Мен білімді боламын тақырыбындағы балабақша сабағы

Тақырыбы: Мен білімді баламын

Педагог:

- Балалар, көңіл күйлерің қандай?

Өз көңіл күйлерін эмоциямен, ым- ишарамен, қимыл-қозғалыспен көрсетуді сұрайды.

Педагог:

- Менің де көңіл күйім өте жақсы. Өйткені білімге құмар, талантты, талапты балалармен бүгін тағы бірге боламын.

- Балалар, білімді бала болу үшін не істеу керек?

- Сендер өздеріңді білімді баламын деп айта аласыңдар ма?

Тақтадағы суретке назар аударыңдар, суретке қарап әңгіме құраңдар.

Балалар қайда жүр деп ойлайсыңдар?

Мектепте оқитын балаларды кім дейміз?

Өздеріңнің аға, әпкелерің бар ма?

Олар қайда оқиды?

1-тапсырма. Суреттегі балалардың іс- әрекетінің қайсысын жасай аласың, сол

суретті белгіле.

Өзің белгілеген сурет бойынша әңгімелеп бер.

Көптілділік: үйрету - учить - to teach

Тіл ұстарту: (л, р)

Ла, -ла, -ла - ол білімді бала

Ла, -ла, -ла - салынып жатыр қала

Ла, -ла, -ла - жайнап тұр ғой дала

Рет, -рет, -рет - бала салды сурет

Тер, -тер, -тер - алып келдім дәптер

Дар, -дар, -дар - келді біздің қыздар

Тыр, -тыр, -тыр - біздің Қайсар батыр

Қаламқасқа «тұр», - деші,

Қарындашқа «жүр», - деші.

«Қара қарындашты

Қаламқас алып тұр», - деші,

Ал енді өзің-ақ

«Р-р-р-р», - деші.

Сергіту сәті:

Қаламсапқа кәнекей

Өзімізді теңейік.

Ақ қағазға жүгіріп,

Жазу жазып көрейік.

Сөз соңына келгенде

Нүктені де қояйық.

Керек болса егерде

Суретті де бояйық.

Педагог балалардан оқу үшін қандай оқу құралдары қажет екенін сұрайды. Балалардың жауабын тыңдағаннан кейін оқу құралдары туралы әңгіме айтып береді.

Тілдік мақсат

Тәрбиеленушілер: Сұрақтарға жауап береді, диалогпен сөйлесе алады.

Сөздік қорын кеңейтеді.

Көптілділік: үйрету - учить - to teach

Негізгі терминдер мен сөз тіркестері:

Балабақша, мектеп, оқушы, студент

Пікір алмасу сұрақтары:

Балалар, сендер білімді баламын деп айта аласыңдар ма?

Білімді бала болу үшін не істеу керек.