Білікті басшы ұжым жетістігінің кепілі туралы мақала

Білікті басшы – ұжым жетістігінің кепілі

«Еліміздің ертеңі, бүгінгі жас ұрпақтың тағдыры-ұстаздың қолында»-, деп Президентіміз Нұрсұлтан Әбішұлы Назарбаев атап көрсеткендей, ұрпақ тағдыры үшін жауап беру ұстаз атаулыға үлкен салмақ салары сөзсіз. Білім кілті ұлағат иелерінің кең пейілді жарқын бейнесі мен білімдарлығы арқылы шәкірт санасына қалары баршаға аян. Тәуелсіз мемлекеттің ертеңі- ұрпақтың рухани байлығы, мәдениеті, саналы ұлттық ойлау қабілеті мен білігіне, іскерлігіне байланысты. Ой еңбегінің мамандарына білім ошақтарында қажетті деңгейде жас ұрпаққа білім берулеріне жағдай жасап, ізгі істерге бастама болатын- ол, әрине мектеп басшысы.

Басшы туралы жазу, мұғалім үшін қиындау екенін білетінмін, дей тұра білікті басшының аз жылдар ішіндегі жетістіктері бір төбе екенін біреу білсе, біреу біле бермейді.

«Ұстаз» деген сөз біз үшін қашанда қадірлі, қасиетті саналады. Небір данышпан да, қарапайым еңбек адамы да осы ұстаз алдынан өтеді. Сондай ұлағатты ұстаз, білікті басшы – Самагулов Бекбай Азибекұлы басқарған № 65 ЖББОМ КММ жайлы айтсақ артықтық болмас деп ойлаймын. Ол - өмірінде тәлім-тәрбие беретін тәжірибе жинайды, жинақтайды, «тоқсан ауыз сөздің тобықтай түйінін» түйіндейді. Түйгенін ой елегінен өткізіп, таразының екі басына салып саралайды, қорытындылайды. Тәрбиенің негізгі алтын діңгегі - ол ғибратты, ғұмырлы, ғасыр бойы санамызға салт-дәстүрмен берілген - ұлттық тәрбие тағылымын дәріптейді.

Білікті басшы оқушылары мен ұстаздарының білімі, біліктілігіне ғана емес, олардың жүріс-тұрысы мен киім-киісіне де қатаң талап қоя білді.

«Жілігін шағып, майын ішкен», қатардағы маманнан басшылық қызметке сан жылдар тізбегінде тәжірибесін шыңдай өскен, яғни, өмірін еңбек өрнектерімен өрген, жалпы, арамызда жүрген жаны жайсаң жақсы адамдардың бірі.

Бекбай Азибекұлы 2008 жылы № 40 ЖББОМ КММ-нің директоры қызметіне тағайындалды. Аталған мектепте 2013 жылға дейін елеулі еңбек етті. 2009 жылы «Балапан» бағдарламасы бойынша 50 орындыққа лайықталған шағын орталық ашты. 2013 жылдан 2019 жылдың қаңтар айының аяғына дейін № 65 ЖББОМ КММ- нің директоры болып, абыройлы қызмет атқарды. Осы жылдарда 3 жыл қатарынан мектеп түлектері ҰБТ- дан жоғары көрсеткіштер көрсетіп, мектептің дәрежесін көтерді. Әрине, бұл дегеніміз- мектеп басшысының тынымсыз еңбегінің арқасы. Бекбай Азибекұлы қазақ халқының қастерлі де қасиетті өнері саналатын айтысқа айрықша көңіл бөлді. Мектепте айтыс өнерін жандандырып, дұрыс жолға қоя білді. Сонымен қатар Қарағанды қаласының Білім Бөлімінің тікелей қолдауымен мектепте күрделі жөндеу жұмыстарын жүргізіп, заманауи тұрғыда оқушыларға білім алатындай жақсы жағдай жасап, мектептің іші- сыртын талапқа сай етіп өзгертіп, ауқымды жұмыстар атқарды. Ескіден қалған сарқыншақтардан мектепті біржола арылтып, жаңаша көзқараста эстетикалық талғамға сай жасақтады.

Мектеп басшысы үнемі ұстаздарына «Ұлттық тәрбие-ел болашағының діңгегі» рухани сенімі мол ұрпақты тәрбиелеу келешектің бізге артқан міндеті екенін айтып, ұдайы ескертіп отырады. Мектеп – бұл тек білім беру ұйымы ғана емес, сонымен қатар…