Бейбіт күн жасасын әлемде тәрбие сағатының жоспары

Тақырыбы: Бейбіт күн жасасын әлемде!

Мақсаты: балаларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру, оларға патриоттық тәрбие бере отырып, өз елін, жерін қастерлейтін саналы да парасатты азамат етіп тәрбиелеу.

Көрнекіліктер: безендірілген зал, буклеттер, гүлдер, шарлар, слайд

Өткізілу барысы:

Мұғалім: Тарих беттері үнемі жаңарып отырады. Десек те біз үшін ұмытылмайтын, ескермейтін тарихи оқиғалар да бар. Соның бірі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін, батыр ағаларымыз бен апаларымыздың ерлігін ешкім де, ешқашан ұмытпақ емес. Әлемді дүр сілкіндірген оқиға 1941 жылы 22 маусымында болған еді. Бірақ сол кездегі Кеңес елінің бірлігі мен достығының арқасында 1945 жылы 9 мамырда оқиға Ұлы Жеңіспен аяқталды. Міне, содан бері 73 жыл мерзім уақыт өтіпті. Биыл Ұлы Жеңістің 73 жылдығы.

Мұғалім: Құрметті кабинет ұжымы және балалар! Бүгін 9 мамыр – Жеңіс күні мерекесі құтты болсын. Біздің бейбіт өмір сүруіміз үшін жанын қиған, ерлікпен қаза тапқан ата-әжелеріміздің есімін ешуақытта ұмытпауымыз керек. Жеңіс күні құтты болсын! Күндіз күлкі, түнде ұйқымыз тыныш болсын деген тілекпен бүгінгі «Бейнеу психологиялық-педагогикалық түзету кабинетінің» балаларының дайындаған мерекелік бағдарламасын қабыл алыңыздар! Бүгінгі мерекелік шара Ұлы Отан соғысында құрбан болған аталарымыз бен әкелеріміздің, мәңгі жас болып, жадымызда сақталған жауынгерлер рухына, бейбіт кезеңде дүниеден өткен ардагерлерге, бүгінде ортамызда жүрген Ұлы Отан соғысы ардагерлерінің құрметіне арналады.Қазақстан Республикасының мемлекеттік әнұраны

Мұғалім: Аз емес зар жылаған, егілген жан,

Аз емес өшкен өмір, төгілген қан.

Кеудеге зілді қасірет салды соғыс.

Қирады талай арман көңілге алған.

Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов секілді және т.б. батырларымыз бар. Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. Жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алайық. (1 мин үнсіздік)

Мұғалім: Ендеше балалар, осы соғыстың қасіретін, жеңіске қалай жеткенімізді, жеңістің қуанышын сезіну үшін балаларымыздың ақындар шығармашылығынан үзінді тыңдайық, рухты әндерімізді жырлайық және соғыс жылдарындағы мәліметтерден хабардар болайық!

Қамария: Екеуін де көтерді ол. (Ж. Молдағалиев)

Мен соғысты жек көрем!Көкем айтып отырса,Кім көз жасын төкпеген!Талай өткен ғасырларЕш соғыссыз өтпеген!Мен соғысты жек көрем!Күні ертең-ақ ержетем!Қиялымды өрлетем!Туған жерді әлпештеп,Кірпік ілмей тербетем!Жету үшін мұртазаСапар шегем жыраққа!Ғұмыр бойы айқасам,Асу бермес елдермен!Асау өзен көлдермен!Құлазыған шөлдермен!Мен соғысты жек көрем!Адамзатты жеткізем,Арманына жетпеген!

Айша: Соғыстың алғашқы күндерінен бастап-ақ Кеңес халқы жан тәнімен Отанын қорғады. Әрбір село, әрбір қала үшін кескілескен ұрыс болды. Қанішер неміс басқыншыларымен Кеңес азаматтары аянбай шайқасты.

Ән: Жойылсын соғыс. (Сөзі: Ж. Нәжімеденов, әні: Ш. Қалдаяқов)

Мағауия: «Соғыс» (Қ.Әбдіқадыров)

Соғыс не? Арпалысқан өлім-өмір,

Тұрса ағаш, сынса отын, жақса көмір.

Өлім мен өмір батыр алысқанда,

Бұрқылдап қызуына қайнар темір.

Соғыс не? Соғыс апат, соғыс соққы,

Ол соқса шығарушы бұрын жоқты.

Ол дауыл, күш мұхитын тасытады,

Елетпей азды –көпті, ашты-тоқты.

Соғыс не? Соғыс елдің сыны,

Ел емген қазыналы жердің сыны.

Адалдың арамменен айғақшысы,

Төгілген керек үшін тердің сыны.

Соғыс сұмдық атадан бала айырылған,

Біреуін қан, біреуін ар айырған.

Гүл бақшам бөлектеліп мен де кеттім,

Дінесім, Шаһмұрат, Анарымнан.

Соғыстың жоқ ешқандай тамашасы,

Бір өлім, мың өлімнің арашасы.

Соғыста өлім құлап, өмір жеңер

Оны сезбес пікірдің аласасы.

Нұрай: Осы соғыста Кеңес Одағының басқа республикаларымен бірге біздің Қазақстан Республикасы да жан аямай шайқасты. Даңқты қарулы күштердің және еңбек армиясының құрамында 1 млн. 870 мың қазақстандықтар болған.

Көрініс: Соғыстан қайтқан солдаттар.

Нұрсұлтан: «Сен құрметте оны» (Ә. Сәрсенбаев)

Сен құрметте оны!Түсіндін, бе, қарағым?Ол ақшаға сатқан жоқ,Тізеден кесіп аяғын.Еріккеннен ұстап та жүрген жоқ,Қолтықтағы ұзын таяғын.Кеше елге қатер төнгендеОл жауға қарсы шапты,Бізді жалмамақ болған ажалдыӨр кеудесімен қақты.Ол арыстанша алысты,Өлім соққысын өз үлесіне алды.Денесін оқ пәршелесе деЕл…