Беттік керілу тақырыбы бойынша 10 сыныпқа ашық сабақ

Сабақтың тақырыбы: Беттік керілу. Жұғу. Қылтүтік құбылыстар.

Сабақ мақсаттары:

Білімділік: «Беттік керілу. Жұғу. Қылтүтік құбылыстар» тақырыбы бойынша оқу материалын қайталау және жүйелендіруді қамтамасыз ету, практикалық және сапалық есептерді шығару дағдыларын қалыптастыру, тәжірибелік жұмысты жетілдіру;

Дамытушылық: әр түрлі жұмыс түрлерін қолдану арқылы оқушылардың пәнге деген танымдық қызығушылықтарын арттыру, өтілген материалды жалпылау мен анализ жасау дағдыларын қалыптастыру.

Тәрбиелік: ұжымдық қатынас пен өзара бірлесе отырып жұмыс істеуге баулу

Сабақ типі : конференция

Сабақты өткізу әдістері: салыстыру, бақылау, талдау, зерттеу тәжірибесі

Сабақ жоспары:

І. Ұйымдастыру кезеңі- кеңестің ашылуы

ІІ. Негізгі бөлім - зерттеу бөлімі

ІІІ. Бекіту-тәжірибелік құрылғымен жұмыс

ІV. Қорытындылау –проблемалық сұрақтар

V. Бағалау-Қаулы шығару

VІ. Үй тапсырмасы-келесі кеңеске дайындалу.

Сабақ барысы:

Сабақ Ғылыми кеңес түрінде өтеді. Қатысушылар: №1 зертхана қызметкерлері, №2 зертхана қызметкерлері, №3 зертхана қызметкерлері. Қызметкерлер бейджик тағады.т Кеңестің хатшысы тағайындалады. Кеңесті өткізуші директор. Кеңес соңында кеңестің қаулысы қабылданады.

Ғылыми институтының КЕҢЕСІ.

ДИРЕКТОР: Сәлеметсіздер ме, құрметті кеңеске қатысушы ғылыми институттың №1, №2, №3 зертхана қызметкерлері. Сіздерді кезекті кеңесімізде көруге қуаныштымын. Кеңеске барлығы 25 қызметкер қатысу керек еді, қатысып отырғаны: , келмеген: . Кеңесті дауыс беру арқылы ашық деп жариялайық. Кеңес ашылсың дегендеріңіз? Қарсы шыққандарыңыз? Қалыс қалғандарыңыз? Ендеше кезекті кеңесімізді ашық деп жариялап, рұқсат етсеңіздер, бүгінгі кеңесіміздің күн тәртібімен танысып кетейік.

Күн тәртібінде:

Беттік керілу, жүғу, қылтүтік құбылыстардың өмірдегі маңыздылығы.

Беттік керілу, жүғу, қылтүтік құбылыстардың ғылыми тұжырымдамаларын тәжірибе арқылы дәлелдеу.

Іс-тәжірибені қорытындылау.

ДИРЕКТОР: құрметті, ғылыми қызметкерлер, кеңестің мақсатын анықтап алғанымыз жөн.

Кеңестің мақсаты: өмірдегі беттік керілу, жүғу, қылтүтік құбылыстардың қолданысы мен маңыздылығын анықтау.

ДИРЕКТОР: Берілген тапсырма бойынша жұмыс жасауға кірісейік:

Міндеттер:

№1 зертханаға беттік керілудің өмірдегі маңыздылығын көрсету жүктеледі, №2 зертханаға жүғу, №3 зертхана қызметкерлеріне қылтүтік құбылыстардың маңыздылы мен қолданысын көрсету жүктеледі.

ДИРЕКТОР: Алдарыңыздағы кестеге сүейне отырып, жүктелген міндетке жетулеріңізді сұраймын. Әрбір зертханаға регламент 5 минут беріледі.

№ 1 ЗЕРТХАНАСЫНДАҒЫ ЭКСПЕРИМЕНТКЕ ҚАТЫСУШЫ-Бала-бақша тәрбиешісі:

-мен бірнеше жылдан бері тәрбиеші болып істеймін. №1 зертхана қызметкерлеріне келесі сұрақ қойғым келіп тұр: Неге сабын көпіршігі шар тәрізді болады? Таңғы шық шар пішінді болуы неліктен?

№1 ЗЕРТХАНА ҚЫЗМЕТКЕРІ:

Сұйық бетінде орналасқан молекуланы және оның ішінде орналасқан молекуланы қарастырайық. Сұйық ішіндегі молекула барлық жағынанбасқа молекулалармен қоршалған және олар барлық жағынан бірдей тартады. Сұйық бетіндегі молекуланың жоғарғы жағында ондай көршілері жоқ (Газ (атмосфера) тығыздығының сұйық тығыздығынан едәуір аз екенін есімізге түсірейік). Оны, негізінен, сұйық ішіндегі молекулалар тартады. Сондықтан сұйық бетіндегі әрбір молекула оның ішіне енуге бейім болады. Алайда барлық молекулалар сұйық ішіне ене алмайды. Сұйық бетіндегі молекулаларды одан төмен орналасқан молекулалар ғана емес, оның бетіндегі көршілес молекулалар да тартады. Бұл күштердің қорытқы күші сұйықтың беттік керілуін береді. Ол сұйықтың беттік қабатында әрекет ететін күшпен сипатталады және Ғбет беттік керілу күші деп аталады. Бұл күш сұйық бетін ықшамдауға әрекет етеді. Көлемдері бірдей денелердің ішінде шардың беттік ауданы ең кіші болады. Таңғы шық, сабын көпіршіктерінің және т.б. шар пішінді болуы осымен түсіндіріледі.

№ 2 ЗЕРТХАНАСЫНДАҒЫ ЭКСПЕРИМЕНТКЕ ҚАТЫСУШЫ-биолог:

Мен өсімдіктерді зерттеймін. Бір байқағаным өсімдіктер басқа заттарға қарағанда айырмашылығы және ұқсастығы да болады екен. Сіздерге қояр сұрағым : өсімдік жапырақтары , клеенка, ағаштан және металдан жасалған денелер қайсысы суды жақсы сіңіретінін және неге сіңіретінін айтып беріңіздерші.