Би арқылы қарым-қатынас 3-сынып конспектісі

Күні: 20.01.2021ж

Би арқылы берілетін қарым-қатынас.

«Өнер – өнегелі, ақылды адамдарды тәрбиелейтін құрал» - деп Кеңес педагогы В.А.Сухомлинский айтып кеткендей, тәрбие үрдісінде өнерге аса көңіл аудару қажеттілігін атап көрсеткен болатын. Сол өнердің бірі – би өнері.

Би адамның ішкі дүниесін байытып, жанын тазартатын құдіретті өнер.

Өнерге сүйіспеншілігін, өмірге құштарлығын, еңбекке, іскерлікке ынтасын арттыруда жеке тұлғаның қалыптасуына би өнерінің әсері ерекше.

Адамдардың күнделікті еңбек процесіндегі іс - әрекеттері, қоршаған дүниеден алған сезім жерлері би арқылы көрсетілетін қимыл - қозғалыстар мен ишараларға негіз болған.

Би өзіңді нәзік, сұлу да сүйкімді, жеңіл әрі қуанышты сезінуге көмектеседі. Би өнері салауатты өмір салтын қалыптастыру жолы.

Көп білетін және алған білімдерін жұмыста, үйде, демалыс кезінде қолдана алатын адам-рухани бай, мәдениеті жоғары адам. Адам өз халқына, еліне мүмкіндігінше пайдасын тигізу үшін – дені сау, төзімді болуы тиіс. Ондай адам қандай жұмысты да шаршамай шалдықпай істей алады. Шаршаса да оңай әл жинап, тез тыныға біледі. Ондай адамды өз денесін тәрбиелеген, шыныққан төзімді, қайратты адам дейміз. Бұған би пәні де негіз бола алады. Бұл пән оқушының салауатты өмір салтын ұстануына ықпал етеді. Би мен айналысқан балалардың жүріс-тұрысы, дауыс ырғағына, ішкі-сезімінің дамуы ерекше келеді. Би – бұл өнер, әрі спорт.Бимен әрдайым шұғылданатын болса, ол денсаулыққа, әсер етіп сезінуге пайдасын тигізеді. Бидің денсаулыққа пайдасын санашалар болсақ:

1. Түрлі жаттығулар жасаған кезде денеден көп мөлшерде көмірқышқыл газы бөлінеді, бұл жүректегі қан айналымын жақсартады.

2. Қан айналымын қалыпты ұстауға әсер етеді.

3. Қан қысымының көтерілуін тежейді.

Би тек қана сырт келбетті емес, сонымен қатар ішкі дүниенің, сана сезімін артады және түрлі зиянды заттардан аулақ болуға баулиды. Би өнері ішкі рухани әлемді ашады, адамды сұлулыққа тәрбиелейді, игі қасиеттерді оятады, адамгершілік идеяларды насихаттайды.

Ең бастысы, бимен кез келген жастан бастап, кез келген жас мөлшерінде айналысуға бола береді, тіпті үй жағдайында да билей беріңіз. Сонда сіздің өміріңіз ұзарып,өмірге деген құштарлығыңыз артатын болады.