Бейіміне қарай мамандық таңдау тренингі

Бейіміне қарай мамандық таңдау (тренинг сабақ)

Мақсаты: Жеке тұлғаның кәсіптік мамандықтарға деген ынта-ықыластарын анықтау Кәсіптік бағдар беру Кәсіптік білім берудің құрылымымен таныстыру

Оқушыларға мамандық таңдаудағы жауапкершілікті қалыптастыру, өзін-өзі тану аумағын кеңейту. Мамандық әлемінен ақпарат беру. Мамандық таңдауда оқушыларға бағыт –бағдар беру.

Сабақ түрі : пікірлесу сабағы .

Сабақ әдісі: Әңгімелесу, сұрақ-жауап, пікірлесу, тренинг жаттығулары

Көрнекілігі: Интерактивті тақта, қаламсап, сұрақтар жазылған карточка, жауап парағы.

Сабақ барысы:

Ұйымдастыру кезеңі:

Оқушыларға бір-біріне жақсы тілектер айтқыза отырып, көңіл-күйлерін ретке келтіру.

Пікірлесу кезеңі мен тренинг жаттығуларының тәртібі мен қағидалары ескертіліп , шарты мен ережесі түсіндіріледі.

1.Кіріспе.

Мамандық таңдаудың маңыздылығы.

Мамандық таңдау жас өспірім кезеңдегі ең маңызды шешімдердің бірі. Әр адам ерте ме , кеш пе өз өмірінде «Мен қандай мамандық иесі боламын?» деген сұрақтарға жауап іздейді. Үлкен өмірге қадам басқан жас ұланның алдында мыңдаған мамандықтан өзіне лайықты біреуін таңдау міндеті тұрады. Кейбір жастар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық , реніш сезімдері пайда болып , тіпті алдарына жоспарда құрғысы келмейді. Сондықтан , адам өзінің жеке қасиетін, өзін-өзі тануын және жетістікке жетудің бір жолы өзіңе сұрақ қойып оған жауап іздеу болып табылады.Мысалы,

1. Сабақ оқығанда ұнатамын ба?

2.Өз ісіме талдау жасай аламын ба?

3.Білгім келген нәрсені іздестіремін бе?,

4.Өзімді-өзім тани аламын ба?

6.Жетістікке жету шарттарын іздестіремін бе?.

7.Кемшіліктерім қандай?

Ең бастысы , жетістікке жетуді үйренуге болатынын біліп, алғашқы қадымды аттай алу керек. Жетістікке жетуді үйренген адам одан кейін жетістіктен қол үзбейтін болады.Ол үшін бізге сенім күші қажет. Адам өзіне-өзі сенгенде ғана өмірге үлкен қадам жасай алады.

1. «Сенімділік» жаттығуы.

Шарты: Қатысушыларға ақ парақ таратылып, ортасынан екіге бөлу тапсырылады. Бір бөлігіне жақсы қасиеттерін, екінші бөлігіне жағымсыз қасиеттерін жазады. «Ал балалар бізге осының қай бөлігі өзімізге сенімді болу үшін,қажетті мамандықты таңдай алуымызға қайсысы өте қажет. Сол жағын жыртып алып өзіңе алып қал,екінші бөлікті (жағымсыз қасиеттерді) мыжып қоқыс жәшігіне саламыз»

2. Анкеталық сұрақтар.