Бастауышым балбұлағым тәрбие сағатының жоспары

БАСТАУЫШЫМ - БАЛБҰЛАҒЫМ (Бастауыш сыныппен қоштасу кешінің, сценарийі) Мақсаты:

1.Білімнің сара жолы бастауышта басталатынын, бастауышта алған білімнің негіз болып қалатынына көз жеткізу. 2. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін таныта отырып, сәт-сапар тілеу. Білім берер ордасы – мектепті ұстаздарын құрметтеп, білімге деген құштарлығын арттыру.

3.Өз Отанының адал ұлы мен қызы болуға тәрбиелеу.

Мұғалімнің кіріспе сөзі: Қош келіпсіздер, құрметті ата-аналар, қымбатты әріптестер, қадірлі қонақтар! Бүгінгі күн осында отырған бәріміз үшін ерекше күн, оның ерекшелігі сол – 4 жыл бұрын мектеп табалдырығын жүрексіне аттаған кіпкішкентай балғындар еді. Енді, міне, бойлары да, ойлары да өсіп, бастауыш білім сатысынан орта буынға ұшқалы отыр. Бесіктегі баланың, күлгенін көрген бір мұрат. Алдына түсіп ананың, жүргенін көрген бір мұрат, - дегендей, бұл да бір қуанышты күн. Мұғалімнің сөзі:

Армандасаң да, қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне бүгін біздің бүлдіршіндер өміріне өшпес із қалдырған бастауыш сыныбымен қоштасып бір жылға тағы да есейгелі отыр. Ендеше қызықты да, ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына өз өнерлерін көрсетуге дайын.

Ендеше осы шәкірттерімізді ортаға шақырайық.

( Қоңыраудың соғылған әуенімен оқушылар сыныпқа кіреді. Мұғалім «Тарыдай боп кіреміз,

Таудай ьолып шығамыз»,-деп тары шашып тұрады)

Ән: «Алғашқы қоңырау соғылды»

Мұғалім: Той бүгін -кең сарайда шалқып тасқан Той бүгін- жұрт жиналып шашу шашқан, Той бүгін- шат өмірді күйге бөлеп, Би билеп, асқақтатып әнге қосқан. Бұл тойда жан табылмас тасымаған, Ақ сәуле әрбір тұстан шашыраған, Жұпарлы гүлге оранған осы тойдың Иелері- Аяулы шәкірттерім- ұл-қыздарым!

1-жүргізуші: Жанэль

Армысыздар, мұғалімдер - әз жандар Білім іздеп инемен құдық қазғандар. Құшақ жая қарсы аламыз сіздерді Би билеп, ән де бүгін шырқалар.

2-жүргізуші: Индира

Қош келдіңіздер ақ жаулықты аналар, Жүздеріңнен мейірім мен нұр тамар Алдарыңда жауқазындай құлпырған Біз алаңсыз балғын шақты балдырған.

1-оқушы: Әбілсейіт

Жиналыппыз сәтті күні бәріміз де, Үлкен, кіші жасымыз, кәріміз де. Төрлетіңіз қадірменді конақтар, Гүл-гүл жайнап, бүгінгі сәніңізбен.

2-оқушы: Мерей

Қоштасу тойын бастайық, Ән мен биге басайық. Өнерімізді көрсетіп, Құрметіне бұл тойдың. Ән мен шашу шашайық.

1-жүгізуші: Жанэль

Ән: «Мектебім»

3-оқушы: Темірлан

Шаттанамын мен бүгін шаттанамын, Ғылым сырын түсіндім, мақтанамын. Осы сырды үйреткен бастауышым, Түстей болып, міне бүгін артта қалдың.

4-оқушы: Диас

Білімнің қайнар бұлағы. Өнердің жарық шырағы. Тұрағы өзің, мектебім.

5-оқушы: Эльмира

Мектебімде шырқалмаған жыр бар ма? Мектебімде айтылмаған сыр бар ма? Мектебімде алаулаған жас жалын. Кетер мәңгі сөнбей талай жылдарға.

6-оқушы: Абуали

Өтті оқу, сан сабақ, Бүгін үлкен салтанат. Оқулықпен достасып, Бастауышпен қоштаспақ

7-оқушы: Айбек

Есігіңді ашқан балаңа, Құшақ жайдың мектебім сен қуана. Сол бір сәтті мәңгі ұмыта алам ба, Сенен артық дүниені табам ба?

8-оқушы: Темірлан

Мектебім – мәңгі бапкерім Қарызбыз саған бәріміз Өзіңе деген парызды, Ақтаймыз талай әлі біз.

9-оқушы: Аруай

Білім деген байлық бар, Еш байлық оған жетпейді. Жасыңда оқып, жиып ал. Тепкілесең кетпейді. Өртіңе де күймейді, Ұрылар да тимейді Жатып ішер жамбастап, Жалқауды ол сүймейді

2-жұргізуші: Индира

Айдында аққудай сылаңдаған Біреулер күй, біреулер жыр арнаған Шықсын енді ортаға биші қыздар Тал шыбықтай иіліп мың бұралған. Би: «Ләйлім шырақ»

(Мерей)

10-оқушы: Алдияр

Әріптерді үйретіп, Жақын болған кім бізге? Жамандықтан жиреніп, Ақын болған кім бізге? Десек, ол жан - мұғалім Қапастағы елдердің Мұңын айтқан кім бізге? Көрікті сан жерлердің, Сырын айтқан кім бізге? Рахмет, саған мұғалім!

11-оқушы: Әбілсейіт

Как найти слова достойные?

Как сказать без лишных фраз?

Что мы очень благодарны вам!

Что мы очень дюбим вас!

12-оқушы: Олжас

Айм хаппи ю а май тиче

Санкс фор олл ю ду

Ю мэйк леонинг изи

Ио лессынс ар фан, ту!