Бауыржан Момышұлы туралы тәрбие сағаты 4 сынып

«Ғани Мұратбаев атындағы орта мектебі» КММ

Бастауыш сынып мұғалімі: Ахатаева Қанат Заманбековна

Тақырыбы: Бауыржан Момышұлы

Сабақтың мақсаты:А). Халқымыздың қаһарман ұлы Бауыржан Момышұлының өмірі, шығармашылығымен таныстыру.Б). Оқушыларды ерлікке, елжандылыққа, Отанын қорғай білуге тәрбиелеу.В). Б. Момышұлының еңбектерін, ерліктерін оқыту арқылы ой - өрісін, сөйлеу мәнерін білім – білік дағдыларын дамыту. Көрнекілігі: слайд, кітаптар, суреттері, бүктемелер

Қош келдіңіздер құрметті ұстаздар мен оқушылар! Ат ауыздығымен су ішіп, ер етігімен су кешкен заманда жауға қарсы шығып, елін жерін қорғаған айбарлы да айбынды, ержүрек, қаһарман батырларымыз қаншама десеңізші. Осындай батыр болмысты, қайсар рухты, биік тұлғалардың бірі- Кеңес Одағының батыры, халық қаһарманы, аты аңызға айналған даңқты қолбасшы, жазушы Б. Момышұлы. Батыр атамыздың батырлық, ерлік істері ғасырдан ғасырға, ұрпақтан ұрпаққа үлгі.

Бауыржан Момышұлы 1910 жылы 24 желтоқсанда Жамбыл облысы,Жуалы ауданы,Мыңбұлақ ауылында дүниеге келген.

Бауыржанның өз әкесі Момыш еті тірі, қолы шебер, көкірегі ояу, көңілі сергек, оқымаса да тоқығаны көп, өлең шығарып, жиын-тойға қатысып, айтысқа да түскен ақын адам, шымыр денелі, терең ойлы жан болған.

Ал, анасы Рәзия-қазақ келіні. Шешесінен үш жасында жетім қалған, оны әжесі мен әкесінің әңгімелерінен білетін жазушы Бауыржан ол кісі туралы көп жаза алмайтын еді

Бауыржан атамыздың өмірі, ерлігі – бізге үлгі. Ол кісі туралы жазылған шығармаларды оқи отырып, өмірде ештеңеден қаймықпаған, әділ, бірбеткей, туған халқын шексіз сүйген адам деп танимыз.

Б.Момышұлы-әділ ,өткір, шыншыл, қырағы, айбынды, арлы, рухы күшті әскери басшы.

Аяулым: Сіз жасаған соғыстағы,

Ерлігіңіз ұлы ғой.

Бастан кешкен ғұмырыңыз,

Өнегеге толы ғой

Салып кеткен сара жолың,

Болашаққа бастайды.

Бізге арнап айтқан сөзің,

Ғибрат қой бізге ол.

Қайсар ұлы қазағымның,

Айтамыз біз алғысты.

Жүрек жұтқан батыр едің,

Ерлігіңіз жырланды

Балым С: Халықтың батыр атасы

Біледі қазақ баласы.

Батыр ата Бауыржан.

Даналардың данасы.

Ерлігімен даңқының

Мақтан тұтар әрқашан.

Мақтанышпен атыңды.

Ән: Жойылсын жалғыз сөз соғыс деген.

Айдана: Жаралғандай жасынан,

Жайсаң батыр Бауыржан.

Естігенде есімін,

Жау есінен жаңылған.

Бұзып жарып қоршауда.

Жолсыз жерден жол салды.