Бауыржан Момышұлы туралы бастауыш сынып материалы

Сабақтың тақырыбы: Аты аңызға айналған Азамат.

Сабақтың мақсаттары: балаларға аты аңызға айналған Ұлы Отан соғысының даңқты қаһарманы, гвардия полковнигі Бауыржан Момышұлының азаматтық ерлік істерін таныстыру. Бауыржан атаның сонау жастық шағынан бері Ұлы Отан соғысының отты жылдарынан бастап бейбіт күндегі ұлағатты өмір жолын шынайы фактілер аясында қызғылықты баяндау. Отанын сұюге баули отырып, ерлік, батырлық сезімдеріне әсер ету.

Сабақтың дивизі: Ат басына күн туса, ауыздықпен су ішер.

Ер басына күн туса, етігімен су кешер.

Сабақтың өту-әдісі:

Сабақтың барысы: Ұйымдастыру.

Шәкірттік кезеңінен естелік.

Бауыржан атаның майдан жылдарынан.

Ер балалар Отан қорғауға дайын ба?

Нақыл сөздері.

Қорытындылау.

Шәкірттік кезеңінен естелік.

Мұғалім: Асылы туған жер мен оның дүниеге әкелген ұлы перзенттерінің арасында ақылмен емес, сезіммен ғана түсінуге болатын бір құпия байланыс болады-ау. Балалар өздерің білетіндей аты аңызға айналған батыр ел жадында мәңгі жатталып қалған даңқты қолбасшы, халқымыздың қыран мінезді айбынды перзенті, дүниеге екі келмес біртуар биік тұлға, жастардың ұлағатты ұстазы, көрнекті жазушы Бауыржан Момышұлының өзіне ғана тән көп қырлы қайталанбас асыл бейнесі ұрпақтан ұрпаққа жетіп, асқарлана, ажарлана түспек.

1-оқушы: Бауыржан атамыздың шәкірт кезінен үзінді. - 7- сыныпта оқып жүргенімде сурет пәнінен Гольберг деген мұғалім болып келді. Бәрімізді көзімен шолып, біраз үндемей тұрды да: «Мен суретші емеспін», бірақ сендерді суреттің біраз сырымен таныстырамын. Мен сызушымын, сыза білген адам сурет сала біледі. Сендерден ертең суретші шыға ма, шықпай ма, оны айта алмаймын. Бәріңді сызуға үйретемін.

Тақтаға профиль сызуды көрсете бастады. «Менің профилмді қайсың қалай салар екенсіңдер, көрейік», - деп орындыққа қырынан отыра кетті. – Асықпаңыздар бір сағат уақытымыз бар. Мен жалықпаймын,- деп отырып алды. Бәріміз көзіміздің астымен қарап қысылып барамыз.(Баукең шәкірт күнін есіне алғанына қуанғандай анда-санда езу тарта жымиып қояды)

Қоңырау соғылып салған суретімізді жинап әкетті. Бір аптадан соң дәптерімізді алып келді.

Бәріңнің салғаныңнан Бауыржанның салған суреті маған ұнады. Ол менің мұрнымның дөңесін, шашымның бұйралығын дұрыс байқапты. Ал мұрнымның ұшының сүйірлігі мен мойнымның ұзындығын салуда қателесіпті, - деді.

Жарайды, бұған да рахмет. Әлі алда үйренетін боласыңдар. Үш ай сабақ беріп ауысып кетті. Менің жақсы суретші, сызушы атануым – Гольбергтен үйренгенім, әйтпесе, суретшілер училещесін бітіргенім жоқ қой. Күре тамырым осы кісіде жатыр.

2-оқушы: Бізге арифметикадан, геометриядан қазақшаны судай білетін сафронов деген мұғалім сабақ берді. Мен математика мен географияны жақсы оқыдым. Ол кісінің әрбір сабағы қызықты өтетін.

3-оқушы: Есімде қалған ұстаздарымның бірі – Сергей Агеев. Ол да қазақшаға судай. Өзі арап әрпін білетін. Қыста да, жазда да өте жеңіл киініп, шашын алдырып жүретін.