Бастауышым – балбұлағым тәрбие сағаты 4 сыныпқа

Мектеп : Теміртау қаласы №15 қазақ мектеп –гимназиясы

Бастауыш сынып мұғалімі:Абзалбекова Б.Б

Тақырыбы: «Бастауышым-Балбұлағым»

Сабақтың мақсаттары: Білімнің сара жолы мектептен басталатынын, білімнің кең дүниеде өмірге есік ашатынын сезіндіру. Білімге деген құштарлығын арттыру, оқуға, білімді болуға шақыру. Мектепті яғни, білім ордасын, ұстаздарын құрметтеп, еңбекті бағалай білуге тәрбиелеу. Ата-анасының, Отанының адал ұл-қызы болуға жетелеу, тәрбиелеу. Ақыл, ой өрісін дамыту.

Көрнекілігі: жазылған сөздер:

«Бастауышым- балбұлағым» - тақырып.

«Білім кілті – бастауышта» - слайд тақырыбы.

«Қына тасқа бітеді,

Білім басқа бітеді.»

«Оқусыз – білім жоқ,

Білімсіз – күнің жоқ»

«Оқу- білім бұлағы,

Білім- өмір шырағы.»

Мұғалімнің кіріспе сөзі:

Құрметті ата- аналар, ұстаздар, оқушылар!

Сіздер «Бастауышым – балбұлағым» атты бастауышпен қоштасу кешіне жиналып отырсыздар. Қадамдарыңыз құтты болсын! Алдарыңызда тұрған балалар осыдан 4 жыл бұрын мектеп табалдырығын жүрексіне аттаған кіп-кішкентай балдырғандар еді. Енді, міне, бойлары да, ойлары да өсіп, бастауыш сыныпта білім алып, аяқтап, жоғарғы сыныпқа өткелі отыр. «Талаптарына нұр жаусын» деп ертеңгіліктерін ашуға рұқсат етіңіздер.

Толқимыз, толқып тұрсыз баршаңыз да,

Мұндай күй болған сірә қаншаңызда.

Қол соғып, қошеметтеп шақырайық,

4-ші сыныпты ортамызға.

1- бастаушы: : Армысыздар, мұғалімдер, әз жандар!

Білім іздеп инемен құдық қазғандар.

Сан ұрпақты тәрбиелеп оқытқан.

Өмір деген үлкен жолда тарландар.

Бүгін міне, қоштасады бастауышпен балбұлақ

Әніменен жырына тарландарым сал құлақ.

Кеше сәби, бүгін міне, жас ұлан.

Лаулап жансын болашағың шамшырақ

«Күміс құмған-ай» 1хор

Бүгін біздің мектепте той мерекеміз-ай!

Қошеметтеп құрметтеп қол соғыңыз-ай!

Есептерді шемішкедей біз шағамыз-ай!

Бастауышты меңгердік бастан аяқ-ай!

ҚАЙЫРМАСЫ:

Сабағымыз-ай, бастауышым-ай!

Әріптермен таныстық әліппеден-ай!

Ұстазымыз-ай!, жанашырым-ай!

Тірек болып сіз бізге жүріңізші-ай!

Сәлем бердік, біз сіздерге иіліп бір-ай!

Шын жүректен той думанды қабылдаңыз-ай!

Өнерліміз, сіздерге тарту етер-ай!

Би билейміз,ән айтып бүгін біздер-ай!

2- бастаушы:

Қош келіпсіз, ақ жаулықты аналар,

Жүздеріңнен мейіріммен нұр тамар.

Алдарыңызда жауқазындай құлпырған

Біз алаңсыз балғын шақты балалар.

Қош келіпсіз,өр тұлғалы әкелер,

Қыран құстай болашағын мәпелер.

Бүгін міне, бастауышпен қоштасады

Азамат боп, кешегі сәби-еркелер.

Күз кезінде алғаш мектеп табалдырығын аттаған бүлдіршіндеріміз ,бүгін міне, азамат болғанын көрініздер

Ән «Жау, жаңбыр»Береке

«Білім кілті – бастауышта» атты- слайд

Слайд жүріп тұрады

1- бастаушыАлғаш мектеп табалдырығын аттаған күннен бастап,әліппемен қоштасу,дәстүрлі наурыз тойлары,аналар мерекесіне арналған ән шашулар,жаңа-жыл мерекесі,түрлі сайыстар,әдеби кештер,ашық сабақтар мен тәрбие сағаттары біздің есімізде мәңгі сақталары сөзсіз.

1-оқушы: Есімде ұстаздың алғаш қарсы алғаны

Айқара есік ашып тастағаны

Бір мереке думан боп осы маңда

Жетелеп бір сыныпқа алып барғаны.

Енді міне, сағымдай боп өте шықты

4 жыл уақыт аз ба екен, кім біліпті,

Ұстаз ана жасады мына бізден

Ел таңғалар азамат бір-бір мықты.

2-оқушы:

Үйретіп бізге алғаш әліппені,

Ұстазым ғылымға жол салып берді.

Адамның ой-арманы мақсаттары,

Оқудың сәулесімен жарық көрді.

3-оқушы:

Өмірге жол бір өзіңнен бастадым,

Алфавитті алғаш сенен жаттадым.

Ұстаз- ана естен кетпес мәңгілік,

Мейіріммен жаурынымнан қаққаның.

4-оқушы:

Жүзің жылы, құшағың кең

Сенен түлеп ұшамын мен.

Өзің берген біліміңмен

Биіктерге шығамын мен.

5-оқушы:

Ақылшы асыл ұстазым

Өзіңе мен де ұқсармын.

Жеткенше қайрат күш-әлім

Биікке самғап ұшармын.

Хор Үйретеді

1-бастаушы: «Ұстаз!» Осы бір сөздің өзінде қаншама мән мағына, қасиетті ұғым жатыр. Ұстаз алдынан өтпейтін ешкім жоқ. «Жақсы мұғалім – мектептің жүрегі» - деген Ы.Алтынсарин атамыз. Жүрексіз өмір болмаса, мұғалімсіз білімнің, тәрбиенің іске аспайтыны белгілі, небір данышпан адамдар, қарапайым еңбеккерлер, тіпті арман қуған жеткіншектер де бірі бір адамға қарыздар. Ол – ұстаз! Ұстазсыз өмірдің нақты тұтқасын ұстау мүмкін емес. Адамды тәрбиелеп оны адамзат атандырудың өзі бір үлкен күш, сондықтан да ұстаздың еңбегі – ұлы еңбек.

6- оқушы:

Оқындар ұл-қыздар деп,

Күлімдеген, ұстаздар.

Ән арнадық, арнайы,

Тағзым ете, ұстазға!

7-оқушы:

Байсалды мінезіңнен бір қалыпты,

Менің де көкейімде із қалыпты.

Ұстаттың қағаз, қалам қолыма өзің

Ерінбей үйреттің де әр әріпті .

Қоссаңдар бірді екіге үш болады-

Деуші едің,-біліммен күш толады.

Алғыр бол, әдепті бол, сабырлы бол

Ақылмен іс істесең іс болады.

8-оқушы Беруші еді бізге айтып өлең, тақпақ

Таласып алушы едік біздер жаттап

Өзіңіз баға қойған күнделікті

Жоғалтпай өмір бойы жүрем сақтап.

Әлі есімде мектепке алғаш барғаным

Өз қолыммен «Әліппені» алғаным.

Санай ашып «Әліппенің» парағын

Әріптерге үнсіз ұзақ қарадым.

9- оқушы:

Мектеп, мектеп – ашық жарқын көңілім

Мектеп, мектеп – шаттық толы өмірім

Мектеп, мектеп, әнім болып төгілдің,

Мектеп, мектеп, жан анам боп көріндің. :

10-оқушы Армысың сен, алтын ұя мектебім

Саған айтар жыр – алғысым көп менің

Жүректерге жаққан білім шырағын,

Мектебіме арналады бұл әнім !