Білім беру саласында этномәдениетті қалыптастыру таныстырылымы

Қазақстан Республикасы Білім және ғылым министрлігі

ЖММ «Болашақ» академиясы

Мамандығы 5В010300- «Педагогика және психология»

Бастауыш сынып оқушыларына этно – мәдени білім

беру ерекшеліктері

Орындаған: ПиП-15-2 тобының студенті

Рахман Н.А. Ғылыми жетекші: аға оқытушы

Арунова Ж.А.

Қарағанды 2019

Кіріспе

Елбасы Н.Ә.Назарбаев Ұлттық кеңестің мәжілісінде жасаған баяндамасында «Мәдени мұраларды жүйелеп, оларды қалпына келтіру, сақтау, одан әрі дамыту ісіне кең көлемде білек түре кірісетін кез келді. Ұлттық мәдениетімізді ұлықтап, бар мен жоғымызды түгендеп, жүйелеп, келер ұрпаққа аманат ету - «Мәдени мұра» бағдарламасының басты мақсаты болуы тиіс» - деп, болашақ ұрпақты тәрбиелеуде ұлттық мәдени мұраның мүмкіндігі мен мақсатын айқындап берген болатын. Н.Ә.Назарбаев өзінің «Рухани жаңғыру: болашаққа бағдар» атты мақаласында «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда, ұлттық рухани бойымызда мәңгі қалуға тиіс», - деген еді. Сайып келгенде, Елбасының «Бірінші-ұлттық код, ұлттық мәдениет сақталмаса, ешқандай жаңғыру болмайды. Екінші-алға басу үшін ұлттың дамуына кедергі болатын өткеннің кертарпта тұстарынан бас тарту керек» деген сөзін басшылыққа алуға болады

Зерттеудің ғылыми аппараты

Зерттеудің нысаны: бастауыш сынып оқушыларына этно-мәдени білім беру

Зерттеудің пәні: бастауыш сынып оқушыларына этно-мәдени білім берудің ерекшеліктері.

Зерттеудің мақсаты: бастауыш сынып

оқушыларына этно-мәдени білім берудің ерекшеліктерін теориялық тұрғыда зерттеп, анықтау және оны білім беру жүйесінде пайдалану мүмкіндіктерін ашу.

Зерттеудің

міндеттері:

1)бастауыш сынып оқушыларына этно-мәдени білім беру ерекшеліктерінің әдіснамалық және теориялық қағидаларына талдау жасап, ғылыми тұрғыдан негіздеу.

2) бастауыш сынып оқушыларына этно-мәдени білім беру ерекшеліктерінің сипаттамасын ашу;

3) бастауыш сынып оқушыларына этно-мәдени білім беру ерекшеліктерінің теориялық үлгісін әзірлеу;

4) бастауыш сынып оқушыларына этно-мәдени білім беру ерекшеліктерін зерттеу.

5) бастауыш сынып оқушыларына этно-мәдени білім беру ерекшеліктері бойынша ғылыми-әдістемелік ұсыныстар жасау.

Зерттеудің ғылыми болжамы: егер бастауыш сынып оқушыларына этно-мәдени білім берудің ерекшеліктері айқындалып, сол арқылы оның үлгісі жасалып, сонымен қатар жүйесі құрылып, іс жүзінде тәжірибеге енсе, онда бастауыш сынып оқушыларына этно- мәдени білім берудің ерекшеліктерінің тиімділігі артады, өйткені мұндай жағдайда қарастырылып отырған процестің жүйелілігі мен тұтастығы қамтамасыз етіледі.