Белсенді оқытуды енгізу туралы семинар баяндамасы 2 сынып

Жаңартылған білім беру жағдайында білім беру үрдісіне белсенді оқытуды енгізу

Махмутова Сауле Мурзашовна

Бастауыш сынып мұғалімі

1-деңгейлі маман

«Меңдіқара ауданы әкімдігі білім бөлімінің Ғаббас Жұмабаев атындағы Боровской орта мектебі»ММ

Белсенді оқу – белсенділікке жетелейді

Қазіргі кезде білім мен техниканың даму деңгейі әрбір оқушыға сапалы және терең білім беруіне жағдай жасап отыр. Жаңартылған білім беру жағдайында білім беру үрдісіне әдебиеттік оқу пәні бойынша белсенді оқытуды енгізе отыра жұмыс жасаудамыз. Сабақтарға белсенді оқу әдістерін қолданудың тиімділігі қашанда анық деп айта аламын. Бұл әдістің мені қызықтырғаны, баланың өзі ізденіп, дәлелдеуі. Ол бұрын тыңдаушы болса, енді ізденуші, ойлаушы, ал мұғалім осы әрекетке бағыттаушы және ұйымдастырушы.

*Оқытудың белсенді әдістері – оқу материалын игеру үдерісінде оқушыларды белсенді ойлау және практикалық әрекетке итермелейтін әдістер. Белсенді оқыту мұғалімнің дайын білімдерді баяндауына , оларды есте сақтауы мен қайта жаңғыртуына емес, оқушылардың белсенді ойлау және практикалық әрекет үдерісіне өз бетінше білімдер мен біліктерді меңгеруіне бағытталған әдістер жүйесін пайдалануды білдіреді. Белсенді оқыту әдістерінің ерекшеліктері олардың негізінде практикалық және ойлау әрекетін ояту. Онсыз білімді игеруде алға жылжушылық болмайды.

*Оқытудың белсенді әдістерінің пайда болуы және дамуы оқытудың алдына оқушыларға білім ғана беріп қоймай, танымдық, қызығушылықтар мен қабілеттердің,шығармашыл, ойлаудың, өз бетінше ақыл-ой еңбегінің қалыптасуы мен дамуын қамтамасыз ету т.б жаңа міндеттер қойылуымен байланысты.Мұндай белсенді оқу әдістерін барынша тиімді қолдану оқушылардың жаңартылған білім беру жүйесінің бағдарламасына сәйкес кез-келген тақырыпты түсінуіне жағдай тудырады. Ол үшін мұғалімнің берер бағыты айқын, нұсқауы анық болуы керек. Белсенді оқытудан оқушының білім алуға деген қызығушылығы артады. Біздің білім алушыларымыз үшін негізгі мақсат – сабақтағы іс-әрекеті негізінде белгілі бір нәтижеге жету болса, мұғалімнің көздеген мақсаты сол нәтижеге жетуге ықпал ету.

Жаңартылған білім мазмұны бойынша айтылым, тыңдалым, оқылым, жазылым дағдыларын игертуде белсенді оқытудың ықпалы зор. Оқытудың осы жолы арқылы кедергілерді жеңіп, оқу үдерісінде айтулы жетістікке жетудеміз. Әрбір мұғалімнің басты міндеті оқушыларға белгілі бір білімдер жиынтығын ғана беру емес, сонымен қатар оларда оқуға деген қызығушылықты дамыту, оқи білуге үйрету.

* Өз тәжірибемде қолданылатын неғұрлым тиімді белсенді әдістер: дәстүрлі сабақтың дәстүрлі емес басталуы - проблемалық сұрақтар қою және шешу, проблемалық жағдаяттар құру, қорытынды шығаруды ұйымдастыру.Біз мұғалімдер кез-келген әдісті таңдарда аса мұқияттылық танытып, керегін дұрыс таңдағанымыз абзал.

Дәстүрлі сабақтың дәстүрлі емес басталуы - сабаққа эмоционалдық бетбұрыс(эпиграф, костюмделген көрініс, видеоүзінді, ребус, сөзжұмбақ, анаграмма).Қызығушылықты ояту – оқушылыр үшін сабаққа қатысудағы алғашқы қадам.Мұғалімнің берген тапсырмалары оқушының сабаққа қызығушылығын тудыру мақсатын көздейді.

*Проблемалық сұрақтар қою және шешу, проблемалық жағдаяттарды құру.

Тақырыбы: «Өзім туралы өзім айтамын»

«Айнаға қарап, өзіңді сипатта» Жеке жұмыс.

Мәтіндегі ақын сөздерін пайдалана отырып, өзін сипаттап таныстыру мәтінін құрастырады.

(теорияларды практикалық тұрғыдан нақты ситуацияларда қолданады, қандай да болмасын проблеманы шешу үшін өз білімдерін шығармашылықпен қолданады.)

Проблемалық жағдаяттар құру. ЖЖ.

Тақырыбы: «Мен туралы сен не айтасың?»

Мақтау сөздерден тұратын диалог құрады немесе біреулерді мазақ етудің дұрыс еместігін түсіндіреді.

«Біреуді мазақтау – жаман әдет» ереже құрады.

(екі жұп бір-бірінің ұнататын және ұнатпайтын қылықтары жайлы пікір білдіреді)