Жаңартылған білім беру заман талабы мақаласы

«Жаңартылған білім беру – заман талабы»

Биылғы оқу жылынан бастап еліміз бойынша жүргізіліп жатқан білім саласындағы реформа - ең алдымен білім беру жүйесін жақсарту арқылы өмір сүруге икемді, яғни кез келген ортаға бейімделе алатын, өмір сүру дағдысы қалыптасқан, бәсекеге қабілетті, ұлт мүддесі үшін қызмет ете алатын жеке тұлға қалыптастыруға бағытталған. Сондықтан ұстаз ретінде маған артылған үлкен жауапкершілік пен зор сенім мені алға жетелеп, еңбек жолымда кездесетін қиындықтарды бағындыруға күш береді.

Жаңартылған білім беру бағдарламасының енгізілуі ең алдымен жас ұрпақ үшін тиімді деп санаймын. Себебі, мұнда білім мен дағды қатар жүреді, яғни оқушы мақсаты - танымдық ақпаратты көп жинау, көп білуде емес, алған білімді күнделікті өмірде қолдану дағдысын қалыптастыруда болып табылады. Атап айтсам, оқулықтағы ортақ тақырыптардың таңдалуының мәні зор, бала жанына жақын, түсінікті деп санаймын. Мысалы, «Тағам мен сусын»тарауы барлық қырынан, барлық сабақта қамтылады. Онда тағамның тарихын да, қалай тұтыну керектігін де, денсаулыққа әсерін де, қоғамдық тамақтану орнындағы этикет ережелері, өз рецебін ұсыну, аспазшы, даяшы, т.б. рөліне енулері жалпы алғанда бала үшін қызықты, оңай және тиімді.Бүгінде «Оқу – инемен құдық қазғандай» деген мәтелдің қате пікір екені мойындалды. Оқу – инемен құдық қазғандай емес! Яғни, білім алу бала жүйкесіне түсетін ауырлық емес, қажеттілігін қанағаттандыратын құрал болуы қажет! Сонда ғана ол өмірлік құндылығына айналады. Ол үшін, әрине, мұғалімнің педагогикалық шеберлігі мен шығармашылық ізденісі, қажырлы еңбек етуі өте қажет болады.Сондай-ақ, мұндағы бағалау жүйесінің маңызы орасан. Критериалды бағалау – біріншіден, оқушының өздігінен даму мүмкіндігіне

Жеңіс негізгі орта мектебі, Бұлантаева Гүлжанат Рахметулақызы.