Бауырсақ ертегісі бойынша қуыршақ театры ашық сабағы

БҚО, Орал қаласы

МГУ «Капанов» «Салтанат» балабақшасы

Тәрбиеші: Кемешова Гульнара

Қуыршақ театры: «Бауырсақ ертегісі»

Мақсаты:

Балалардың «Бауырсақ» ертегісін қуыршақ театры арқылы көрсету арқылы қызығушылығын ояту;

Балаларға ертегідей жұптаса орындату барысын сөйлеу арқылы, тілдік қорларын, ойлау қиялдарын есте сақтау қабілеттерін дамыту;

Балалардың рольдерді ойнауға, еңбекқорлыққа, достыққа, кішіпейілдікке, мейірімділікке тәрбиелеу;

Қажетті көрнекі құралдар: үнтаспа, «Бауырсақ» ертегі кейіпкерлерінің қуыршақ бейнелері, ширма

Залға музыка әуенімен Сайқымазақ кіреді.

Сайқымазақ: - Сәлеметсіздер ме, балалар! Бүгін, мен сендермен ертегі тамашалауға келдім. Сендер қандай ертегілерді білесіңдер?(балалар жауабы)

Сайқымазақ: Балалар, экранға назар аударайықшы, мұнда қандай ертегі бейнеленген? (слайдпен «Бауырсақ» ертегісі). Енді, осы ертегінің сахналау көрінісін тамашалайық.

Ертеде бір Шал мен Кемпір болыпты. Бір күні шал кемпіріне:

-Кемпір, кемпір, қапта ұн болса бауырсақ пісіршейші-дейді. Кемпір қаптың түбін қағып, одан шыққан азғана ұннан қаймаққа нан илеп, майға қуырып бауырсақ пісіріпті. Оны терезенің алдына суытып қойыпты.

Бауырсақ терезе алдында тұрып-тұрып шаршап кетеді де, домалай жөнеледі. Домалап келіп терезе алдындағы орындыққа, орындықтан еденге, еденнен дәлізге, дәлізден аулаға, ауладан сыртқа, одан әрі, одан әрі домалай береді, домалай береді.

Бір кезде оған Қоян жолығып:

- Бауырсақ, Бауырсақ! Қайдан келесің? Менің қарным ашып тұр, мен сені жеймін! – дейді.

- Қоян, сен мені жемеші. Мен саған өлең айтып беремін: «Менің атым Бауырсақ, Бауырсақ! Қаймаққа иленгем, майға пісірілгем, терезеде суығам. Ұстатпай кеттім Атама, ұстатпай кеттім Әжеме. Ұстатпаймын Қоян саған да!»- деп бауырсақ домалай жөнеледі.

Содан Бауырсақ қара жолмен домалап келе жатып, Қасқырға кездеседі.

Оның да жегісі келеді.

- Бауырсақ, Бауырсақ! Қайдан келесің? Менің қарным ашып тұр, мен сені жеймін! – дейді.

- Қасеке, сен мені жемеші. Мен саған өлең айтып беремін: «Менің атым Бауырсақ, Бауырсақ! Қаймаққа иленгем, майға пісірілгем, терезеде суығам. Ұстатпай кеттім Атама, ұстатпай кеттім Әжеме. ұстатпай кеттім қоянға, ұстатпаймын Қасқыр саған да!»- деп бауырсақ домалай жөнеледі.

Бауырсақ домалап келе жатып Аюға жолығады:

- Бауырсақ, Бауырсақ! Мен сені жеймін! – дейді ол.