Бауырсақ ертегісі желісіндегі ашық сабақ, балабақша

Ұйымдастырылған оқу қызметінің технологиялық конспектісі

Тәрбиеші: Ұ. К. Омарова

Білім беру саласы: Шығармашылық, таным

Бөлімі: Көркем әдебиет, аппликация

Тақырыбы: «Бауырсақ»

Мақсаты: Ертегі мазмұнын тыңдауға, желіммен жұмыс істей білуге үйрету.

Білімділік міндеті: Балаларды ертегінің мазмұнымен таныстыру. Сұрақтарға толығымен жауап беруге үйрету. Желімді пайдалана отырып, жапсыруды үйретуді жалғастыру.

Дамытушылық міндеті: Балалардың ертегіге деген қызығушылығын арттыру, ертегіні тыңдай отырып сөздік қорын молайту. Саусақтың ұсақ бұлшық еттерін, шығармашылық ойын дамыту. Жұмысты соңына дейін бітіруге дағыдыландыру.

Тәрбиелік міндеті: Балаларды адамгершілікке, адалдыққа, бірін – бірі сыйлауға, тыңдауға тәрбиелеу.

Қолданылатын көрнекіліктер: «Бауырсақ» ертегсінің суреті, желім, сулық, үлестірмелі материалдар.

Сөздік жұмыс: домалау

Билингвальді компонент: бауырсақ-колобок, дөңгелек-круг.

Оқу қызметінің кезеңі

Тәрбиешінің іс-әрекеті

Мотивациялық

қозғаушылық

Шаттық шеңбері

Арайлап таң атты.

Алтын сауле таратты,

Жарқырайды күніміз

Жарқырайды даламыз.

Қайырлы таң балалар!

Қайырлы күн қонақтар

Орындарына жайғасады.

Тәрбиеші балаларға сұрақтар қояды.

- Қазір жылдың қай мезгілі?

-Көктемде қандай өзгерістер болады?

-Құстар қай жақтан ұшып келеді?

Ұйымдастырушылық

кезең

Тосын сәт: Сиқырлы дорбадан көбелек ұшып шығады,балалармен сәлемдесіп,балаларға жұмбақ жасырады:

Жұмбақ жасыру

Атасынан қашыты,

Апасынан қашты,

Өзі сары дөңгелек

Кездесіпті түлкіге

Жоқ боп кеттіпті бір күн де?

Шешуі: Буаырсақ

Тәрбиеші балаларға ризашылығын білдіреді.

-Балалар, мен сендерге бауырсақ ертегісін айтып берейін,мұқият назар салып тыңдаңдар.

Үстелде қуыршақ театырындағы бауырсақ кейіпкерленін қолданып балаларға бауырсақ ертегісін сахналаймын.

Сергіту сәті

Нан ұсағын шашпаңдар.

Жерде жатса баспаңдар.

Теріп алып қастерлеп

Торғайларға тастаңдар

Есік қағылып әжей кіреді:

Әжей:Сәлеметсіңдер ме, балалар!

Балалар әжемен амандасады.

Тәрбиеші:Әже неге көңілсізсіз?

Әже:Менің бауырсағымды түлкі жеп қойды соған көңілсізбін.

Тәрбиеші:Сіз мұңаймаңыз біздің балалар сізге бауырсақ жасап береді.

Балалар бауырсақты жасау үшін мұқият назар салып тыңдаңдар.

Үлестірмелі материялдарға назарларын аударады,жұмыстың орындалу ретін түсіндіреді.

-Жасыл түсті қағазға дөңгелеп қиылған сары түсті қағазды желімен жағып жабыстырады,үстінен саусақтарымен басып түзетеді.

Әже қуанып балаларға сыйлық береді де қоштасып қайтып кетеді.

Рефлексиялық түзетушілік

Тәрбиеші оқу қызметіне қатысқан балаларды мадақтайды.

Қоштасу рәсімі

Аяқталды ертегіміз,

Сәтті болды күніміз!

Сау болыңдар балалар!