Бауыржан Момышұлының майдандық публицистикалық мәні

«Бауыржан Момышұлының майдандық публицистикасының тәрбиелік мәні»

Ұлы жеңіске –80 жыл.

Халық қаһарманы,Ұлы Отан соғысында аты шыққан стратег,толағай тұлғалы,әскери психологияны байытушы - Бауыржан Момышұлының жазған еңбектері, халқымыз үшін баға жетпес асыл қазына.Бауыржан шығармалары соғыстың азабын тартқан жүректен шығып,ыстық қанмен жазылған. Осыған өзі айтып өткен мына сөздері толық дәлел: «Өз кітаптарым-өз балаларым.Олардың да Отаныма адал қызмет етуін қалаймын» .Оның соғыс алаңында жүріп,осыншама еңбек жазғанын Кеңес Одағының батыры, генерал-майор Петр Вершигора бағалағандай :«Қаруын қаламға айырбастауы- үлкен ерлік»-,деп білемін. Бауыржан Момышұлының майдандағы ерлігінен бұрын,өмір,өнер жолындағы еңбектеріне бір көз жүгірткенді жөн көрдім.

Бауыржан атамыздың көзін көрген инабатты келіні –Зейнеп Ахметова ,бірде атасы жайлы күнделік түзіп жүрген екен.Оны көрген атасы: «Жазған еңбегіңді құптаймын,бірақ ойыңнан ештеңе шығарма,өз көзіңмен көргеніңді және одан түйген ойыңды жасырмай,ашық жаз» -,деген. (Шуақты күндер естелігінен) . Яғни, бұл Бауыржан Момышұлының екіжүзді жәдігөйлерге қарсы тұрар ,әділетті батырдың айқын бейнесі екеніне тағы бір дәлел.

Ерекше атап өтерлігі,Бауыржан атамыздың жазған әрбір шығармасы-шындыққа жанасқан,бастан кешкен яки көрген оқиғаларына толы ,тәлім тәрбиесі мол туынды болмақ.Оның қазақ әдебиетінде елеулі орын алған, әрі алғашқы туындысы-«Ұшқан ұя» атты еңбегі.Мұнда нағыз қазақ халқының ұлттық құндылықтары мен салт-дәстүрлері дәріптеліп,оқырманда Отанға деген махаббат пен патриоттық сезімді оятатын проза деңгейіндегі нағыз көркем туынды.Жазушы кейіпкері арқылы, әке тәрбиесі мен әже өнегесін ,тіпті, ананың әлдилеген сәтін ерекше етіп жүрекке жеткізген.Шығармада отбасының салт-дәстүрді берік ұстанып,ұрпақтан-ұрпаққа жеткізгісі келгенін аңғарамыз.

Шығармаларынан бөлек,жазушының қанды соғыс майданында жүріп,жолдастарына,отбасына жазған хаттарының өзі –оқыған адамға ой салары сөзсіз. Ұлы Отан соғысы кезінде,өзімен тұстас қаламдас тұлғалармен алысқан хаттары осы күнге дейін өзектілігін жоғалтқан жоқ.Соның бірі Мұхтар Әуезовпен жазысқан хатында -көбінесе жазған еңбектері жайлы ойын, Отан соғысы кезіндегі қазақ әдебиеті төңірегінде болып жатқан мәселелерді қозғап, көп нәрсені ұғындырғандай.

Қаламгердің ендігі бір туындылар лебі-майдандық сарында жазылған.Мәселен, «Мәскеу үшін шайқас», «Майдан», «Генерал Панфилов», «Куба әскерлері», «Қанмен жазылған кітап »т.б еңбектерінде ,жауынгерге тән қайсарлық,ер-мінезділік пен Отансүйгіштікті бейнелеп, қиян- кескі майдан шындығын барынша ашуға тырысқан.