Біліктілікті арттыру заман талабы қазақ тіліне

БІЛІКТІЛІКТІ АРТТЫРУ – ЗАМАН ТАЛАБЫ

Минахунова Сайра Изахыновна,

Алматы қаласы, №94 мектеп-гимназиясының қазақ тілі мен әдебиеті пәні мұғалімі

Білім беру жүйесіндегі біліктілікті арттыру іс-шарасы аса қажетті өміршең үрдіс. Білім беру саласында біліктілікті арттыру дегеніміз – кәсіби білім беру жүйесінде педагогтардың күрделі еңбек функцияларын атқаруға бағытталған әдет біліктілігін қалыптастыратын қосымша білім беру түрі.

Біліктілікті арттыру бұдан бұрын алынған кәсіби білімді тереңдетеді, мұғалімнің сапалық, іскерлік қасиеттерін жетілдіреді және мұғалімнің шығармашылық бағытта өзін-өзі шыңдауына ықпал етеді.

Біліктілікті арттыру барысында, мұғалім жаңа теориялық мәселелер мен арнайы техникалық білім спектрін және біліктілік пен еңбек дағдысын кеңейтеді. Сонымен бірге ғылым мен технологияны байланыстырады.

Біліктілікті арттыру үрдісінің негізгі міндеті – білім жүйесін реформалау үрдісін кезең-кезеңмен жүргізуге даярлықтың деңгейін айқындау, үнемі өсіп отыратын әлеуметтік сұранысты орындауды, қазіргі заманғы ғылымды білім мен техника арқылы іске асыру.

Бүгінгі таңдағы ең өзекті мәселе – біліктілікті арттыру жүйесіндегі инновациялық өзгертулер (модернизация). Білім саласындағы біліктілікті жаңалау (инновация) – білім беру ісінің басым бағыты. Негізгі міндеті – мұғалімдер арасында ашық бәсекелестік ұйымдастыру, педагогтардың құзыреттілігін арттыру арқылы кәсіби деңгейді көтеру. Сол арқылы локальды бастамадан басқа жүйелі өзгеріске көшу, белсенді авторлық топ құру (бүкіл біліктілікті арттыру мәселесі бойынша), біліктілікті арттыруды іске асыратын бағдарлама жасау, тәуелсіз сауатты эксперттер құру, жеке бағдарлама (индивидуальдық) жасап, оны іске асыру және т.б.

Біліктілікті арттыру барысында атқарылатын модернизациялық іс-әрекеттер соңғы кезде түрлі формада жүргізіліп жатыр. Сондықтан, білім беру жүйесіндегі жаңа жүйе бойынша, мұғалімдер жаңа білімді технология арқылы игерулері қажет әрі өзінің бұрынғы имиджін өзгертулері керек. Бұдан соң, әр мұғалім өзінің біліктілігін арттыруды жүйелі түрде жүргізуі тиіс. Егер, «біліктілігімді арттырамын, оқушылардың білім деңгейін көтеремін» деген ізденгіш ұстаз осы аталған деңгейлерді мүмкіншілігіне қарай, бір немесе екі жыл көлемінде өтетін болса, біліктілігі артып, білім қоры көбейері анық.

Ұлы чех педагогы Я.А.Коменский: «Мұғалімдерге тамаша міндет жүктелген, Күн астында одан жоғары тұрған ешкім жоқ», - деп айтса, гуманист-педагог Ы.Алтынсарин: «Мұғалім – мектептің жүрегі», - деген анықтама береді.…