Білім беру жүйесіндегі озық технологиялар эссесі

Фото орны

3х4

Фото орны

3х4

Ширинбекова Гулжан Худайбердиевна,

биология пәнінің мұғалімі

ҚЗМ «Бәйтерек»

Шымкент қ., Рысқұлов көш., 164

[email protected]

Білім білім беру жүйесіндегі озат технологиялардың маңыздылығы

Мұғалім – өзінің білімін үздіксіз көтеріп отырғанда ғана мұғалім, ал оқуды, ізденуді тоқтатумен оның мұғалімдігі де жойылады

К.Д. Ушинский.

Білім беру жүйесінің озат технологиялары мұғалімнің оқыту методикасын жаңартады. Озат технологияларды оқу жүйесінде пайдалану – мұғалімдер үшін білім беру үдерісінде жетістікке жетудің жолы. Ол үшін оқыту бағдарламалары, электрондық оқулықтар, қалыптастырушы мен жиынтық бағалаулары, өзіндік жұмыстар сабақ кезінде орын алып отыру қажет.

Сабақта жаңа технологиялардың тиімділігі оқушылардың танымдық қызығушылығын арттыру үшін тақырып материалдарын оқып үйренуде, әртүрлі ізденушілік бағыттағы тапсырмаларды орындауларынан байқауға болады. Оқытудағы жаңа әдіс-тәсілдерін пайдалануда мұғалім де, оқушы да табысқа жетеді және білімін көтереді.

Озат әрі жаңа оқыту технологияларын пайдалануда қоғамның мектеп түлегіне қойып отырған талабы еске алынуы қажет. Жаңа технологияларды іске асыру үшін мұғалім және мектеп әкімшілігі тарапынан көптеген өзгерістерді енгізуге дайын болу керек. Жаңа әдістердің тиімділігі оқушы мен мұғалім арасындағы кеңістікті жоғалтып, жақын қарым-қатынас арқылы, оқушыны ізденіс жұмыстарына талпындырады.

Жаңартылған бағдарлама мектепке өткен жылдан бастап енгізілді. Сабақ кезінде оқушыларға күнделікті қалыптастырушы бағалаудың тапсырмаларын орындату, бөлім және тоқсан аяқталғаннан кейін жиынтық бағалаулармен алған білімдерін тексеру жұмыстары бағалаудың тәсілін жеңілдеткен секілді.

Жаңа технологияларды енгізуде біршама қиындықтар мен түсініспеушілікке оқушылар, мұғалімдер, мектеп әкімшілігі және ата-аналар да соғылды. Балаларының үлгерім деңгейін ата-анасына жеткізу сынып жетекшісіне, мектеп басшыларына қиындыққа түсті. Үйреншікті сабақ жоспарды құрылымы өзгеше ҚМЖ-мен алмастыру, жазу оңайға түскен жоқ.

Осы жаңартылған мазмұнды бағдарламаның курсына қатысудағы жетістігім жетерлі. Оқу мақсатына сәйкес бағалау критерийлерді жазу, тапсырмаларды құрастыру, дескриптор қою және т.б. жазуды үйрендім. Алдағы жоспарым, осы алған білімдерімді іс жүзінде, оқу әдістемесінде қолдану болып табылады. Жаңа әрі озық технологиялар-ды оқу әдістемесінде қолдану. Биік шыңдарды бағындыруға оқу саласындағы жаңа технологиялар ықпал беретініне сенімдімін.