Бауырсақтың саяхаты бойынша ересек топ конспектісі

ШҚО білім басқармасы Өскемен қаласы бойынша білім бөлімінің

«№100 балабақша-бөбекжайы» КМҚК

Бауырсақтың саяхаты

Ашық ұйымдастырылған іс әрекет

№3 «Балдаурен» ( 4 жастан) ересектер тобы

Тәрбиешісі: Гульнази Алимхановна Садыкова

Өскемен қаласы

2022 жыл

ШҚО білім басқармасы Өскемен қаласы бойынша білім бөлімінің

«№100 балабақша-бөбекжайы» КМҚК

ГУЛЬНАЗИ АЛИМХАНОВНА САДЫКОВА

Ұйысдастырылған іс- әрекет

Тақырыбы: Бауырсақтың саяхаты.

ҰІӘ мақсаты: Бауырсақ ертегісін сахналай отырып , мәдени- гигиеналық дағдыларды; тамақ алдында , ұйқыдан соң, дәретханадан шыққанда, ластанған кезде жуыну керек екенін білу, денсаулық сақтау үшін гигиеналық шаралардың, қимыл- қозғалыстың маңызды екенін түсіну, көше тәртібін сақтай білуге ынталандыру.

Денсаулықтарын сақтап, нығайтуда өз- өзіне қызмет ете білу дағдыларын дамыту.

Күтілетін нәтиже: Бауырсақ ертегісін сахналай отырып , мәдени- гигиеналық дағдыларды; тамақ алдында , ұйқыдан соң, дәретханадан шыққанда, ластанған кезде жуыну керек екенін білежді, денсаулық сақтау үшін гигиеналық шаралардың, қимыл- қозғалыстың маңызды екенін түсінеді, көше тәртібін сақтайды.

Денсаулықтарын сақтап, нығайтуда өз- өзіне қызмет ете білу дағдылары дамыған.

Әдіс- тәсілдер: Әңгімелесу,ашық сұрақтар, сахналау, мнемотаблица, жұмбақ шешу, «Айна» әдісі- жұптық бағалау, АКТ

Көрнекіліктер: Сәйкес бұйымдармен, суреттермен, мнетаблицамен жабдықталған «Тазалық», «Тіс», «Бал», «Бағдаршам» орталықтары, ертегі кейіпкерлерінің бетперделері.

Алдын- ала жұмыс: Ертегі кейіпкерлері болатын балалармен сөздерін , тіс күтімі, бағдаршам жайында тақпақтар жаттату.

Психологиялық ахуал:

Шаттық шеңбері:

Картотека 10-45

Достарды біз қолдаймыз

Қиын шақта қорғаймыз

Біздің топта ұл-қыздар

Тату-тәтті ойнаймыз!

Ашық сұрақтар:

Қазір жылдың қай мезгілі? (- Қазір қүз мезгілі.)

Күз мезгілінің табиғат ерекшеліктері қандай?

(- Күн суытады.

Жапырақтар сарғайып, түсіп қалады.

Құстар жылы жаққа ұшып кетеді.

Жеміс- жидектер піседі.

Адамдар жылы киімдерін кие бастайды.)

Адамдар неге жылы киімдерін киеді?

(-Тоңып қалмас үшін.

-Тоңып қалса ауырып қалады.

-Адамдар ауа- райына сай киіну керек.)

- Балалар мен бүгін бақшаға келе жатып мына әдемі сандықшаны тауып алдым. Сиқырлы сандық сияқты. Ішінде не бар екен? Ашып көрейік пе?

(Ашып, ішінен бауырсақ (жұмсақ ойыншық) шығады.)

- Балалар, біз бүгін «Бауырсақ» ертегісін сахналап, түрлі тапсырмалар орындайтын боламыз. Ендеше ертегімізді бастайық.

Ертегіші қыз: Ерте, ерте ертеде ата мен апа өмір сүріпті. Ата апаға «Маған бауырсақ пісіріп берші» -депті. Апа бауырсақ пісіріпті. Оны суысын деп терезе алдына қойыпты. Бауырсақ терезеден түсіп, орманға қашып кетіпті.

Бауырсақ болған бала орманда келе жатады. Алдынан қоян шығады да, оны ұстап алады.

Қоян: -Бауырсақ мен сені жеймін.

Бауырсақ: - Қоян сен неге кір қожалақсың?

Қоян: - Бетімді, қолымды жумай ұмытып кетіппін.

Бауырсақ: - Олай болмайды. Тазалықты сақтау керек.

Тәрбиеші: -Балалар, біз тазалықты қалай сақтау керектігін айтайық.

Тазалықты сақтау үшін не керек?

«Тазалық» орталығындағы балалар: (Арнайы ұйымдастырылған тазалық бұрышына келіп тазалық ты қалай сақтау керектігін және қандай заттар керектігін айтады)

(- Тазалықты сақтау үшін жуыну керек. Жуыну үшін су, сабын, жөке, су сабын, сүлгі керек.)

Тәрбиеші: -Дұрыс айтасыңдар. Енді жұмбақтар шешейік.

Мөлдір, таза тұнықпын,

Сылдыраймын, сыңғырлап.

Қане тапшы балақай,

Ең қажетті мен ( Сумын )

Судан қорқамын,

Менен кір қорқады. (Сабын )

Мен керекпін әрдайым,

Дос боламын бәрімен.

Су болған денені,

Құрғақ етем бір сәтте. ( Сүлгі )

Қоян: - Рахмет бауырсақ, Сенімен дос боламын. Үнемі жуынып жүремін.

Бауырсақ ары қарай саяхатын жалғастырады, алдынан қасқыр шығады.

Қасқыр: - Бауырсақ мен сені жеймін.

Бауырсақ: - Қасеке неге бүкірейіп, жүдеп кеткенсіз. Бір жеріңіз ауыра ма? Әлсіз көрінесіз. (Қасқыр күмілжіп, үндемейді)

Бауырсақ: - Қасекеге жаттығу түрлерін көрсетейік.

- Дұрыс ендеше бірнеше жаттығу түрлерін көрсетіп, өзімізде сергіп алайық.

Сергіту сәті:

4-5 спорт бұйымдары мен кезекпен жаттығулар жасату(музыкамен)

Қасқыр: - Бауырсақ мен бір сергіп, көңілім көтеріліп қалдым. Спортпен үнемі шұғылданып, түзү жүретін боламын. Рахмет саған, сенімен дос боламын.

Бауырсақ әрі қарай келе жатып аюға кездеседі.