Білгір химиктер сайысы, химиядан сыныптан тыс жұмыс

«Білгір химиктер» интеллектуалдық сайысы.

Іс шараның мақсаты:

білімділік: студенттердің пәнге деген қызығушылығын оятып, интеллектуалдық деңгейлерін арттыру;

дамытушылық: студенттердің ойлау, есте сақтау қабілеттерін арттыра отырып, нақты және тез жүйелі шешім қабылдауға, өз ойын еркін жеткізуді дамыту;

тәрбиелік: ойын барысында бірлесіп жұмыс істеуге, ұйымшылдыққа тәрбиелеу.

Сабақтың түрі: жарыс сабақ.

Құрал-жабдықтар: Д.И.Менделеевтің периодтық жүйесі, слайдтар, ойынға арналған құралдар.

Іс шараның барысы

І. Ұймдастыру кезеңі:

а) сәлемдесу

ә) ойынға дайындалу.

ІІ. 1-Жүргізуші. Құрметті оқушылар мен ұстаздар, екінші курс студенттердің арасында өтетін «Білгір химиктер» сайысын ашық деп жариялаймыз.

Тапқыр,білгір дарынды

Жарыс бар бүгін арынды.

Химия пәнін сүйсен сен

Ортаға сал барыңды.

Кел, келіңдер, сайыскер,

Көрермендер, жанкүйер.

Әділдікпен жарысайық,

Бұл сайыстан қалыспайық.

Өнерлі топтар бүгін ортамызда,

Командалар сәлем берер баршамызға.

Қол соғып біз оларды қарсы алайық,

Айтқандарын тыныштықпен біз тыңдайық!

Ортаға №221К, №224К және №227К тобының студенттері сайысқа шақырылады.

2-Жүргізуші: Ал, енді бүгінгі сайысымыздың өтілу барысымен таныстырайық.

Сайыс 6 кезеңнен тұрады:

1. «Химиялық бәйге»

2. «Химиялық поезд»

3. «Кім жылдам?»

4. «Полиглот»

5. «Химиялық тәжірибе»

6. «Есептер сыры»

Ойын нәтижесін қорытындылау.

1-Жүргізуші:

Командаларды таныстыру.

І топ «221К» - ІІ топ «224К» - ІІІ топ –«227К»

Топ жетекшілерін тандау.

Әділ қазыларды тандау:

Ойын барысы

І. «Химиялық бәйге» Әр топқа 7 сұрақ қойылады. Әр дұрыс жауап 1 ұпай.

1-Жүргізуші:

Ең қиын жарыстың бәйге келді,

Мықтылары ортада, шықсын енді.

Тез жауап бер, ойланып тұрып қалма,

Осы ойыннан көрейік ерен ерді.

1 топ сұрақтары:

1. Атомдардың әр түрінен тұратын зат? (күрделі зат)

2. Коэфициент нені көрсетеді? (молекула және атом санын)

3. Үш түрлі күйде кездесетін зат? (су)

4. Химия нені зерттейді? (заттарды, олардың қасиеттерін, өзара айналуларын)

5. Органикалық заттың құрамына кіретін негізгі элемент? (көміртек)

6. Адам ағзасында қай элементтің жетіспеуі тіс кариесіне әкеліп соғады? (фтор)

7. Ас тұзының тұрмыстық атау? (натрий хлориді)

2 топ сұрақтары:

1. Химиялық құрылыс теориясының авторы? (А.М.Бутлеров)

2. Алғашқы көмекке пайдаланылатын бейметалл? (йод)

3. Оттектің салыстырмалы атомдық массасы? (16)

4. Жылтыры бар, электр тогы мен жылуды жақсы өткізетін, иілгіш жай заттар.(металдар)

5. Тұрмыста қолданылатын табиғи газ? (пропан)

6. Калий пермаганатының тұрмыстық атауы? (марганцовка)

7. Сұйық металл? (сынап)

3 топ сұрақтары:

1.Периодтық заңды ашқан ғалым? (Д.И.Менделеев)

2.Бірдей атомдар түрінен тұратын зат. (жай зат)

3.Атомдардың белгілі бір түрі. (химиялық элемент)

4.Индекс нені көрсетеді? (атом санын)

5.Қорғасынның балқуы қандай құбылысқа жатады? (физикалық құбылыс)

6.Ең қиын балқитын металл? (вольфрам)

7. Көміртектің салыстырмалы атомдық массасы. (12)

ІІ. «Химиялық поезд». Топ болып берілген формулалардан Оксидтерді, Тұздарды, Қышқылдарды топқа бөліп, оларды атайды.

Оқушылар бәрін дұрыс орындаған жағдайда 5 ұпайдан беріледі.

1 топ: Оксидтер- алюминий оксиді, натрий оксиді, азот оксиді, мыс оксиді, фтор оксиді.

2 топ: Тұздар- кальций карбонаты, натрий хлориді, магний сульфаты, күміс нитраты, калий фосфаты.

3 топ: Қышқылдар- тұз қышқылы, күкірт қышқылы, азот қышқылы, көміртек қышқылы, фосфор қышқылы.

ІІІ. «Кім жылдам?» Топ болып химиялық элемент таңбаларын қағазға жазады. Кім ең көп және ең тез жазса сол көп ұпай алады. Әр бір дұрыс жауап 1 ұпай. Уақыт 1 мин.

1 топ: натрий, азот, хлор, оттек, йод, кальций, литий, алтын, темір, фосфор.

2 топ: күміс, сутек, магний, кремний, бром, қорғасын, алюминий, мырыш, калий,көміртек.

3 топ: фтор, магний, мыс, барий, күкірт, алюминий, хром, кальций, көміртек, оттек.

Дұрыс жауаптар: