп Ата-аналар сеніпті.

Мирас: Оң иығына Алтынбектің отырып, Оң қолында жез қоңырау соғылып Жадырадай шәкірт келді мектепке Тұлым шашы , ақ бантигі желбірепАқниет: Кітап, қалам қолға алдық Бір сыныпқа жиналдық. Ажырамай арамыз Болашаққа барамыз.Ұлдана: Мектеп деген білім кені , жыр кені , Мектеп деген ғылымның ең үлкені. Мектеп деген тәрбиеші адамға Мектеп деген даналардың мекен.

Абылай: Ұлылықты ардақ тұтар үнемі, Атын ұя, ақ босаға киелі. Қанат қаққан білім алып өзіңнен , Күллі шәкірт саған басын иеді.Аружан: Мектебім, алтын ұям, нұрың жарық, Жайнаттың үмітімнің гүлін жарып. Сүйкімді сенің күміс қоңырауың , Тұрады құлағымда сыңғыр қағып. Бексұлтан: Мектеп - үйім , ұстазым , менің ата-анам, Сенен өсіп, сенен ғана нәр аламын. Саяң ыстық , сен мәуелі бәйтерек Тамырланып , сан тарапқа тараған.

Ақнұр: Мектеп – кеме, білім – теңіз, Барар жерге тез жетеміз. Төрт жыл алған білім нәрін , Азық етіп ер жетеміз.

Рабиға: «Ұстаздық еткен жалықпас үйретуден балаға» , - деп Абай атамыз айтқандай, алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып, білім нәрімен сусындатқан , мектептегі анамыз – ұстаз екені бәрімізге мәлім. Балалардың ұстазға арнаған ән-жырларын айтпас бұрын, ұстаз туралы не айтар едің Жадыра ?Лиана: Әр шәкіртін өз баласынан кем көрмей, оқуға, жазуға үйреткен мұғалім еңбегі шексіз. «Мұғалім – мектептің жүрегі» - деп Ыбырай атамыз бекер айтпаған.Рабиға: Дұрыс айтасың Жадыра, ғылым иесі ғалым да, ел қорғаған батыр да, тілінен бал тамған ақын да , тегеуріні темір балқытқан жұмысшы да , көкті шарлаған ғарышкер де , бәрі-бәрі ұстаздан білім мен тәрбие алған.Лиана: Ия , бұл туралы батыр Бауыржан атамыз : «Болашақтың басшысын да , данасын да , ғалымын да, еңбекқор егіншісін де, кеншісін де ұстаз өсіреді» деген екен.Олай болса, келесі жырларымызды ұстаздарымызға арнаймыз.

Мадина: Алғашқы ұстазымыз анамызбен тең келеді, Бар асылын бізге жиып, мол береді. Қанатымен су себелеп асыл жан Әр шәкіртін баласынан кем көрмейді.

Тәукехан: Тек үйреттің әділдікті , адалдықты, Жирендік, ажыраттық жамандықты. Жалғастырар ақ жолың сенің салған, Бар деп ұққын әрқашан балаң мықты.

Балнұр: Қоңыр үнді даусың әсем таңдардай, Ұстазымның жүзіндегі нұр қандай ! Мейірлене қарап қойып біздерге Күн астынан сабақ беріп тұрғандай.Айдарбек : Ұстазым ! Ұстазым өзің едің асқақ әнім Басталған ақ батаңнан жас талабым. Ұғындым ұлылықтың , даналықтың Ұстаздың ұлағатынан басталарын. Сымбат: Нұр құйған санасына зейіндінің Нұрлы шам сәулесіндей мейірімің. Дарыттың адамдықты шәкіртіңе , Дамыттың дарын отын бейімдінің.

Бәрі : Мың алғыс сізге біздей түлектерден, Мың алғыс мына отты жүректерден !Лиана: Жетекші боп жүрдіңіз түлегіңе Біздерді ойлап көңіліңіз жүдеді де, Шәкірттер тыңдаңыздар ұстаз сөзін Сіздерге арнап айтатын тілегін де – дей отырып сөз кезегін ұстаздарымызға береміз ! Сөз кезегі ұстаздарда.Рабиға: Олай болса шәкірттерінің ұстаздарына арналған «Ұстазым» әнін қабыл алыңыздар. Ән : Ұстазым .Лиана: Біздің жамандығымызды жасырып, жақсылығымызды асырып жүрген біздің ата-анамыз. Қатарымыздың теңі болып, тамағымыз тоқ, көйлегіміздің көк болып жүруі де сол кісілердің арқасы .

Аслан: Әкешім тілеуімді тілеп жүрген, Аумайсың жарығы мол ашық күннен. Шаршайсың жұмыс істеп біздер үшін Ақылды балаларың оны білген. Рабиға: Әр ана өз баласын мейірімді болса екен, жақсы оқып, елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген. Аоайда ардақты анамыздың ақ сүтін ақтай білгенге не жетсін !

Лиана: Ия , дұрыс айтасың Рабиға. Біз болашақта саналы да , ақылды бала болып өссек ананың арманы орындалды деген осы емес пе ?Аяжан: Дүниеге әкелген ол да сенің анашың , Ақ сүт беріп өсірген ол да сенің анашың. Тіл алмасаң кешірген ол да сенің анашың , Мәпелеген баласын аман болсын анашым ! Рабиға: Осындай ана туралы жыр жолдарынан кейін ата-аналарымызға сөз кезегін береміз. Сөз кезегін ата-аналарға береміз.

Лиана: Осыдан 4 жыл бұрын біз 6 жастағы сәби балалар сөмкемізді зорға көтеріп, мектеп табалдырығын жасқана аттаған едік.Рабиға: Енді міне сауатымызды ашып, білім негізін қалаған бастауыш сыныппен қоштасып, орта буын қатарына қосылғалы тұрмыз.

Лиана: Ендеше бастауыш сыныбымыз туралы неге айтпасқа !

Димаш: Кітап қалам қолға алдық Бір сыныпқа жиналдық. Ажырамай арамыз Болашаққа барамыз.

Мадина: Жасқана кіріп жарық сыныпқа біз , Әр бетін Әліппенің күле ашқанбыз. Мұғалім сабақ өтіп жатқан кезде, Қайталап атымызды сұрасқанбыз.

Жансая: Әр үйдің ерке өскен тентегі едік, Ақылға келе алмадық ерте көніп. Бойымыз бірте-бірте үйренісіп, Мектептің ережесін үйрендік біз.

Мирас: Бастауышым – бал бұлағым , Алдым сенен балдың дәмін. Әріп танып, білім алып Рахметімді жаудырамын

Мадина: Бастауышым – балбұлағым , Лаулап жанған шам шырағым. Өзің берген біліміңмен , Самғап ұшар тау қыраның.Хормен Ән «Бақытты балалық шақ»Аяжан: Біздер бастауышта жоғары сыныптарда өтілетін әдебиет, тарих, биология, алгебра, физика , химия , т.б. пәндерге негіз болатын ана тілі, математика, дүниетану, орыс тілі пәндерін зер салып үйрендік.