Биік шыңды бағындырдық тақырыбындағы балабақша сабағы

«№ 5 «Жұлдыз» санаториялық түрдегі туберкулез ясли –балабақша»ММ

Ересектер тобының ұйымдастырылған оқу қызметі

Тәрбиеші: Балмагамбетова Э.А.

Білім беру саласы: Коммуникация, Әлеумет, Таным

Тақырыбы: Биік шыңды бағындырдық.

Мақсаты: Сөздерді буынға бөлуді және қанша буыннан тұратынын анықтай алуын, тірек-сызба арқылы сөзден хабарлы, лепті, сұраулы сөйлемдер құрастыра алуын бекіту. Дыбыстарды анықтап қосып, сөз айта алуын және ойлау, есте сақтау қабілеттерін дамыту. Жолдастық қарым-қатынасқа адамгершілікке, достыққа тәрбиелеу

Көктем мезгілінде ауа-райы қандай болады? Балалар, тауға өрмелеп көтеріліп шығатын адамдарды кім деп атайды?

- Дұрыс айтасыздар, оларды альпинистер дейміз. Мен да сіздерге альпинист болып биік шыңды бағындырайық - дегім келеді. Ендеше, осындай тамаша ауа-райында жорыққа шығалық.

Қауіпсіздік ережелерін айту, еске түсіру. Жорық әнін айту.

Балалар, қараңдаршы мынау қандай өзгеше таушық? Өзі пирамида тәріздес үшкір таушық екен. Өтуімізге кедергі жасап тұр? ( Мен, бұл таудың иесі, әрі қарай жол жабық.) Біз жас альпинистерміз, тау шыңына шықпақ едік. Көмектесуіңізді сұраймыз. (олай болса, альпинистке қажет құрал-сайманды атап, өз ұяшықтарына орналастырыңдар, дұрыс жауап берсеңдер ғана , өтуге рұқсат етемін.)

Д/о: «Өз ұяшығына орналастыр»

Заттың атын атау, буынға бөлу. Таушық ашылып әрі қарай жорықты жалғастыру.

Міне,тау бөктеріне де жеттік.

Қараңдаршы, Тау іші қандай керемет!

Осы әсем табиғат көрінісін бұлт, жел, жаңбыр, қар сөздерін пайдаланып, тірек-сызба сөйлем арқылы сипаттап айтып берейікші. Сөйлемдер хабарлы, лепті, сұраулы болу керек.

Д/О? «Сөйлем құрайық»

( Хабарлы, лепті, сұраулы )

Жарайсыңдар, балалар! Жүріп өткен жолымызға жалаушамызды тігіп кетелік.

Міне, балалар жолдың жарты бөлігіне де жеттік. Бұл жолмен талай саяхатшылар жүрген . Арасында суретші де болған. Суретші бояулары салқынға қатып қалмай тұрғанда суреттер салып үлгерген. Ендеше, суретші қандай сөз айтқысы келген екен тауып көрелік. Ол үшін суреттің бірінші дыбысын анықтап, дыбыстарды қосып оқып шығалық.

Д/О: «Сурет дыбыстар» (арқар, барыс, тауешкі шырша, үкі, итмұрын, долана,т.б. )

Суретші өзінің көрген тау табиғатың әсем бейнелепті. Жалаушаны тігелік.

Табиғат қандай керемет! Ауа қандай таза!