Бейбіт күні жасасын әлемде ашық сабағы

Тақырыбы: «Бейбіт күні жасасын әлемде»

Мақсаты: балаларға Ұлы Отан соғысы туралы түсінік беру, осы соғыста ерлік көрсеткен батырлардың ерліктерін, жыл сайын Жеңіс күнінің мерейлі мерекесін бүкіл халық тойлап отыратынын айтып, Жеңіс салтанатын көре алмай кеткен боздақтардың, бүгінде саны азайып қалған майдангерлердің рухына бас ие отырып, балаларды Отанды қорғауға, Ұлы Отан соғысының батырларының ерлік істеріне тағзым етуге, батыл да ержүрек болуға, елін, жерін жаудан қорғай білуге, елінің патриоты болуға тәрбиелеу.

Жүргізуші: Соғыс өтті талай жалмап өмірді, Қаншама қан еш жазықсыз төгілді. Соғыс аты естігенде құлаққа, Елестетер қара тажал өлімді. Армысыздар, құрметті қонақтар, тәрбиешілер, балалар! Әрқайсымыз үшін жақын әрі қымбат мереке Жеңіс күні де келіп жетті. Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан бұл күннің маңызы өте жоғары. Жеңіс үшін шыбын жандарын құрбан еткен бірнеше миллиондаған адамдардың есімдерін естеп сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды. Ендеше бүгінгі 9мамыр Ұлы Жеңіс мерекесі құтты болсын! «Шағала» тобының «Бейбіт күні жасасын әлемде» атты ертеңгілігін бастауға рұқсат етіңіздер. Ортаға балаларды қошаметпен шақырамыз. Келді міне күндей жайнап гүл көктем, Самал желі шашты тарап, бетті өпкен. Ұмытуға хақымыз жоқ оларды,

Олар біздің бақыт үшін қан төккен –дей отырып, Қазақстан Республикасының Ән ұранын орындаймыз.

Жүргізуші: Елге қауіп төнбесін, Егестен адам өлмесін. Есен-аман болайық, Енді соғыс болмасын. Өртенбесін туған ел! Шайқалмасын асқар бел! Шайқалмасын шалхар көл!- келесі кезекті балалардың тақпақтарына береміз. Айбибі: Соғыс деген сөзді естігім келмейді, Болмасын ол! Болмаса ер өлмейді. Біздің елдей пейілі кең халыққа, Енді қайтіп қайғы бұлты төнбейді.

Ару: Қазағым асқар таудай ұлтым менің, Төрт түлігі жайылған жұртым менің. Жайқалған жазиралы даласы бар, Алғысым шексіз айтар бұл күнге мың. Санжар: Төнбесінші, көрмесінші соғысты, Жаудың бізге қаншама рет оғы ұшты. Соғыссыз-ақ біздің елдің ерлері, Орындайды Отан үшін борышты.

Нұржайна: Тарихы бар тауымда әр тасымда, Қайтпас ерліктің нарқы осында. Әлемде біз бақытты елге айналдық, Ержүрек ағалар арқасында.

Айбар: Туған ел дегенім- асқарым, Туған ел дегенім-шалхарым. Туған елің бар болса, Жарқырайды әр таңың.

Исабек: Батыры болды елінің, Жұлдызы болды көгінің. Бас иеміз біз саған, Ар-намысы ұрпағымен.

Жүргізуші: Өнегесін үйреніп, Жеткіншек боп өсеміз. Алдарыңа бас иіп, Би де билеп береміз, -деп қыздарымыздың «Катюша» биін тамашалаймыз. Ән: «Көк тудың желбірегені» (хормен)

Жүргізуші: Бұл жеңіс оңайлықпен келген жоқ. Ұлы Отан соғысына қатысқан Әди Шәріпов, Қасым Қайсенов, Нұркен Әбдіров, Сергей Луганский, Жұмағали Сайн, Талғат Бигелдинов, Әлия Молдағұлова, Мәншүк Мәметова, Рақымжан Қошқарбаев сияқты есімдері аңызға айналған аталарымызды, ағаларымызды, апаларымызды тарих бетінде «Батыр» деп айтуға болады. Тақпақтар: Әсима: Балалық шағым-балдай, Аппақ нұрлы таңдай. Бейбіт күнді алаңсыз, Бақытты өмір қандай.

Шәрбат: Жеңіс келді ән болып, Келді ауылға сән болып. Жеңіс келді алақай!